សារព័ត៌មាន – ទំព័រ 2 – សម្រាប់ខ្មែរ

ខ្ញុំទើបឃើញទស្សនាវដ្ដី ពិភពអេឡិចត្រូនិក ពេលដែលប្រពន្ធខ្ញុំទិញមកឱ្យមើលបីក្បាល ។ ទស្សនាវដ្ដីនេះ មានផ្នែក ព័ត៌មាន បង្ហាញអំពី ផលិតផលថ្មីៗ អំពី គ្រឿងអេឡិចត្រូនិក (ទូរស័ព្ទ, កុំព្យូទ័រ, កាមេរ៉ា), កម្មវិធីកុំព្យូទ័រ និង ទូរស័ព្ទ, ហ្គេម, ដំណោះស្រាយទាក់ទងនឹងទូរស័ព្ទ និង កុំព្យូទ័រ និង មានព័ត៌មានទាក់ទងនឹង តារា, រថយន្ត, ភាពយន្ត, ហោរាសាស្ត្រ និង តារាងតម្លៃ ។ ចំពោះការរចនា គួរសម តែនៅរញេរញ៉ៃបន្តិច ។

បើមើលទស្សនាវដ្ដីផ្សេងៗដែលជាដៃគូប្រកួតប្រជែង ដូចជា Phone City Magazine និង Mobile Phone Magazine ទំនងដូចជាបាត់ប្រជាប្រិយភាពខ្លះទៅហើយ មិនដឹងថា ទស្សនាវដ្ដីនេះ នឹងអាចដណ្ដើមបានប្រជាប្រិយភាពខ្លាំងជាងទស្សនាវដ្ដីជើងចាស់នោះបានឬអត់ ។

សារព័ត៌មាន

ទៅ អូប៉េរ៉ា ថ្ងៃទី ២៥

ថ្ងៃព្រហស្បតិ៍ ទី 23 ខែធ្នូ 2010ថ្ងៃព្រហស្បតិ៍ ទី 23 ខែធ្នូ 2010 ទឹម បឿន

ថ្ងៃទី ២៥ ខ្ញុំ ប្រពន្ធខ្ញុំ និង មិត្តភក្ដិជាច្រើននាក់ទៀត នឹងទៅជួបជុំគ្នានៅ អូប៉េរ៉ា ក្នុងកម្មវិធី ក្រោមដំបូលតែមួយ វេលាម៉ោង ៣ រសៀល ដល់ ម៉ោង ៨ យប់ ។ ប្រសិនបើលោកអ្នក មិនទាន់មានគម្រោងទៅណា គួរចូលរួមក្នុងកម្មវិធីនេះ ។ ធ្លាប់តែនិយាយគ្នាតាមរយៈម្រាមដៃ ឥឡូវសាកជួបមុខគ្នា និយាយផ្ទាល់មុខម្ដងមើល ។ អ្នកខ្លះប្រហែលជារវល់ មានណាត់ជាមួយមិត្តភក្ដិ តែបើបង្វែរមកជួបជុំគ្នានៅអូប៉េរ៉ាពិតជាល្អ ។ សង្ឃឹមថានឹងបានស្គាល់មុខមនុស្សច្រើនទៀតនៅថ្ងៃនោះ ។ នៅទីនោះ មានកម្មវិធីល្អៗជាច្រើនទៀត ។

បើអ្នកមានចំណាប់អារម្មណ៍ចង់ចូលរួម ឬ ចង់ដឹងព័ត៌មានបន្ថែម ឬ ទិញសំបុត្រ សូមទាក់ទងតាមទូរស័ព្ទ ០៩៧ ៥៨ ៧៧៧ ០៨ ឬ ០៩៧ ៩៩ ២១ ៣០៤ ។ (ប្រញាប់បន្តិច ព្រោះជិតដល់ថ្ងៃហើយ!)

សារព័ត៌មាន

បើកសម្ពោធសហគមន៍ TYPO3 នៅកម្ពុជា

ថ្ងៃសុក្រ ទី 17 ខែធ្នូ 2010ថ្ងៃសុក្រ ទី 17 ខែធ្នូ 2010 ទឹម បឿន

ថ្ងៃ ព្រហស្បតិ៍ ទី ១៦ ខែ វិច្ឆិកា ឆ្នាំ ២០១០ ជាថ្ងៃប្រវត្តិសាស្ត្រ បើកសម្ពោធសហគមន៍បើកចំហនៅកម្ពុជា ដែលយើងត្រូវចងចាំ ជាពិសេសអ្នកអភិវឌ្ឍវែបសាយ ។

ការបើកសម្ពោធជាផ្លូវការនៃសហគមន៍ TYPO3 ខ្មែរ ធ្វើឡើងនៅការិយាល័យក្រុមហ៊ុន Web Essentials ជាក្រុមហ៊ុនដែលទើបបង្កើតថ្មី មានអតិថិជនពីគ្រប់ទិសទីជុំវិញពិភពលោក ។ Web Essentials ប្រើប្រាស់ TYPO3 ជាគោល ក្នុងការផ្ដល់សេវាអភិវឌ្ឍវែបសាយប្រកបដោយគុណភាពខ្ពស់ ។

ដើម្បីជាជំនួយដល់អ្នកអភិវឌ្ឍវែបសាយក្នុងស្រុកនៃប្រទេសកម្ពុជា Web Essentials បានបញ្ចប់ការបកប្រែ TYPO3 ដ៍ល្បីល្បាញនេះ មកជាភាសាខ្មែរ និង ដាក់ឱ្យទាញយកទៅប្រើប្រាស់ដោយឥតគិតថ្លៃ ។ ឥឡូវនេះ ប្រជាជនខ្មែរអាចប្រើប្រព័ន្ធគ្រប់គ្រងមាតិកាវែបសាយ (CMS) ក្នុងភាសារបស់ខ្លួន ដែលជួយក្នុងការអភិវឌ្ឍលើជំនាញរបស់ពួកគាត់ និង ជាជំនួយក្នុងការធ្វើការងារបានលឿន និង ងាយស្រួល ។

TYPO3 មានសមាសភាគ (extension) គាំទ្រចំនួន ៤០០០+ រួចមកហើយ និង មានលក្ខណៈសម្បត្តិផ្សេងៗជាច្រើន ហើយក៏ជាកម្មវិធីដែលអាចយកមកធ្វើការកែប្រែបានតាមតម្រូវការផងដែរ ។ អ្នកអភិវឌ្ឍទាំងឡាយអាចបង្កើតសមាសភាគដោយខ្លួនឯង និង ចែករំលែកទៅដល់សហគមន៍សម្រាប់ប្រើប្រាស់ ។ ការដំឡើងកម្មវិធីបន្ថែម អាចធ្វើទៅបានយ៉ាងងាយស្រួល ដូចជាកម្មវិធី លក់ទំនិញលើបណ្ដាញ (e-Shop), ប្រព័ន្ធព័ត៌មាន (news system), ប្រក្រតិទិន (calendar), កម្រងរូបភាព (galleries), ម៉ាស៊ីនស្វែងរក (search engines), ប្រអប់កត់ត្រាចូល (login boxes) ឬ បណ្ណសារព័ត៌មាន (newsletters) ។ល។

ដោយសារ TYPO3 ជាប្រព័ន្ធបើកចំហ វាអាចប្រើប្រាស់ដោយសេរី និង ឥតគិតថ្លៃ ។ លក្ខខណ្ឌនេះ ផ្ដល់ជូននូវអត្ថប្រយោជន៍យ៉ាងច្រើន ចំណុចសំខាន់មួយរបស់វា គឺវានឹងធ្វើឱ្យមុខជំនួញមាននិរន្តរភាព ។

ក្នុងពេលជាមួយគ្នានេះ Web Essentials បានបធ្វើពិធីតែងតាំងដំណែងដល់បុគ្គលិកជំនាញចំនួន ៥ រូប ដោយលើកតំណែងជាអ្នកគ្រប់គ្រងគម្រោង និង អ្នកសម្របសម្រួលគម្រោង ។ បុគ្គលិកទាំងនេះ ក៏បានចូលរួមដោយផ្ទាល់ ចំពោះដំណើរការបកប្រែ TYPO3 ផងដែរ ។ “បុគ្គលិករបស់យើង ជាទ្រព្យសម្បត្តិធំបំផុតសម្រាប់យើង” មានប្រសាសន៍ដោយ Dominik Stankowski ប្រធានប្រតិបត្តិរបស់ក្រុមហ៊ុន ។ “ក្នុងនាមជាក្រុមហ៊ុនបម្រើផលប្រយោជន៍ដល់សង្គម មានន័យថា ជាការធ្វើវិនិយោគជាមួយបុគ្គលិក ប៉ុន្តែ ក៏គាំទ្រដល់សហគមន៍ព័ត៌មានវិទ្យាក្នុងស្រុកផងដែរ ។”

Rebecca និង Dominik Stankowski, ដែលមានអាជ្ញាបណ្ណ TYPO3 បានបង្កើតក្រុមហ៊ុន Web Essentials នេះឡើង នៅដើមឆ្នាំនេះ ។ បច្ចុប្បន្ន ពួកគាត់មានបុគ្គលិកធ្វើការជាមួយចំនួន ៣៤ នាក់ ។ ក្រុមហ៊ុនផ្ដល់សេវាក្នុងការអភវឌ្ឍវែបសាយប្រកបដោយគុណភាពខ្ពស់, ផ្ដល់សេវាលើការរចនា និង ជំនាញការលើការទទួលគម្រោងពីក្រៅ ។

ដើម្បីចូលរួមជាមួយ TYPO3៖

ទាញយកកញ្ចប់ភាសាខ្មែររបស់ TYPO3៖
http://www.web-essentials.asia/fileadmin/downloads/km.zip

ទាញយកកញ្ចប់ភាសាអង់គ្លេសរបស់ TYPO3៖
http://typo3.org/download/

ចូលរួមក្នុងក្រុម Facebook៖
http://www.facebook.com/group.php?gid=117458251636443

ជាវប្រចាំនូវ Mailing-List TYPO3 កម្ពុជា៖
http://lists.typo3.org/cgi-bin/mailman/listinfo/typo3-ug-cambodia

ចូលរួមកិច្ចប្រជុំ ក្រុមអ្នកប្រើប្រាស់ TYPO3 កម្ពុជាលើកក្រោយៗ៖
ព័ត៌មានបន្ថែម www-web-essentials.asia ឬ ពី mailing list ខាងលើ ។

ព័ត៌មានទាក់ទងនឹង TYPO3៖ www.typo3.org ។

ថ្ងៃនេះ ជាឱកាសដ៏ល្អ ដែលអ្នកអាចចូលរួមក្នុងសហគមន៍ TYPO3!

* អត្ថបទប្រែសម្រួលពី អត្ថបទសារព័ត៌មានរបស់ Web Essentials

សារព័ត៌មាន

TYPO3 នៅលើទស្សនាវដ្ដី វិទ្យាសាស្ត្រកុំព្យូទ័រ (CM)

ថ្ងៃពុធ ទី 8 ខែធ្នូ 2010ថ្ងៃពុធ ទី 8 ខែធ្នូ 2010 ទឹម បឿន

TYPO3 ត្រូវបានចុះផ្សាយនៅលើទស្សនាវដ្ដី វិទ្យាសាស្ត្រកុំព្យូទ័រ ក្នុងលេខ ៨៥ ចេញសម្រាប់ខែ ធ្នូ ត្រង់ទំព័រ ២៧ – ២៨ ចំណងជើង “ប្រព័ន្ធគ្រប់គ្រងមាតិកាថ្មីនៅកម្ពុជា TYPO3” ។

ខ្សែភាពយន្ត, ទាក់ទងនឹងខ្ញុំ, សារព័ត៌មាន

ភាពយន្តរឿង កិលេស

ថ្ងៃចន្ទ ទី 15 ខែវិច្ឆិកា 2010ថ្ងៃចន្ទ ទី 15 ខែវិច្ឆិកា 2010 ទឹម បឿន

តាមមាត់មួយទៅមាត់មួយ អ្នកទស្សនារឿង កិលេស ដែលជាស្នាដៃនិពន្ធរបស់លោក ម៉ៅ អាយុទ្ធ អ្នកនិពន្ធរឿង នេសាទក្រពើ ពួកគេមានការពេញចិត្ត និង នាំគ្នាសរសើរអំពីការសំដែង និង សាច់រឿងរបស់ភាពយន្តនេះ ។ ប្រសិនបើរឿងនេះពិតជាល្អដូចគេនិយាយមែននោះ ខ្ញុំជឿថា វិស័យភាពយន្តនៅស្រុកខ្មែរប្រាកដជាអាចឈានទៅមុខបន្តទៀត នឹងអាចទៅដល់កម្រិតស្ដង់ដារក្នុងថ្ងៃណាមួយជាក់ជាពុំខាន ។ ដោយឡែក ខ្ញុំបានសង្កេតឃើញរឿង រលកសំឡេង ដែលបានដាក់បញ្ចាំងតាមប៉ុស្ដិ៍ទូរទស្សន៍ ក៏ថត និង សម្ដែងបានល្អផងដែរ ។ ខ្ញុំនឹងរកពេលវេលាណាមួយដើម្បីទៅទស្សនារឿង កិលេស នេះឱ្យខាងតែបាន ។

រូបភាពពី LIFT

កម្មវិធី, សារព័ត៌មាន

គ្រោងបញ្ចប់ការបកប្រែ TYPO3 មកជាភាសាខ្មែរដើមខែវិច្ឆិកា

ថ្ងៃព្រហស្បតិ៍ ទី 28 ខែតុលា 2010ថ្ងៃព្រហស្បតិ៍ ទី 28 ខែតុលា 2010 ទឹម បឿន

ការបកប្រែ TYPO3 ជាភាសាខ្មែរ គ្រោងនឹងបញ្ចប់នៅដើមខែវិច្ឆិកា ឆ្នាំ២០១០ នេះ បន្ទាប់ពីបានចាប់ផ្ដើមគម្រោងនេះអស់រយៈពេលជាងបីខែកន្លងមក ។

ខាងក្រោមជារូបភាពផ្នែកខាងក្រោយរបស់ TYPO3 4.4.0 ជាភាសាខ្មែរ ។

កម្មវិធី, សារព័ត៌មាន

កម្មវិធីឆាតសម្រាប់ហ្វេសប៊ុក

ថ្ងៃចន្ទ ទី 25 ខែតុលា 2010ថ្ងៃអង្គារ ទី 26 ខែតុលា 2010 ទឹម បឿន

សម្រាប់អ្នកដែលចូលចិត្តជជែកជាមួយមិត្រភក្ដិនៅហ្វេសប៊ុក (facebook) ខ្ញុំសូមណែនាំកម្មវិធីមួយចំនួន ដែលងាយស្រួលជជែកជាងនៅលើគេហទំព័រហ្វេសប៊ុក និងអាចជជែកដោយមិនចាំបាច់ឡក់ចូលវែបសាយហ្វេសប៊ុក ។ កម្មវិធីនេះប្រហាក់ប្រហែលនឹងការប្រើ កម្មវិធីជជែករបស់យ៉ាហ៊ូ កម្មវិធីជជែករបស់ហ្គូកហ្គល ឬ Skype ដែរ ។

កម្មវិធី Meebo

កម្មវិធីនេះ ទាល់តែបើកប្រាវសឺទើបអាចជជែកបាន ប៉ុន្តែវាអាចបន្ថែមគណនីរបស់យ៉ាហ៊ូ ហ្គូហ្គល និងកម្មវិធីជជែកផ្សែងៗជាច្រើនទៀត ។

កម្មវិធី ChitChat

កម្មវិធីនេះ ដើរនៅលើដែសថប ប៉ុន្តែដើរមិនបានល្អជាមួយអក្សរខ្មែរ ឆាតជាក្រុមមិនទាន់បាន ប៉ុន្តែអាចឃើញអក្សររបស់ម្នាក់ៗក្នុងក្រុមដាច់ដោយឡែកពីគ្នា ។

កម្មវិធី Digsby

ជាកម្មវិធីដែលអាចប្រើសេវាកម្មច្រើនក្នុងកន្លែងតែមួយដែរ ។ កម្មវិធីនេះដើរបានល្អជាមួយភាសាខ្មែរ ប៉ុន្តែមិនអាចជជែកជាក្រុមបាន ។

កម្មវិធី Adium

ចំពោះអ្នកប្រើ មេកអូអេស សូមសាកល្បងប្រើកម្មវិធីនេះ ។ ខ្ញុំមិនដឹងថាកម្មវិធីនេះយ៉ាងម៉េចដែរ ។

កម្មវិធី Pidgin

កម្មវិធីនេះស្គាល់ភាសាខ្មែរបានល្អ អាចឆាតជាក្រុមបាន និងផ្ដល់ដំណឹងរាល់ពេលមានអ៊‍ីមេលថ្មី ។ តែកម្មវិធីនេះនៅពុំទាន់មានបញ្ចូលហ្វេសប៊ុកនៅឡើយទេ ត្រូវការឱ្យដំឡើងផ្លាក់អ៊‍ីន ដើម្បីអាចប្រើជាមួយហ្វេសប៊ុកបាន ។

កម្មវិធី Gabtastik (ណែនាំឱ្យប្រើ)

កម្មវិធីនេះសមញ្ញ ស្រួលប្រើ ។ អាចប្រើបានជាមួយ ហ្វេសប៊ុក និងហ្គូហ្គល ។

ជជែកជាក្រុម

កញ្ចប់ភាសាខ្មែរ, សារព័ត៌មាន

កញ្ចប់ភាសាខ្មែរសម្រាប់វិនដូស៍៧ចេញហើយ

ថ្ងៃពុធ ទី 20 ខែតុលា 2010ថ្ងៃពុធ ទី 20 ខែតុលា 2010 ទឹម បឿន

ទីបំផុតកញ្ចប់ភាសាភាសាខ្មែរសម្រាប់វិនដូស៍៧បានដាក់ឱ្យប្រើហើយ ។ មុននេះបន្តិច បងសុភី បានផ្ញើតំណមកខ្ញុំ ខ្ញុំអរស្ទើរតែលោតទន្ទ្រាំជើងទៅហើយ និងបានដោនឡូតមកដំឡើងភ្លាម ។

ក្រោយពីមើលការបកប្រែភាសាក្នុងវិនដូស៍៧នេះ មានភាពខុសគ្នាអំពីការបកប្រែក្នុងវិនដូស៍វិស្តា ដោយពាក្យមួយចំនួនយកតាមការបកប្រែរបស់ខ្មែរអូអេស ។ កន្លែងមួយចំនួនក៏ខ្ញុំមើលពុំយល់ដែរ ប៉ុន្តែខ្ញុំពិតជាពេញចិត្តខ្លាំងណាស់ ។

ខ្ញុំសំណូមពរឱ្យអ្នកទាំងអស់គ្នាប្រើប្រាស់ភាសារបស់ខ្លួន បើទោះជាកន្លែងខ្លះពិបាកយល់ ឬប្រែពុំទាន់បានល្អក៏ដោយ ។ ការប្រើច្រើន នឹងជួយឱ្យការបកប្រែកាន់តែល្អ ដោយយើងមើលឃើញចំណុចដែលគួរកែតម្រូវនៅពេលក្រោយ ។

កញ្ចប់ភាសានេះ អាចរកបាននៅវែបសាយ microsoft.com ។

សូមមើលរូបខាងក្រោម៖

អត្ថបទផ្សេងទៀត៖

សារព័ត៌មាន

នឹងបង្ហាញអំពីការបកប្រែ TYPO3 នៅ BarCamp

ថ្ងៃសៅរ៍ ទី 25 ខែកញ្ញា 2010ថ្ងៃសៅរ៍ ទី 25 ខែកញ្ញា 2010 ទឹម បឿន

BarCamp Phnom Penh ឆ្នាំ២០១០ ថ្ងៃទី ២៥-២៦ ខែកញ្ញាខាងមុខនេះ ខ្ញុំ និងបុគ្គលិករបស់ក្រុមហ៊ុន Web Essentials ម្នាក់ទៀត ឈ្មោះ កែវ វិសាយ នឹងលើកយកការបកប្រែ TYPO3 មកបង្ហាញ ។ លោកអ្នកអាចចូលរួមពិភាក្សាអំពីការបកប្រែពាក្យបច្ចេកទេសពីអង់គ្លេសមកខ្មែរ និងអាចបង្ហាញអំពីគំនិតបកប្រែរបស់ខ្លួន រួមទាំងកែតម្រូវចំពោះការបកប្រែរបស់ក្រុម Web Essentials ។ ក្រោយពេលចូលរួម លោកអ្នកនឹងទទួលបានចំណេះដឹងខ្លះៗទាក់ទងនឹង TYPO3 ផងដែរ ។

ប្រសិនបើចាប់អារម្មណ៍ អាចចូលរួមជាមួយខ្ញុំនៅសាកលវិទ្យាល័យ ពុទ្ធិសាស្ត្រ នៅថ្ងៃសៅរ៍អាទិត្យខាងមុខនេះ ។ ពេលវេលា ខ្ញុំនឹងជូនដំណឹងនៅថ្ងៃសៅរ៍ ឬទាក់ទងមកខ្ញុំតាមទូរស័ព្ទ ០៩៣ ៩៣ ៤៨ ២០ (ថ្ងៃសៅរ៍ទី២៥) ។ លោកអ្នកក៏អាចចាំផ្ទៀងមើលលើក្ដារខៀនព័ត៌មានដែលដាក់នៅកម្មវិធីនោះផងដែរ ។

ព័ត៌មានបន្ថែមអំពី BarCamp Phnom Penh សូមចូលទៅវែបសាយ http://barcampphnompenh.org ។ អំពីក្រុមហ៊ុន Web Essentials សូមចូលទៅ http://web-essentials.asia ។

អាប់ដេត៖ ការបង្ហាញនឹងចាប់ផ្ដើមនៅម៉ោង ២,០០រសៀល ដល់ម៉ោង ២,៤០ បន្ទប់ B11 (ជាន់ទី១)

សារព័ត៌មាន, អក្ខរាវិរុទ្ធ, អក្សរសាស្ត្រ

បារម្ភចំពោះការចេញវចនានុក្រមខ្មែរថ្មីក្នុងពេលខាងមុខ

ថ្ងៃព្រហស្បតិ៍ ទី 23 ខែកញ្ញា 2010 ទឹម បឿន

ខ្មែរកំពុងរៀបចំធ្វើវចនានុក្រមថ្មីដើម្បីឱ្យមានឯកភាពចំពោះការប្រើប្រាស់ភាសា ។ នេះជាដំណឹងល្អសម្រាប់ភាសាខ្មែរ ប៉ុន្តែខ្ញុំមានការបារម្ភយ៉ាងខ្លាំង ចំពោះលទ្ធផលនៃវចនានុក្រមនេះ មិនដឹងថានឹងអាចផ្លាស់ប្ដូរភាសាខ្មែរទៅរកភាពល្អ ឬទៅជាអ្វីផ្សេង ។

បញ្ហាចម្បងចំពោះភាសាខ្មែរក្នុងពេលបច្ចុប្បន្ននេះ គឺការសរសេរព្យាង្គតម្រួត និងព្យាង្គរាយ ការរើសអើងអក្សរ ណ ឡ និងពពួកស្រៈពេញតួ ។ ដោយសារក្បួនរបស់លោក កេង វ៉ាន់សាក់ បាននិយមប្រើច្រើនក្នុងប៉ុន្មានទសវត្សចុងក្រោយនេះ ពាក្យព្យាង្គតម្រួតបានប្ដូរមកជាព្យាង្គរាយវិញ ។ ប៉ុន្តែថ្មីៗនេះ រដ្ឋាភិបាលបានប្រកាសឱ្យយកការសរសេរតាមវចនានុក្រមរបស់សម្ដេចជួន ណាតវិញ ធ្វើឱ្យអ្នកដែលធ្លាប់សរសេរព្យាង្គរាយ មិនទម្លាប់បានភ្លាមៗ ប៉ុន្តែក៏មានការកែប្រែច្រើនដែរ ។

សំណួរថាតើត្រូវធ្វើយ៉ាងណា ដើម្បីឱ្យឯកភាពនោះ ជាសំណួរដែលពិបាកឆ្លើយ ប៉ុន្តែខាងក្រុមភាសាជាតិបានសម្រេចយកការបោះឆ្នោតខ្នាតធំ គឺចុះទៅតាមសាលាចាប់ពីថ្នាក់ទី១ រហូតដល់អ្នករៀនមហាវិទ្យាល័យ ហើយយកសំឡេងភាគច្រើន ។ តើការបោះឆ្នោតដូច្នេះអាចនាំឱ្យមានឯកភាពឬទេ? នេះជាក្ដីបារម្ភរបស់ខ្ញុំ ។

ខ្ញុំគិតថា មិនគួរចំណាយពេលចំពោះការបោះឆ្នោតនៅតាមសាលាពីថ្នាក់ទី១ មកទេ ជាការខាតបង់នូវពេលវេលា និងថវិកាច្រើន ដែលមិនប្រាកដថានឹងទទួលបានលទ្ធផលល្អ ។ ដោយសារគ្រូបង្រៀនភាគច្រើនសរសេរមិនត្រឹមត្រូវតាមអក្ខរាវិរុទ្ធ សិស្សមិនសូវមានចំណេះដឹងខាងភាសាខ្មែរច្បាស់លាស់ ។ គោលដៅដែលត្រូវបោះឆ្នោតនោះ ភាគច្រើនមិនមែនជាអ្នកស្រាវជ្រាវស៊ីជម្រៅ ។ ប្រសិនបើយកលុយត្រៀមធ្វើគម្រោងនេះ មកចំណាយលើមនុស្សមួយក្រុមដែលស្រាវជ្រាវលើផ្នែកនេះ ប្រហែលនឹងបានផលល្អជាង ។

ខ្ញុំគ្រាន់តែសង្ឃឹមថា គណៈកម្មាធិការភាសាជាតិ នឹងអាចរកផ្លូវល្អមួយសម្រាប់ជាតិ និងប្រជាជនខ្មែរ ។

បច្ចេកទេស, ពុម្ពអក្សរ, យូនីកូដខ្មែរ, វេបសាយ, សារព័ត៌មាន, ឯកសារ

ពុម្អអក្សរខ្មែរបានដាក់បញ្ចូលទៅ Google Font API

ថ្ងៃពុធ ទី 22 ខែកញ្ញា 2010ថ្ងៃពុធ ទី 22 ខែកញ្ញា 2010 ទឹម បឿន

លោក ដាញ់ ហុង បានដាក់បញ្ចូលពុម្ពអក្សរខ្មែរឈ្មោះ Hanuman (ហនុមាន) ចូលទៅ Google Font API ដែលអាចប្រើក្នុងការសរសេរវែបសាយ ដោយពុំចាំបាច់មានពុម្ពអក្សរនេះក្នុងម៉ាស៊ីន និងអាចបង្ហាញពុម្ពអក្សរនេះបាន ។

សូមចូលទៅតំណនេះ http://code.google.com/webfonts?subset=khmer

របៀបប្រើ គ្រាន់តែដាក់កូដនេះចូលនៅចន្លោះ tag <head>

<link href='http://fonts.googleapis.com/css?family=<strong>Hanuman&subset=khmer</strong>' rel='stylesheet' type='text/css'>

នៅក្នុង css ដាក់

h1 { font-family: 'Hanuman', arial, serif; }

សូមមើលឧទារហរណ៍ទាំងមូលខាងក្រោម

<html>
 <head>
 <link href='http://fonts.googleapis.com/css?family=Hanuman&subset=khmer' rel='stylesheet' type='text/css'>
 <style>
 body {
 font-family: 'Hanuman', arial, serif;
 font-size: 48px;
 }
 </style>
 </head>
 <body>
 <p>ខ្ញុំគ្មានពុម្ពអក្សរនេះ ប៉ុន្តែខ្ញុំអាចអានពុម្ពអក្សរនេះបាន</p>
 </body>
</html>

សារព័ត៌មាន

Web Essentials ឧបត្ថម្ភក្នុងការបកប្រែ TYPO3 ជាភាសាខ្មែរ

ថ្ងៃអង្គារ ទី 21 ខែកញ្ញា 2010ថ្ងៃអង្គារ ទី 21 ខែកញ្ញា 2010 ទឹម បឿន

Web Essentials ជាក្រុមហ៊ុនបង្កើតវែបសាយនៅកម្ពុជា ប្រើស៊ីអិមអេស TYPO3 ។ ក្រុមហ៊ុននេះបានឧបត្ថម្ភក្នុងការបកប្រែ TYPO3 មកភាសាខ្មែរ ដែលថ្មីៗនេះ បានសម្រេចការបកប្រែ static_info_tables មកជាភាសាខ្មែរ រួមមានឈ្មោះប្រទេស ភាសា និងរូបិយវត្ថុរបស់ប្រទេសនានាជាដើម ។

លោកអ្នកអាចយក static_info_tables_km (ភាសាខ្មែរ)ពីទីនេះ ។

បច្ចុប្បន្ន ក្រុមបកប្រែរបស់ Web Essentials កំពុងបន្តបកប្រែ TYPO3 Core ដែលរំពឹងថានឹងអាចសម្រេចកិច្ចការនេះជូនប្រជាពលរដ្ឋខ្មែរក្នុងពេលដ៏ខ្លីខាងមុខនេះ ។

សូមជម្រាបផងដែរថា TYPO3 ជាប្រព័ន្ធគ្រប់គ្រងអត្ថបទលើវែបសាយ ស្រដៀងគ្នាទៅនឹង Joomla, Drupal, WordPress… និងអាចយកមកប្រើដោយមិនចាំបាច់ចំណាយលុយ ។ សព្វថ្ងៃ TYPO3 បានអភិវឌ្ឍដល់កំណែ 4.4.2 ។ សម្រាប់ព័ត៌មានបន្ថែមអំពី TYPO3 សូមចូលទៅកាន់វែបសាយ http://typo3.org ។

	Phal លើ ពុម្ពអក្សរខ្មែរយូនីកូដសម្រាប…
	Pich លើ ស្ដាប់ចម្រៀងនៅវេបសាយរបស់ក…
	Uth chakriya លើ អាសយដ្ឋាន មិនមែន អស័យដ្ឋាន ឬ…
	ហាត់រៀនធ្វើកំណាយ (២០… លើ ពុម្ពអក្សរអង្គុលីលេខខ្មែរ ចេ…
	តើពិធីបុណ្យភ្ជុំបិណ្… លើ បុណ្យភ្ជុំបិណ្ឌ
	davy លើ ក្បួនទាយប្រជ្រុយ
	Afe លើ ពុទ្ធចក្រ និង អាណាចក្រ
	Sopheak លើ ចំណាំអក្សរមិនតម្រួត ឬតម្រួ…
	របៀនខ្ញុំ / My Learn… លើ សេចក្ដីភាន់ច្រឡំក្នុងវេយ្យ…
	ហេង លើ សុភាសិត ខែរះឆ្លងផ្លូវ កូនក…

Category: សារព័ត៌មាន

ទស្សនាវដ្ដី ពិភពអេឡិចត្រូនិក

ទៅ អូប៉េរ៉ា ថ្ងៃទី ២៥

បើកសម្ពោធសហគមន៍ TYPO3 នៅកម្ពុជា

TYPO3 នៅលើទស្សនាវដ្ដី វិទ្យាសាស្ត្រកុំព្យូទ័រ (CM)

ភាពយន្តរឿង កិលេស

គ្រោងបញ្ចប់ការបកប្រែ TYPO3 មកជាភាសាខ្មែរដើមខែវិច្ឆិកា

កម្មវិធីឆាតសម្រាប់ហ្វេសប៊ុក

កញ្ចប់ភាសាខ្មែរសម្រាប់វិនដូស៍៧ចេញហើយ

នឹងបង្ហាញអំពីការបកប្រែ TYPO3 នៅ BarCamp

បារម្ភចំពោះការចេញវចនានុក្រមខ្មែរថ្មីក្នុងពេលខាងមុខ

ពុម្អអក្សរខ្មែរបានដាក់បញ្ចូលទៅ Google Font API

Web Essentials ឧបត្ថម្ភក្នុងការបកប្រែ TYPO3 ជាភាសាខ្មែរ

ចែក​រំលែក៖

Like this:

ចែក​រំលែក៖

Like this:

ចែក​រំលែក៖

Like this:

ចែក​រំលែក៖

Like this:

ចែក​រំលែក៖

Like this:

ចែក​រំលែក៖

Like this:

ចែក​រំលែក៖

Like this:

ចែក​រំលែក៖

Like this:

ចែក​រំលែក៖

Like this:

ចែក​រំលែក៖

Like this:

ចែក​រំលែក៖

Like this:

ចែក​រំលែក៖

Like this:

ចែករំលែក៖

ចែករំលែក៖

ចែករំលែក៖

ចែករំលែក៖

ចែករំលែក៖

ចែករំលែក៖

ចែករំលែក៖

ចែករំលែក៖

ចែករំលែក៖

ចែករំលែក៖

ចែករំលែក៖

ចែករំលែក៖