លទ្ធផលចុងក្រោយនៃការប្រកួតតេក្វាន់ដូជ្រើសរើសជើងឯកអាស៊ីអាគ្នេយ៍លើកទីដប់ដែលធ្វើឡើងនៅកីឡដ្ឋានជាតិអូឡាំពិក កម្ពុជាទទួលបានមេដាយ ចំនួន ៤១ គឺមេដាយមាស ៤ មេដាយប្រាក់ ១១ និង មេដាយសំឬទ្ធ ២៦ ខណៈវៀតណាមទទួលបានមេដាយមាស ២៥ ប្រាក់ ១៥ សំរឹទ្ធ ១៦ ។ ហ្វីលីពីន មេដាយមាស ១១ ប្រាក់ ៧ សំរិទ្ធ ១៧ ។ ម៉ាឡេស៊ី មេដាយមាស ២ ប្រាក់ ២ សំរឹទ្ធ ៤ ។ ថៃ មេដាយមាស ២ ប្រាក់ ២ សំរឹទ្ធ ១ ។ ឥណ្ឌូណេស៊ី មាស ១ ប្រាក់ ១ សំរឹទ្ធ ១ ។ សិង្ហបុរី មេដាយ ប្រាក់ ៥ សំរឹទ្ធ ៦ ។ ឡាវ មេដាយ ប្រាក់ ២ សំរឹទ្ធ ៣ ។
ទឹកប្រាក់សម្រាប់មេដាយនីមួយៗគឺ មេដាយមាសទទួលបាន ៩ លានរៀល មេដាយប្រាក់ ៨ លានរៀល និង មេដាយសំរឹទ្ធិ ៧ លានរៀល ។
| ល.រ. | ឈ្មោះប្រទេស | មេដាយមាស | មេដាយប្រាក់ | មេដាយសំរឹទ្ធិ |
| ១ | វៀតណាម | ២៥ | ១៥ | ១៦ |
| ២ | ហ្វីលីពីន | ១១ | ៧ | ១៧ |
| ៣ | កម្ពុជា | ៤ | ១១ | ២៦ |
| ៤ | ម៉ាឡេស៊ី | ២ | ២ | ៤ |
| ៥ | ថៃ | ២ | ២ | ១ |
| ៦ | ឥណ្ឌូណេស៊ី | ១ | ១ | ១ |
| ៧ | សិង្ហបុរី | ០ | ៥ | ៦ |
| ៨ | ឡាវ | ០ | ២ | ៣ |
ក្នុងការប្រកួតពីថ្ងៃទី ៧-៩ មេសា ២០១១ នេះ ចែកចេញជាបួនវិញ្ញាសារ គឺការបង្ហាញសម្មត្ថភាពក្បាច់គុណ ការប្រកួតសម្រាប់ប្រភេទអាយុក្រោម ១៧ ឆ្នាំ ការប្រកួតសម្រាប់ប្រភេទអាយុ ១៨-៣០ ឆ្នាំ និង ការប្រកួតសម្រាប់ប្រភេទអាយុ ៣១ ឆ្នាំឡើង ដែលមានប្រទេសចំនួន ៨ បានចូលរួម គឺ កម្ពុជា កីឡាករ ៥៤ នាក់ វៀតណាម ១១២ នាក់ ហ្វីលីពីន ៤៦ នាក់ សិង្ហបុរី ២២ នាក់ ម៉ាឡេស៊ី ១៣ នាក់ ឡាវ ១២ នាក់ ថៃ ៨ នាក់ និង ឥណ្ឌូណេស៊ី ៨ នាក់ ដោយឡែកប្រទេស ភូមា និង ព្រុយណេ មិនបានចូលរួមក្នុងការប្រកួតនេះទេ ។
សម្រាប់ខ្មែរ 
បើមានខ្ញុំប្រហែលជាបានថែមមេដាយមាស ១ទៀតមើលទៅ ហេហេហេ
សៀមបានមេដាយតិចម្ល៉េះ? មិនបញ្ចូនកីឡាករមកគ្រប់គ្រាន់ទេដឹង? កីឡាមួយចំនួនរបស់កម្ពុជាតែងនាំមកវិញនូវជ័យជំនះតែមិនសូវទទួលបានការគាំទ្រឧបត្ថម្ភសោះ ដូចសាម៉ឺឌីចឹង ត្រូវបង្ខំចិត្តមកធ្វើការខាងអេដស៍ទៅវិញ ។ កីឡាមួយចំនួនទៀត ឧបត្ថម្ភអ៊ើយឧបត្ថម្ភ, គាំទ្រអ៊ើយគាំទ្រ តែទៅហើយមកវិញបានបទពិសោធន៍អោយរាល់តាលើក ។
មានសាម៉ាឌីឯង ខ្លាចតែថយមេដាយវិញ
@ក្មេងស្រែ៖ ព្រោះកីឡាករថៃមកចូលរួមតែ ៨ នាក់ ។ វៀតណាមបានច្រើនជាងគេ ដោយសារកីឡាករបញ្ជូនមកចូលរួមមានច្រើនជាងគេ ។
តាមពិតទៅ ស្រុកខ្មែរមិនសូវជាលើកស្ទួយកីឡាតៃខ្វាន់ដូ ប៉ុន្មានទេ តែបើនិយាយអំពី សមត្ថភាពវិញមិនខ្វះទេជើងខ្លាំង។ ព្រោះសូម្បីតែកីឡាករប្រដាល់ល្បីៗ សុទ្ធតែរកអង្ករច្រកឆ្នាំក៏គ្មានផង! ចំណែកតៃខ្វាន់ដូ គឺពឹងផ្អែកទៅលើខ្លួនឯងទាំងស្រុង បង់លុយសម្រាប់ហ្វឹកហាត់ ១០ដុល្លារ ក្នុង១ខែ, សំលៀកបំពាក់ ១ឈុត ១៥ដុល្លារ… សូម្បីតែបុគ្គលិកសហព័ន្ធកីឡាតេខ្វាន់ដូរក៏គ្មានប្រាក់ខែស៊ីផង… និយាយអោយចំទៅគឺ ក្រសួងអប់រំយុវជន និងកីឡាមិនបានគាំទ្រឧបត្ថម្ភពេញលេញសម្រាប់កីឡានេះឡើយ។
សួស្តីឆ្នាំថ្មី បឿន !
បាទ សួស្ដីឆ្នាំថ្មី