ខ្ញុំចូលចិត្តបំផុតរឿងពិនិត្យ និង កែអក្ខរាវិរុទ្ធភាសាខ្មែរ ។ ថ្ងៃនេះ កែអត្ថបទសម្រាប់ផ្សាយនៅទស្សនាវដ្ដី ខ្ញុំដាក់ពាក្យ សម្ពោធ អ្នកផ្សេងកែដាក់ សម្ភោធ វិញ រួចមកប្រកែកនឹងខ្ញុំ ទាល់តែឃើញក្នុងវចនានុក្រមទើបស្របតាម ។ នៅលើលិខិតអញ្ជើញមួយទៀត ពាក្យ កម្សាន្ត ខ្ញុំប្រាប់ថាសរសេរដូច្នេះក៏មិនជឿ ហើយពាក្យអាសយដ្ឋាន សរសេរថា អាស័យដ្ឋាន ប្រាប់ថាខុសហើយ គេអាន “អា សៈ យ៉ាត់ ឋាន” មិនអាចប្រើ សំយោគសញ្ញា ទេ ក៏មិនជឿទៀត ។ កាលមុននោះ អត្ថបទដែលឱ្យគេពិនិត្យ គេកែជិតដប់ពាក្យ សុទ្ធជាពាក្យត្រូវមកខុសទាំងអស់ ។
សរសេរនេះ មិនមែនខ្ញុំចង់ថាឱ្យគេទេ តែខ្ញុំសង្ឃឹមថា គ្រប់គ្នានឹងបើកវចនានុក្រម ពេលដែលសង្ស័យថាពាក្យនោះខុស ឬ មិនច្បាស់ ហើយព្យាយាមសរសេរពាក្យក្នុងភាសារបស់ខ្លួនឲ្យត្រឹមត្រូវ ។
សម្រាប់ខ្មែរ 
បាទបង!
ខ្ញុំពីមុនសរសេរខុសសន្ធឹកដែរហ្នឹងណា៎។ កុំតែបានទិញសៀវភៅវចនានុក្រមសម្ដេច ជួន ណាត នោះទេ។ កុំអីនៅតែខុសដដែល…..
ដំបូង សរសេរខុសដូចគ្នា ឥឡូវបានគ្រាន់បើហើយ ។
ខ្ញុំក៏អ៊ីចឹងដែរ ពាក្យណាខ្លះអត់ច្បាស់ក្នុងការសរសេរដែរ តែខ្ជិលបើកវចនានុក្រមមើល ចាំកែប្រែទម្លាប់នេះចោលឱ្យអស់
ខ្ញុំគិតថា បើសិនជាអាចនោះ គួរនាំគ្នាទិញសៀវភៅវចនានុក្រមទុកមើលប្រចាំផ្ទះ ឬ ផ្ទាល់ខ្លួនទៅ វាជាការប្រសើរណាស់។
តែបងចូលចិត្តមើលតាមកុំព្យូរទ័រជាងវិញ
ពាក្យមួយចំនួនមិនបានបញ្ចូលនោះទេ។
ពាក្យមួយចំនួនមិនបានបញ្ចូលទៅក្នុងកម្មវិធីវចនានុក្រមនោះទេ។ ដូច្នេះពាក្យមួយចំនួនរកមិនឃើញទេ។
និយាយទៅ គាត់ទម្លាប់ខុសទៅហើយ, ដូចតែខ្ញុំចឹង នៅសរសេរអក្សរខ្មែរមិនទាន់ត្រង់ជួរនៅឡើយ!
សរសេរកុំព្យូទ័រហើយ នៅមិនត្រង់ជួរទៀត អីក៏អន់ម្ល៉េះក្មេងស្រែ? 😀
ចំណែកខ្ញុំសរសេរខុសតែញឺកនឺង!តែអ្វីដែលចាំមិនភ្លេចនោះគឺពាក្យ សម្រាប់
ចំណែកខ្ញុំវិញ ទទួលស្គាល់ថា មិនសូវច្បាស់ទេអារឿងអក្សរសាស្ត្រខ្មែរពេលខ្លះខ្ញុំសរសេរអត្ថបទផ្លូវការ មិនដឹងថាសរសេរយ៉ាងម៉េចឡើយ តែខ្ញុំអាងលើ Khmer Spell Checker (តាមវចនានុក្រមសម្ដេច ជួនណាត)
ហេសហេសហេស… ញ៉ុមអន់តាចឹង!
ខ្ញុំ ឯណេះវិញប្រសិនបើដឹងច្បាស់ថាខ្លួន សរសេរខុសហើយ
អត់ខ្លាចសោះអារឿងដែលទទួលកំហុសដែលខ្លួនធ្វើខុសនោះ
សំខាន់ គឺ ខ្ញុំ មិនព្រមជជេស ហើយធ្វើខ្លួនចេះទៀត ។ អរគុណ
ចំពោះអត្ថបទល្អមួយនេះ ៕