អាល់ប៊ុមជីវិតលើភ្នំសំណល់ នឹងបង្ហាញខ្លួននៅលើទីផ្សាក្នុងពេលឆាប់ៗនេះហើយ ។ អាល់ប៊ុមនេះច្រៀងដោយក្រុមចម្រៀងអិន.អេស. (NS Band) ដែលដឹងនាំដោយលោកអ៊ិច ចន្ថា ដែលជាម្ចាស់ផលិតកម្ម ញូសង(New Song) ផងដែរ ។ អាល់ប៊ុមជីវិតលើភ្នំសំណល់ ក៏ជាអាល់ប៊ុមមួយ ដែលចម្រៀងមិនយកលំនាំតាមចម្រៀងបរទេសដែរ ។ ក្នុងការផលិតបទចម្រៀងនេះ ក្រុមអិនអេស បានជួយប្រទះបញ្ហាជាច្រើន ប៉ុន្តែពេលនេះគេបានសំរេចក្នុងការផលិតអាល់ប៊ុមនេះ និងដាក់ប្រកាសជាសាធារណៈហើយ ។ ខ្ញុំឯណេះចង់ស្ដាប់ឡើងញ័រខ្លួនទៅហើយ 😀 ខ្ញុំប្រាកដជាគាំទ្រ និងជួយទិញស៊ីឌីដើមមកស្ដាប់មិនខាន សង្ឃឹមថាអ្នកទាំងអស់គ្នានឹងជួយគាំទ្រដល់ស្នាដៃនេះផងដែរ ។
សូមឲ្យទទួលបានជោគជ័យសម្រាប់អាល់ប៊ុមដំបូងនេះ អិនអេស!
ខាងក្រោមនេះជាគំរប និងបទចម្រៀងដែលមានក្នុងអាល់ប៊ុននេះ ។
១. ជីវិតលើភ្នំសំណល់ – ច្រៀងរួមគ្នាដោយ ណាម, ជេមី, សុភ័ក្រ, វីន និងភក្តី
២. ស្នេហ៍បញ្ជោតចិត្ត – ច្រៀងដោយ សុភ័ក្រ
៣. ចម្រៀងថ្មីចាំស្រីវិលវិញ – ច្រៀងដោយ ជេមី
៤. ប្រុសកាកី – ច្រៀងដោយ ភក្តី
៥. សល់តែបងលើខ្នងក្របី – ច្រៀងដោយ វិន
៦. ប្រឡែងស្រមោល – ច្រៀងដោយ ណាម
៧. ផ្កាឆ្ងាយពីដៃ – ច្រៀងដោយ ជេមី
៨. ចិត្តក្បត់ – ច្រៀងដោយ សុភ័ក្រ
៩. មនុស្សគ្មានតម្លៃ – ច្រៀងដោយ ណាម
១០. កាកសំណល់ស្នេហ៍ – ច្រៀងដោយ វិន
ប្រភពៈ http://nsmusic.wordpress.com
យើងត្រូវតែជួយគ្នាបន្តិចទៅ ដើម្បីឲ្យពួកគាត់មានស្នាដៃចេញក្រោយៗទៀត !!!
ខ្ញុំនឹងជួយគាំទ្រពួកគេ ។
មើលទៅទំនងម្យ៉ាងដែរតើ ស្នាដៃមិនយកលំនាំបរទេស។ ខ្ញុំសូមគាំទ្រដែរ។
thanks for your re-post, Boeun. I’m glad to know that our khmer people are well supporter. បឿនសរសេរឈ្មោះខ្ញុំខុសហើយ ឈ្មោះខ្ញុំគឺ អ៊ិច ចន្ថា។ អរគុណ
សុំទោសផងលោកចន្ថា ដែលសរសេរឈ្មោះរបស់លោកខុស ។ សង្ឃឹមថាលោកនឹងបញ្ចេញអាលប៊ុមនេះឆាប់បន្តិច 😀 ។
បាទមិនអីទេបឿន ខ្ញុំមិនទៅប្រកាន់ទេ ខ្ញុំនឹងព្យាយាមចេញអាល់ប៊ុមខ្ញុំបំរើអារម្មណ៍បងប្អូនខ្មែរគ្រប់ៗគ្នា។
កាន់តែឆាប់កាន់តែល្អ 😀 ។ អរគុណហើយបាទ!
ពាក្យថា «ភ្នំសំណល់» ខ្ញុំធ្លាប់ឃើញលើក្របស៊ីឌីមួយកាលពីយូរគ្រាន់ដែរហើយ តើវាជាការផលិតសារថ្មីឬយ៉ាងណា ? មិនហ៊ានថាយ៉ាងណាទេព្រោះមិនទាន់បានស្ដាប់ ។ ជូនពរសំណាងល្អ ទាំងអស់គ្នា…
មែនអីរដ្ឋ?? តើវាជាបទអាម៉េចវិញទៅ ខ្ញុំដូចមិនដែលឃើញដែរ បើមានរដ្ឋឯងព្យាយាមយកមកបង្ហាញលើប្លកមើល ខ្ញុំក៍ចង់ដឹងពីបទនោះដែរ។ ដូចចន្ថា បងធំអិន.អេស របស់ខ្ញុំបានប្រាប់ចឹង ផលិតកម្មយើងដាច់ខាតមិនយកបទណាមួយមកផលិតឡើងវិញ, បកប្រែបទ ឬយកលំនាំតាមនោះទេ គឺនិពន្ធថ្មីសុទ្ធតាម៉ង ហេហេហហេ…
អូហ៍…ភ្លេចបទស្រាយអំពីបទ ជីវិតលើភ្នំសំណល់ហ្នឹងបន្តិច។ ភ្នំសំណល់=ភ្នំសំរាម បទនេះនិយាយអំពីជីវិតអ្នករើសសំរាម ដែលគ្នាខំរកស៊ីពឹងលើកាកសំណល់ដែលអ្នករាល់គ្នាគិតថាគ្មានតំលៃ តែសំរាប់ពួកគេមានតំលៃស្មើជីវិត។ អ្នកខ្លះកើតមកយកសំរាមជំនួសកន្លែងស្នាក់អាស្រ័យ ជំនួសសាលារៀន ។ល។ និង។ល។ល អ្នកចំរៀងយើង បានស្រែកច្រៀងរួមគ្នាដើម្បីអង្វរដល់មនុស្សទាំងអស់កុំឲ្យមានការរើសអើងដល់អ្នករើសសំរាម។ ខ្ញុំសុំបង្ហើប ប៉ារូលបទហ្នឹងម៉ាឃ្លាពីរចុះណា…..
” I.ពេលធំដឹងក្តីនៅក្នុងគ្រួសារ រើសស្បោងជំនួស សិក្សាលើវាលដ៍ធំធេង ភក់ជ្រាំក្លិនស្អុយហុយឡើងទ្រលោមបែកផ្សែងយករុយជាមិត្តប្រលែងផ្សងព្រេងលើភ្នំសំណល់។
II.យកវាលសំរាមសំរាប់អាស្រ័យ ពេលយំពេលថ្ងៃទឹកដីខ្ញុំនៅទីនេះ ប្រឹងកាយសំរាមដើម្បីចិញ្ចឹមក្រពះ តាំងពីថ្ងៃរះជះអសើសូរិយា…….. ”
បទនេះខ្ញុំពេញចិត្តជាងគេក្នុងវ៉ុលនេះ អូហ៍ខ្ញុំចាំបានថា អិន.អេសធ្លាប់យកបទនេះទៅច្រៀងនៅបុស្តិ៍លេខ ៣ម្តងដែរ ប្រហែលជាមានអ្នកណាធ្លាប់មើលទេ??
អូ.ឃេ ការដ្ឋម៉េចដែរបកស្រាយប៉ុណ្ណឹងជ្រាបខ្លះទេ?? បើជ្រាបអនុមោនាយកមគ្គផលលោកអើយ….ហហាហាហាហា…
ចុមឆែបសុំកែបន្តិច៖
II…….ពេលយំពេលថ្ងៃ….. ==> ពេលយប់ពេលថ្ងៃ
….ជះអសើសូរិយា….==>ជះអស់សូរិយា
(Type computer ទៅវាច្រលំប៊ូតុង បាទ!!! )
បទជីវិតលើភ្នំសំណល់ អត្ថន័យល្អណាស់ ។ ខ្ញុំពិតជាចង់ស្ដាប់មែនទែន!
ខ្ញុំដឹងថានិពន្ធថ្មីហើយ តែខ្ញុំធ្លាប់ឃើញចំណងជើងស្រដៀងគ្នា ហ្នឹងណា៎ ។ ខ្ញុំស្មានតែក្រុមចំរៀងផស់ ឌិត ឯងធ្លាប់ចេញម៉ាល្ហឹកមុនទេតើ … មិនអីចាំខ្ញុំចុះទៅស៊ើបម្ដងទៀង ហើយចាំប្រកាសសាកមើល៍វាដូចគ្នាអត់ ។
ភ្នំសំណល់គឺជាទីឋានមួយសំរាប់បងប្អូនក្រីក្រខំប្រឹងប្រកបរបរជាអ្នករើសអេតចាយដើម្បីរកប្រាក់ចិញ្ចឹមគ្រួសារ
ទោះបីយប់រឺថ្ងៃមិនដែលខាន។ ទោះបីឈឺជារងារប្រាណ ប្រឹងអោយតែបានរស់ជីវិត។
ភ្នំសំណល់បានផ្តល់ឳកាស់ដល់បងប្អូនក្រីក្រជាច្រើនក្នុងការប្រកបរបរចិញ្ចឹមជីវិត។