មិនចម្លែកសម្រាប់អ្នកដែលធ្លាប់ចូលពេទ្យរដ្ឋ នៅពេលឃើញអាកប្បកិរិយាពេទ្យធ្វើមកលើអ្នកជំងឺ និងអ្នកថែអ្នកជំងឺដោយប្រើពាក្យគំរោះគំរើយ ស្ដីថាដូចសត្វធាតុ ។ ពេទ្យដែលខ្ញុំគិតថាជាប់ចំណាត់ថ្នាក់លេខមួយខាងនេះ ប្រហែលជាពេទ្យគន្ធបុប្ផា ដែលជាពេទ្យពិនិត្យ និងព្យាបាលរោគកុមារ ។ ខ្ញុំទើបតែចូលពេទ្យនោះជាលើកទីមួយ កាលពីប៉ុន្មានថ្ងៃមុន ពេលប្អូនជីដូនមួយខ្ញុំក្ដៅខ្លួនខ្លាំង ។ ពេលចូលទៅដល់ក្នុងមន្ទីរពេទ្យ គ្រូពេទ្យបីបួនអ្នក ប្រុសម្នាក់ស្រីពីរ ឬបីនាក់, ខ្ញុំមិនចាំ, ខ្ញុំមិនទាន់បាននិយាយអី ឬអង្គុយផង ឮពេទ្យនោះស្ដីឱ្យមីងចំណាស់ម្នាក់កំពុងបីកូននឹងដៃ ដែលទំនងចាស់ជាងពេទ្យនោះ ។ ពេទ្យនិយាយកំបុតកំបុយ “ឮថាឱ្យចេញទៅក្រៅទេ!! ម៉េចនិយាយមិនស្ដាប់គ្នាទេអ្ហី?” មីងនោះខំអង្វររលីងរលោងទឹកភ្នែក ព្រោះគាត់បារម្ភពីកូនគាត់ ពេទ្យនោះនៅតែដេញគាត់ឱ្យចេញ មីងក៏បីកូនចេញរបៀបមិនអស់ចិត្ត ។ រួចពេទ្យនោះបែរមកសួរខ្ញុំ “ឈឺអី?… អង្គុយកៅអីមក!!” និយាយរបៀបគំរាមសួរចម្លើយអ្នកទោសយ៉ាងម៉េចមិនដឹងទេ រួចឱ្យខ្ញុំដាក់ប្អូនអង្គុយលើកៅអី គេមើលតើអង្គុយបានឬអត់ រួចថា “កូនហ្នឹងមិនអីទេ យកទៅវិញទៅ” ខ្ញុំក៏ថា “វាក្ដៅឡើងចង់សន្លប់ ហូរឈាមតាមច្រមុះទៀតផង” ។ ពេទ្យថា “ហូរឈាមតាមច្រមុះមិនអីទេ យកទៅវិញ ម៉ោង២ចាំចូលមកម្ដងទៀត!” ខ្ញុំក៏អង្វរថាឱ្យជួយពិនិត្យក្មេងបន្តិចទៅ ពេទ្យគេត្អូញ “ធុញណាស់វ៉ី! មើល៍យកថ្នាំប៉ារាឱ្យលេបមួយចំហៀងទៅ ហើយឱ្យទៅក្រៅទៅ!” ពេទ្យប្រុសនោះ ក៏យកថ្នាំបោះនៅលើតុមុខខ្ញុំ និយាយថា “ណេះ! យកទៅលេបទៅ! លេបមួយគ្រាប់ហ្នឹងហ្មងទៅ!” រួចពេទ្យៗគេនាំគ្នាសើចគ្នាគេ ហើយដើរទៅអង្គុយធ្វើមិនដឹង ។ ខ្ញុំចាប់ក្ដៅទ្រូងភ្លាម រួចក៏បីប្អូនដើរចេញមកក្រៅវិញ និងនាំទៅពេទ្យកុមារជាតិ ។ មិនស្មានថា ពេទ្យកុមារជាតិស្រួលជាងពេទ្យគន្ធបុប្ផាសោះ ខ្ញុំចំណាយលុយ ២០០០៛ ទិញសៀវភៅចូលពិនិត្យរោគ និងចំណាយ ៦០០០៛ លើថ្លៃបើកថ្នាំ និងមិនចាំបាច់រង់ចាំយូរទៀតផង តែសេវាក៏មិនល្អខ្លាំងណាស់ណាទេ តែចាត់ទុកថាប្រសើរជាងគន្ធបុប្ផាឆ្ងាយណាស់ ។
តើអាកប្បកិរិយាបែបពេទ្យនៅគន្ធបុប្ផាបណ្ដាលមកអំពីអ្វី? មកពីចរិតរបស់ពេទ្យទាំងនោះ ឬមកពីការនៅជាមួយអ្នកជំងឺរាល់ថ្ងៃ ធ្វើឱ្យគាត់មួម៉ៅ លែងចេះនិយាយពាក្យល្អ ចេះតែពាក្យជេរ ស្ដីបន្ទោស ។ តែទោះជាយ៉ាងណា ក៏ខ្ញុំនៅតែបន្ទោសដែរ ព្រោះអាកប្បកិរិយាហ្នឹងវាជ្រុលហួសហេតុពេក ធ្វើឱ្យខ្ញុំស្អប់មុខពេទ្យហ្នឹងមែនទែន ។ ឧបមាថា ចៃដន្យពេទ្យហ្នឹងជាបងប្អូនខ្ញុំ មកលេងផ្ទះខ្ញុំអី ខ្ញុំមិនខ្លាចនឹងតោងចានបាយចេញ និងដេញមិនឱ្យស៊ីបាយនោះទេ ព្រោះវាដូចជាឆ្អែតពេញទ្រូងណាស់ ថ្ងៃនោះ ។
សម្រាប់ខ្មែរ 
វាជាការពិតណាស់បឿន ពេទ្យភាគច្រើននៅស្រុកខ្មែរយើងគឺមានចរិកដូច្នេះឯង។ មនុស្សមានចំណេះ មានជំនាញ តែគួរអោយស្តាយព្រោះពួកគេខ្វះសីលធម៌ និងគុណធម៌។ គ្រូពេទ្យភាគច្រើនដែលខ្ញុំបានជួបគឺពុំមានសីលធម៌វិជ្ជាជីវៈជាពេទ្យឡើយ។ មិនដឹងថាពេទ្យទាំងនោះខ្វះការអប់រំផ្នែកសីលធម៌ឬយ៉ាងណានោះទេ។ កុំថាឡើយពេទ្យ សូម្បីតែសាស្ត្រាចារ្យដែលបង្រៀននៅសាកលវិទ្យាល័យសុខាភិបាលក៏មានសំដី និង ចរិកមិនអន់ប៉ុន្មានដែរ។ ខ្ញុំកំពុងតែឆ្ងល់ថាគ្រូបង្រៀន/ អ្នកអប់រំ ហើយពេទ្យទាំងនោះដើរតួជាអ្នកសង្គ្រោះជីវិតមនុស្សយ៉ាងម៉េចទៅបើពុតរបស់គាត់យ៉ាប់យ៉ាងនេះ។
ក្ដៅឆេវហ្មង!
មនុស្សស្រុកខ្មែរភាគច្រើនគឺឈ្លើយអញ្ចឹង មិនថាតែពេទ្យទេ តាំងពីអ្នកធំរហូតដល់កញ្ជះគេ។
oh ….i cant comment coz i cant read khmer….can sum 1 please let me know wat the post says? so i can write a comment….i need to go cambo skool quick n fast…coz im losing out on the good stuff!
និយាយអញ្ចឹង ក្ដៅចិត្តអញ្ចឹង មានចង់សាកសរសេរមែលទៅប្ដឹងលោកមេធំ(តាជនជាតិស្វ៊ីសដែលខំប្រឹងរកលុយមកចិញ្ចឹមពេទ្យគន្ធបុប្ផានេះ)របស់ពេទ្យនេះទេ?
ខ្ញុំសង្ឃឹមថា ពេទ្យស្រុកខ្មែរនឹងកែប្រែសុជីវធម៍ឡើងវិញ! ខ្ញុំទើបបានឃើញមានការផ្សាយ ពីពេទ្យដែលចង់បានលុយតិចតួច ធ្វើអោយអ្នកជំងឺពិការមួយជីវិត! ឈឺមើលមិនកើតមិនប្រាប់ទេ នៅអង្គាមយកលុយអស់ចិត្ត! កាលមុនម៉ាក់ខ្ញុមដួលម៉ូតូ ប៉ះសរសៃក្បាល ទៅជាវៀចមាត់ពេលនិយាយ ពេទ្យខ្មែរនៅតែអោយទៅចាក់ថ្នាំ ចាក់ម្ជុលវិទ្យាសាស្ត្រ មួយថ្ងៃៗ ចំនាយមិនតិចទេ! ទីបំផុតក៏សំរេចចិត្តឈប់មើលនៅខ្មែរ(អស់ជាង១ខែឬ២ខែនៅខ្មែរ ខ្ញុំចាំ) ក៏ទៅស្រុកសៀមវិញ! ខ្ញុំសរសើរសេវា គេល្អ! តែតំលៃថ្លៃ ទីបំផុតម៉ាក់ខ្ញុំក៏បានជះសះស្បើយ! បើមានវេទិការនិយាយពីសុជីវធម៍ពេទ្យខ្ញុំក៏ចង់ ចូលរូមដែរ!
បើតាមការរៀបអ្នកជំងឺខាងលើ និងជំងឺម៉ាក់ខ្ញុំគឺដូចគ្នាច្រើន! តែម៉ាក់ខ្ញុំមិនទ្រាំនៅស្រុកខ្មែរ យូរ តែមីងម្នាក់នោះត្រូវពេទ្យនោះបោកបាន ក៏ចេះតែទ្រាំទៅ! លុះដឹងហួសពេល ពេលទៅយួន ពេទ្យយួនថាងាប់សសៃបាត់! គួរអោយអាណិតគាត់ណាស់!
ពេលដែលខ្ញុំបានលឺបឿននិយាយអញ្ចឹង ខ្ញុំចាំបានកាលពីក្មួយខ្ញុំឈឹ ហើយបាននាំ យកទៅពេទ្យគន្ធបុប្ផា ពុទ្ធោអើយ!ពេទ្យនោះចំជាមហាពេទ្យមែន មហាឈ្លើយរក លេខដាក់គ្មាន និយាយស្ដីដូចរបបវាលពិឃាត គ្មានគោរពជីវិតមនុស្សទេ។កាល នោះក្មួយខ្ញុំបាក់ដៃ យកអោយពេទ្យគន្ធបុប្ផាមើល ពេទ្យនោះនិយាយពាក្យអសុរោះ អសីលធម៏ ទុជីវធម៏ជាទីបំផុត ប្រហែលជាពេទ្យនៅគន្ធបុប្ផាសុទ្ធតែពេទ្យចេញរបបវាលពិឃាតហើយមើលទៅ ។ពេលឈឺនៅស្រុកខ្មែរ បើអត់លុយដេកចាំតែងាប់ទៅ ហើយបើមានលុយ វិញក៏ទុកចិត្តពេទ្យដែរ ព្រោះពេទ្យខ្លះស្ដាប់មើលទៅ ពូកែបោកប្រាស់គេណាស់!
វាមិនមែនមកពីពេទ្រស្ត្រេសដោយសារឃើញអ្នកជំងឺរាល់ថ្ងៃនោះទេ តែមកពីគេនាំគ្នាធ្វើចឹងហ្មង។ ប្រហែលជាកាលគាត់រៀន គាត់រៀនថា ធ្វើមុខក្រញូវ សំឡុតគេម្តងៗ កើតអាយុហើយមើលទៅ។
អ្នកទាំងអស់គ្នាបន្ថែមរបោយ បន្ថែមគ្រឿងបន្តិចទៀត ខ្ញុំរឹតតែណែនទ្រូងថែមទៀត ខឹងពេទ្យនោះមិនទាន់បាត់ទេ ។ និយាយថាពេទ្យនៅគន្ធបុប្ផា និយាយស្ដីដូចកាលរបបប្រល័យពូជសាសន៍ ពិតជាត្រូវល្អណាស់ ខ្ញុំរកនឹកមិនឃើញ តាមពិតគឺអ៊ីចឹង ។
បឿនអើយ សូម្បីបុគ្គលិកការិយាល័យនៅតាមសាកលវិទ្យាល័យក៏មិនណយដែរ ពិសេសសាលាខ្ញុំតែម្ដង ។ ឆ្ងល់ណាស់ ប្រហែលជាគេបានធ្វើការក្រសួងមិនដឹង បានធ្វើមារយាទដូចមនុស្សព្រៃអ៊ីចឹង ។ មិនដឹងពួកគាត់រៀនចប់ដល់ថ្នាក់ណាថ្នាក់ណីខ្លះទេ ចរិតមិនបានស្មើក្មេងរើសសំរាមផង ដែលវាចេះគួរសមសុំទានសុំធូបអីវាសំពះត្រឹមត្រូវ ។
បើហ៊ានក្អកជាមួយពួកគាត់ មានតែនាំរឿង នាំទុក្ខដល់ខ្លួនទេ ។ លទ្ធផលទទួលបានគ្មានអីក្រៅពីពាក្យបញ្ចោរពីក្រោយខ្នងទេ ម្នាលអំបាលម៉ាននោះ ។ មនុស្សជំពូកនេះ គឺរស់បានសុខនឹងពាក្យគេជេរហ្នឹងឯង ។
ខ្ញុំគិតថាថ្ងៃក្រោយគឺប្តឹងគាត់តែម្តងទៅ មើលអត្តលេខ និងឈ្មោះពេទ្យហ្នឹង ហើយប្តឹងទៅការិយាល័យរដ្ឋបាល រឺការិយាល័យទទួលពាក្យបណ្តឹង ឬអ្នកកាសែត ។ធ្លាប់មានការព្រមានពេទ្យមួយចំនួននៅពេទ្យជប៉ុន ក្រោយមកពេទ្យងដូចជាន់បើ។
ព្រោះពេទ្យអស់មានប្រាក់ខែច្រើនជាងពេទ្យរដ្ឋមួយចំនួន
អញ្ចឹងគាត់គួរតែរៀនឲ្យមានសុជីវធ៌ម កុំឲ្យគេដៀលថារស់នៅក្នុងសង្គមអ្នកចេះដឹងនឹងគេដែរ តែមានចារឹកព្រៃ។
បានឭបឿន អូន រៀបរាប់បែបហ្នឹង បងក៍មិនស្រួលចិត្តដែរ ! បងគិតថា គួរតែនាំគ្នាលួច
ថតរាល់សកម្មភាព មិនល្អ គ្មានសុជីវធម៌ របស់ពួកពេទ្យអស់ទាំងនោះ យកទៅប្តឹង
ឬ ផ្សព្វផ្សាយ តាមរបៀបណាដែលអាច អោយអាមាស់មុខ ឬជ្រួលជ្រាបដល់ថ្នាក់លើ
ម្តងទៅ !.
រយះកន្លង បងក៍សង្កេតឃើញបែបហ្នឹងដែរ អ្នកធំ អ្នកមាន អ្នកមុខ អ្នកការ.. មួយចំនួន
តែងតែប្រើសំដីទ្រគោះបោះបោក ដាក់អ្នកតូចទាបជាងខ្លូន តួយ៉ាងជាអ្នកបំរើ ឬ អ្នក
បើកឡានអោយ ដោយមិនគិតថា ពួកគេក៍ជាមនុស្សដូចគ្នាសោះ !. ពួកគេមិនគិតទេ
ថា៖ ធ្វើបែបហ្នឹងគ្មាននរណាគេសរសើរឡើយ ហើយជួញតែគេស្អប់ទៀត !.
ខ្មែរយើងគួរតែមានផ្សព្វផ្សាយ ពីសុជីវធម៌ក្នុងការ និយាយស្តីគ្នារវាងមនុស្ស និង
មនុស្សដូចគ្នា អោយបានច្រើន តាមទូរទស្សន៍ ឬ តាមសាលា ..។ល។
បើនៅប្រទេសក្រៅជឿនលឿន គេគោរពសិទ្ធិគ្នាណាស់ !. ការនិយាយស្តីរកគ្នារវាង
មនុស្សនិងមនុស្ស តែងតែទន់ភ្លន់ជានិច្ច ! មិនថា ជាអ្នកធំ ឬ តូចអ្វីទាំងអស់ !
គេមិនដែលនិយាយឡូឡាដាក់គ្នា ឭៗ ដូចនៅខ្មែរយើងចឹងទេ !.
គេជួយគ្នាណាស់ ប្រសិនបើបានជួបមនុស្សកំពុងមានគ្រោះថ្នាក់ចឹងទៀតនោះ !
មកពីគាត់គិតថាមានតែគាត់ដែលលើសគេ អញ្ចឹងហើយ នេះជាអំនួតរបស់គាត់ ធ្វើអោយគាតភ្លេចក្រមសីលធម៌របស់ជាគ្រូពេទ្យអស់។ ខ្ញុំក៏ធ្លាប់ជួន កូនមីងខ្ញុំទៅដែរទីនោះ ពេទ្យថាមិនអី អោយទៅពេទ្យកៀនឃ្លាំង តែពេទ្យកៀនឃ្លាំងអោយទៅពេទ្យខេត្តវិញ តាមពិតពេទ្យខេត្ត បានអោយមីងខ្ញុំនាំកូនគាត់មកពេទ្យគន្ធបុប្ផានេះ លទ្ធផលចុងក្រោយកូនគាត់ស្លាប់ទាំងក្មេងខ្ចី។
ខ្ញុំធ្លាប់គិតដូចវិចិត្រអញ្ចឹង ។ ពេលខ្លះ ខ្ញុំអង្គុយហើយគិតថា តើតម្លៃមនុស្ស តម្លៃសីលធម៌ គុណធម៌ មនុស្សធម៌របស់ខ្មែរបាត់ទៅណាអស់ទៅ បានជាមិនដែលឃើញជនជាតិខ្មែរប្រើសម្ដីផ្អែមល្ហែម ឬ ចេះគោរពមនុស្សដូចគ្នាសោះ ឬ មួយវាជាចរិតរបស់ខ្មែរ ។
ខ្ញុំមិនមែនលើកជើងថៃទេ តែតាំងពីខ្ញុំមកធ្វើការនៅស្រុកនេះ ខ្ញុំតែងតែសង្កេតឃើញថា ប្រជាជនគេ សូម្បីតែមនុស្សចាស់ជាងយើង ជួនកាលគាត់នៅលើកដៃជំរាបសួរយើងមុន ហើយភាសាគេនិយាយតែងតែមាន “សូមអញ្ជើញ, ចាស៎, បាទទាន, អរគុណ” ជានិច្ច ។ ពេលខ្ញុំទៅពេទ្យនៅស្រុកនេះម្ដងៗ ខ្ញុំឃើញទាំងគិលានុបដ្ឋាយិកា និង បុគ្គលិកផ្នែកផ្សេងៗ គេពិតជាយកចិត្តទុកដាក់អ្នកជំងឺមិនអោយទាស់ចិត្តអីបន្ដិច ។ រឹតតែគិត រឹតតែប្រៀបធៀប រឹតតែឈឺក្បាល ។
ក្រមុំកូនចៅខ្មែរអង្គរមកដល់ហើយ ! តែខ្វះខាងបុរស…
http://kapsystem.wordpress.com
បើ កាល់ម៉េត្រ មិនបាច់និយាយ។
ស្រុកខ្មែរយើងអីឡូវគឺអីចឹង! មិនមែនតែក្នុងមន្ទីពេទ្យទេ សូម្បីតាមទីផ្សារលក់ទំនិញក៍អីចឹងដែរ។ ថ្ងៃមួយនោះខ្ញុំទៅផ្សារទិញអីវ៉ាន់១ចំនួនហើយតាមធម្មតាត្រូវពិនិត្យមើលសិនថារបស់ល្អរឺអត់? គ្រាន់តែខ្ញុំទៅដល់មិនទាន់បានមើលរបស់ត្រូវទិញផង ស្រាប់តែយាយប៉ិអ្នកលក់ នោះសួរខ្ញុំទាំងកំរោលថា តើមានលុយទិញទេ? បើអត់មានទេកុំមកឈរមុខតូបនេះ ដាច់ម៉ូយគាត់អស់ហើយ! ក្តៅឆេវតែម្តងខ្ញុំ!!!!!!! ក៍ដើរចេញទៅ ព្រោះរកវាចារថ្លែងមិនរួចសោះ។ ហាស ហា ហា គិតៗទៅស្រុកខ្មែរយើងម្យ៉ាងដែរ មានគ្រប់រសជាតិតែម្តង។
ស្អីគេ? រកសរសេរសំបុត្រទៅអាតាធំក្បាលទំពែកជនជាតិស្វីសនោះផង? ចង់ប្តឹងពី
រឿងអី? វាមិនទៅផេះទេលោកអ៊ើយ ! ពួកអាពេទ្យអស់នោះ ហើយនឹងអាមេធំរបស់
វាជនជាតិស្វីសនោះចរិតឈ្លើយ ហើយមើលងាយខ្មែរ ៩។ មិនបាច់ចាំឆ្ងល់ទេ រឿង
នេះ ! បើមេវារបៀបយ៉ាងម៉េច កូនចៅរបស់វាក៏ចរិតរបៀបហ្នឹងដែរ។
ខ្មែរក្រីក្រភាគច្រើនដែលមានកូនឈឺហើយគ្មានលុយគ្មានកាក់នោះ សុខចិត្តបីកូន
ទាំងទឹកភ្នែក ទៅឈរស្តាប់ពួកអាងាប់ត្រូវគ្រាប់ មីប្រកាច់ពេទ្យឈ្លើយអស់ទាំង
នោះស្តីឲ្យ ប្រើសំដីពាលាបាតផ្សារអាវ៉ាសែ មកលើអ្នកជំងឺ និងមកលើជនជាតិខ្មែរ
គ្នាឯង។ រឿងអស់ទាំងនេះដើរសួរម៉ាស្រុកខ្មែរទៅ នរណាគេមិនល្បីនោះពីរឿងពួក
អាឆ្កែពេទ្យ មីឆ្កែពេទ្យអត់សីលធម៌ទាំងនោះ?
បើនិយាយពីអាមេរបស់ពួកវាជនជាតិស្វីសនោះវិញ មហាសែនអាមេឈ្លើយ ហើយ
មើលងាយជនជាតិខ្មែរទៀត។ សំដីរបស់វាដូចគេជះទាំងកន្ថោរអញ្ចឹងមកលើជនជាតិ
ខ្មែរក្រីក្រ។ មានមិត្តភ័ក្តិតាស៊ីក្លូម្នាក់គេបានរៀបរាប់ពីទុក្ខវេទនារបស់គេពេលដែលគេ
បីកូនទៅជួបអាទំពែកជនជាតិស្វីសនោះ អង្វរសុំឲ្យវាជួយព្យាបាលកូនរបស់គាត់ដែល
ទើបនឹងកើតហើយមានជំងឺមហារីក ប៉ុន្តែគ្រាន់តែដើរទៅជិត គ្នាមិនទាន់បានសួរអីផង
ស្រាប់តែវាស្រែកគំហកខ្លាំងៗ ជំទាល ដេញចេញឲ្យឆ្ងាយពីវាភ្លាម។ អាកប្បកិរិយា
បែបនេះវាមិនសមនឹងពេទ្យដែលមានតួនាទីជួយព្យាបាលជីវិតមនុស្សទេ។ តាស៊ីក្លូ
កំពុងតែរកផ្សាយពត៌មានស្តីពីចរិតពាលាបាតផ្សាររបស់ហ្វូងអាពេទ្យនិងមីពេទ្យនៅ
ពេទ្យគន្ធបុផ្ជាផង ស្រាប់តែចៅបឿនផ្សាយមុនទៅទៀត ……. ដើរសួរគេទៅបើមិន
ជឿតាស៊ីក្លូនិយាយទេនោះថាតើពួកអាពេទ្យនិងមីពេទ្យនៅគន្ធបុផ្ផាមានអត្តចរិតបែប
យ៉ាងម៉េចខ្លះ?
កុំហៅក្រុមហ្នឹងថាពេទ្យអី! ក្រុមនៅកាល់ម៉ែត្រ គុន្ធបុប្ផា ។ល។ហ្នឹង គេច្រើនហៅថា ពួកអាព្រៃផ្សៃ ពួកមីព្រៃផ្សៃ! ខ្ញុំស្អប់ពួកអស់ហ្នឹងណាស់! តែលឺគេថាម្តងៗចង់តែទៅ
ជេរអោយអស់ដៃ។
នឹកឡើងចង់តែនិយាយ, ស្រុកយើងហេតុអ្វីក៏លំបាកម្លេះ? នៅពេលឈឺម្តងៗ មិនដឹងជាទៅរកពេទ្យនៅឯណាទេ កុំថាឡើយពេទ្យរដ្ឋសូម្បីតែពេទ្យឯកជនក៏លំបាកណាស់ដែល មុននឹងបានពិនិត្យត្រូវតំរង់ជួររងចាំមើលតែអ្នកសុំទានហើយត្រូវគេកាប់ដូចសាច់ជ្រូកបីជាន់។ ខ្ញុំស្គាល់ក្រយ៉ៅពេទ្យធុនអន់អស់ហ្នឹងឆ្អែតឆ្អន់ហើយ កុំថាឡើយពេទ្យសូម្បីតែអ្នកធ្វើអនាម័យក្នុងពេទ្យហ្នុងក៏យើងត្រូវហៅថាអ្នកគ្រូដែរ បើយើងមិនចេះក្បួនបព្ជោរទេត្រូវពួកមីអស់ហ្នុង អាអស់ហ្នុងស្តីអោយបោលមុខមិនខានឡើយ។ ទ្រាំៗទៅប្រយ័ត្នគេមិនមើលកូនយើង!
ពួកពេទ្យអស់ហ្នឹង បើសិនជាយកលុយទៅជះលើក្បាលតែម្តងទើបសំដីពិរោះបន្តិច ធ្វើម៉េចបើស្រុកខ្មែរក្រ!!! ចឹងហើយបានជាពួកហ្នឹងមុខលុយបែបនេះ។ សូម្បីខ្ញុំ បង់ថ្លៃ insurance រាល់ខែផងនៅតែវាសំដីដូចជះអាច់ទាំងកន្ថោរដាក់។ ដឹងអត់? ថ្ងៃមុនមិត្តភ័ក្តវាឈឹខ្លាំង ហើយគ្មានបងប្អូននៅជិត ខ្ញុំក៍យកវាទៅពេទ្យ។ ពេលនោះ ប្រហែលម៉ោង១២ថ្ងៃត្រង់។ ទៅដល់ភ្លាមឃើញអ្នកគ្រូពេទ្យម្នាក់ក៍ប្រញាប់សុំការ សង្រ្គោះភ្លែត។ ក្តៅឆេវ!!! អ្នកគ្រូពេទ្យនោះថា ធុញណាស់វ៉ី! កុំមកឈឺខុសពេល ខុសម៉ោងអីចឹង អញមិនទាន់បានស៊ីបាយផង!!! ចុះអាណាដែលដឹងមុនថាវាឈឺថ្ងៃណានោះ? នឹកឃើញចង់តែទៅទះពេទ្យនោះ២ ៣កំផ្លៀងអីឡូវហ្នឹងទេ!!!
.
បើដូច្នោះមែន ខ្ញុំគិតថាគួរនាំគ្នាសរសេរតាម eMail ទៅប្រាប់ដល់
ក្រុមការងារកំពូលៗរបស់ពួកហ្នឹងទៅ តាមតំណនេះ នឹងទៅដល់
ទំព័រនោះ ហើយមាន eMail address សំរាប់សរសេររាយការណ៍
រៀបរាប់ពីរឿងចោលម្សៀតទាំងនោះបានដល់ ។ យកល្អ ប្រាប់
ឈ្មោះ អត្តលេខពេទ្យមិនប្រក្រតីទាំងនោះអោយច្បាស់លាស់ផង
លួចថតជាវីឌីអូជាភស្តុតាងបានទៀតរិតតែប្រសើរ ។
http://www.beat-richner.ch/Assets/richner_foundation.html
http://www.beat-richner.ch/
មិននឹកស្មានថាអីដល់ម្លឹងៗទេ ព្រះម្ចាស់ថ្លៃអើយ !
.
កំណត់ចំណាំ៖
ំ៏***បំរាម
១. ហាមយកកាម៉េរ៉ាចូរក្នុងមន្ទីរពេទ្យ
២. ហាមយកទូរស័ព្ទដៃ
៣. ហាមយកអាវុធជាតិផ្ទុះ
ប៉ុនែ្តទោះជាយ៉ាងណាក៏ដោយ ក៏់ខ្ញុំសូមសរសើរដល់មន្ទីរពេទ្យគន្ធបុប្ផា ដែលក្នុងមន្ទីរពេទ្យពុំមានការប្រព្រឹត្តអំពើរពុក
រលួយ លើកលែងតែអស់លោកប៉ូលីសចរាចរនៅខាងក្រៅមន្ទីរពេទ្យ ដែលចាំរៀបចំសណ្តាប់ធ្នាប់អោយអ្នកជំងឺ ដែលអស់លោកនោះហ៊ានប្រព្រឹតអំពើរពុករលួយ ។
ពេទ្យខ្មែរយើងចឹង! គ្មានអ្នកណាស្មើរទេ ។
ចឹងបានល្បី! បើមិនល្បីចឹង អត់មានអ្នកស្គាល់តែចឹងឯង។
តាមការដែលខ្ញុំធ្លាប់សង្កេតមើលនោះឃើញថា មន្ទីពេទ្យ គន្ធះបុផ្ផា ល្អតែផ្នែក បច្ចេកទេស ប៉ុណ្ណោះ ហើយថែមទាំងមានឧបករណ៏ទំនើបជាងកន្លែងនានា ប៉ុន្តែសេវាកម្ម ដូចជាពិបាកបន្តិចហើយ, ទាល់តែធ្វើមុខក្រាស់បន្តិចទើបអាចព្យាបាលកន្លែងហ្នុងបាន…បុគ្គលិកទីហ្នុងគ្មានអ្នកណាហ៊ានយកលុយ អ្នកជំងឺឡើយសូម្បីតែ 100 រៀល, ហើយចំណែកប្រាក់ខែរ វិញគ្រាន់បើជាងបុគ្គលិកនៅពេទ្យកុមារទៀតផង
ពួកអស់លោកនោះមិនឈ្លើយទាំងអស់ទេ។ មកពីថ្នាំចូលពេញខួរអស់ទៅទើប
ភ្លេចពាក្យគួរសមអញ្ចឹង។ ហាហាហា បានតែចំណេះមិនចេះសុជីវធម៌ដូចសំឡ
ស្លមិនគ្រប់គ្រឿងអញ្ចឹង។
និយាយអញ្ចឹងពេទ្យដែលរៀនអំពីសុជីវធម៌ទេកាលនៅរៀន
មិនទាន់់ចេញធ្វើការ? ឫក៏បានរៀនដែរ..តែដល់់ក្រោយមកពេល
ចេញធ្វើការ មិនអនុវត្តអ្វីដែលខ្លួនបានរៀនអំពីសុជីវធម៌?..
ឫមួយគេយល់់ថាសុជីវធម៌គ្មានប្រយោជន៏អីទេ…បានជាទៅជាអញ្ចឹង!
លោកGandhi មហាទស្សនវិទូឥណ្ឌា..ដឹងច្បាស់់ណាស់់ថាមន្ទីពេទ្យ..
មានអ្វីដែលលោកស្អប់់ខ្ពើមបំផុត…ទើបលោកខឹងរហូតនិយាយថា៖
Les hôpitaux,ce sont des instruments du Diable!
hello , please try to visit my website and shared this hot news about Microsoft event to other
ពេទ្យអស់ហ្នឹងគេចាត់ទុក ខ្លួនគេថា ជាទេវតាសង្រ្គោះ ជីវិត មនុស្សមិនយកលុយ!
ពួកនេះរោគចិត្តច្រើនជាង ប្រាក់ខែ គ្រាន់តែអ្នកបោសសំអាត ក៏ ២០០ដុល្លា ឡើងដែរ!
ម្ង៉ៃៗ ជួបតែអ្នកជំងឺ ចឹងទៅសសៃប្រសាទអស់ហើយ!
លើកក្រោយចូលពេទ្យហ្នឹងកុំស្លៀកពាក់កក្លិកកក្លាក់ពេក ពួកនេះអត់បានទេ ឃើញយើងម៉ារៀលៗ មើលងាយរកពុទ្ធោ!
ខ្ញុំចូលបានបីដងហើយ! ដំបូង ដូចបឿនចឹង! តែក្រោយមកដឹង ធ្វើឬកសេដ្ឋីម្តងមើល គ្មានទេ គ្មានហ៊ានក្អកជាមួយយើងទេ មកសួរយើង ធ្វើការនៅណា ខ្ញុំថានៅក្រសួងមហាផ្ទៃផ្នែក អន្តោប្រវេសន៍ បើមានការអីខ្ញុំជួយបាន! តែប៉ុណ្ណឹងជួយប្អូនក្មួយយើង ម៉ាទំហឹងមនុស្សចាស់! 😆
ទាល់តែចឹង!
នៅប៉ុសខ្ញុំ មាននិយាយរឿង ស្នេហានយោបាយត្រីកោណ សូមអញ្ជើញទៅ មើល និងបញ្ចេញមតិយោបល់…
http://kapsystem.wordpress.com
ពេទ្យឆ្កួត!
ថាពេទ្យស្រុកខ្មែរចុះយ៉ាប់់!! តែតាមពិតនៅស្រុកណាក៏យ៉ាប់់ដែរ
នៅប្រទេសកាណាដានេះ..យ៉ាប់់ៗៗមហាយ៉ាប!!!ខ្ញុំសឹងតែស្រែកជេរ
អ្នកធ្វើការទាំងអស់់ក្នុងមន្ទីពេទ្យ..ពួកវាគ្មានបានការអីទេ..ដើរចុះឡើងៗៗ
អោយអ្នកជំងឺរង់់ចាំសឹងដាច់់ខ្យល់់ទៅហើយ!ទៅមន្ទីពេទ្យម្ដងៗ ត្រូវវគិតខ្លួឯងថាចាំបាច់់អត់់? ពិបាកជាងកេគឺរយៈៈពេលរង់់ចាំយូរណាស់់
យ៉ាងតិចក៏១២ម៉ោងដែរ គឺថាត្រូវចំណាយពេលមួយថ្ងៃដើម្បីបានទៅជួបពេទ្យដែលឆ្កួត មិនមែនពេទ្យឆ្កួតទេ!,,,ពួកគេធ្វើឫកណាស់់ ខ្ញុំនិយាយភាគច្រើន..ពួកInfirmières,infirmiersក៏អញ្ចឹងដែរ..
បើនិយាយពីអ្នករង់់ចាំក្នុងបន្ទប់់រង់់ចាំ គឺពេញណែន..មើលទៅដូចជាយ៉ាប់់មែន..
ដុចជាមិនសមាមាត្រនឹងគ្នាសោះ..ជួនកាលមនុស្សពេញមួយបន្ទប់់ មានពេទ្យ
ព្យាលបាលតែម្នាក់់់គត់់ រឿងអស់់ហ្នឹងគ្មានអីរឿងក្រៅពីលុយទេ…ជាពេទ្យឈ្នួលឫឯកជនវិញ.ចាំមាន
គេទៅមើលជំងឺចុះ!!!ច្បាស់់ជាអេហើយ
ចឹងហើយ! ព្រោះសម័យឥឡូវគេចាយលុយ។ បើស្រុកខ្មែរវិញ អ្នកខ្លះរកតែលុយ មួយរៀលដាក់ហោប៉ៅសឹងមិនបាន បើដុល្លារវិញហ្អេះ!!! អស់ទាស់មិនបាច់ និយាយទេទាំងខ្ទាស់ៗ។ ចុះលុយអស់ហ្នឹងងបានមកពីណា? មិនប្រាប់ក៏ដឹងដែរ!!!
សូមប្រាប់់ការពិតមែនណាៈមានមនុស្សស្លាប់់អស់់ពីរបីនាក់់ហើយដែលខ្ញុំ
បានដឹងតាមការផ្សាយព័ត៌មានតាមកញ្ចក់់ទូរទស្សន៏..នៅប្រទេសកាណាដា
នេះជាការជាក់់ស្ដែងមួយដែលឃើញមានពិតពីភាពអាក្រក់់នៃប្រព័ន្ធថែទាំសុខភាព
របស់់ប្រទេសជឿនលឿន មហាឧស្សាហ៏កម្មក្នុងលោកបច្ចុប្បន្ន។
មិនមែនតែអ្នកឈឺល្មមៗទេ ដែលត្រូវរង់់ចាំយូររាប់់ម៉ោង..អ្នកឈឺធ្ងន់់
សឹងដាច់់ខ្យល់់ក៏គេមិនទៅស្ទាបស្ទង់់មើលអោយបានដឹងដែរ..ខ្ញុំបានឃើញផ្ទាល់់តាមកញ្ចក់់
ទូរទស្សន៏ ..គេថតបានតាមទូរស័ព្វដៃ..ប្រកែកមិនបាន!..អ្នករងគ្រោះស្លាប់់បាត់់បង់់ជីវិតហ្នឹង
ជាមនុស្សអាយុប្រហែលជាងហាសិបឆ្នាំ កំពុងអង្គុយៗក្នុងបន្ទប់់រង់់ចាំ..
ស្រាប់់តែដួលដាច់់ខ្យល់់ស្លាប់់ភ្លាម..គ្មាននរណាជួយទាន់់។ខ្ញុំមិនជឿថាខ្វះពេទ្យ..
ខ្វះលុយ..ប្រហែល។
ប្រហែលជាខ្ញុំមកយឺតបន្តិចហើយដែរប្រធានបទនេះជាប្រធានបទដេលខ្ញុំចង់ទំលាយអារម្មណ៍របស់ខ្ញុំចេញមកក្រៅអោយអ្នកទាំងអស់គ្នាអោយដឹងពីអត្តចរិករបស់គ្រូពេទ្យមួយចំនួន(មិនមែនទាំងអស់)ដែលកំពុងតែបំពានសិលធម៌វិជ្ជាជីវៈវេជ្ជសាស្ត្រយ៉ាងងងើល, មិនត្រឹមតែរឿងសីលធម៌ក្នុងទទួលអ្នកជំងឺនោះទេ នៅមានយកអាយុជីវិតអ្នកជំងឺមកលេងសើចយ៉ាងអាណោចអាធមទៀតផង។ ខ្ញុំជាអ្នករៀនសូត្រខាងវេជ្ជសាស្ត្រម្នាក់ខ្ញុំមានការឈឺចាប់ខ្លាំងណាស់ដោយឃើញផ្ទាល់ភ្នែកគ្រូពេទ្យមើលឃើញតែលុយកាក់និងផលប្រយោជន៍តែប៉ុណ្ណោះ។
តើអ្នកគ្រប់គ្រងក្រុមអ្នកបមរើសេវាសុខភាពមានបានគិតពីអ្នកជំងឺដែលកំពិងតែជួបការលំបាកឬក៏អត់?ជាពិសេសអ្នកជំងឺជាអ្នកក្រមិនមានលុយគ្រូពេទ្យមិនយកភ្នែកមើលទេ,ទុកអោយពួកគាត់នៅរង់ចាំរហូតដល់ថ្ងៃត្រង់ ឬដល់ល្ងាចក៏មាន…. មើលមុខពួកគាត់គួរអោយអាណោចអាធមខ្លាំងណាស់។
គួរអោយអាម៉ាសខ្លាំងណាស់ដែលមានប្រភេទគ្រូពេទ្យបែបនេះ………
សំណាងកុំធ្វើដូចពេទ្យទាំងនោះ 😛
Hi guys for some reason I cant understand the text?