កាបោះឆ្នោតជិតមកដល់ បក្សខ្លះខំខ្នះខ្នែងដើម្បីបានសន្លឹកឆ្នោត។ ថ្ងៃនេះខ្ញុំបានអំណោយ ដែលខាងបក្សហៅថា របស់អនុស្សាវរីយ អំណោយនោះមានលុយ ២០០០០៛ និងសារ៉ុងមួយ (សារុងប្រហែលជាយកទុកស្លៀកដេក ឯលុយមិនទាន់លើកគម្រោងថានឹងយកទៅចំណាយខាងអីទេ 😉 ) ។ អ្នកដែលធ្វើការនៅកន្លែងខ្ញុំ សុទ្ធតែទទួលបានលុយ ២០០០០៛ និងសារ៉ុងមួយដូចគ្នា។
ការជួបសំណេះសំណាលនេះ មិនមែនដើម្បីបង្ខំឲ្យបោះឆ្នោតឲ្យបក្សនោះទេ គឺឲ្យចូល និងបោះតាមសម្រួល។ អស់លោកក៏បានណែនាំថាត្រូវគូសយ៉ាងម៉េចលើសន្លឹកឆ្នោត គូសលេខប៉ុន្មាន និងផ្ដល់អនុសសាសន៍សម្រាប់ពេលបោះឆ្នោតផងដែរ។
គណបក្សនេះត្រូវបានថៅកែក្រុមហ៊ុនទទួលរាក់ទាក់កក់ក្ដៅ(ប្រយោជន៍របស់ក្រុមហ៊ុន)។
អ្នកចូលរួមប្រជុំជិត១០០នាក់ សុទ្ធតែបានទះដៃអបអរគ្រប់ៗគ្នា តែប្រហែលជាទះតែដៃក៏មិនដឹង ព្រោះនរណាក៏ចេចចូចដែរ។
មុនពេលប្រជុំនេះជិតមួយអាទិត្យ ថៅកែក្រុមហ៊ុនបានខ្សឹបមិនឲ្យនិយាយផ្ដេសផ្ដាសលេចឮទៅខាងក្រៅ :-$ ។
សុំប្រាប់ខ្លីៗតែប៉ុណ្ណេះ មិនហ៊ាននិយាយច្រើន ព្រោះប្រហែលជារឿងសម្ងាត់។
សម្រាប់ខ្មែរ 