ចម្រៀង​ខ្មែរ

“អនុស្សាវរីយ​បាត់ដំបង” ល្បី​មុន​ចេញ​ស៊ីឌី


បទ”​អនុស្សាវរីយ​បាត់ដំបង” របស់​ខេមរៈ សេរីមន្ត មិន​ទាន់​ចេញ​លក់​ជា​ស៊ីឌី​នៅ​ឡើយ​ទេ ប៉ុន្តែ​កំពុង​ពេញនិយម​សម្រាប់​យុវវ័យ ។ ខ្ញុំ​ឮ​គេ​ថា បទ​នេះ​ខេមរៈ សេរីមន្ត លើក​យក​មក​សម្ដែង​នៅ​​ក្នុង​កម្មវិធី​តន្ត្រី​មួយ ក្នុង​ខែត្រ​បាត់ដំបង ហើយ​ក៏​បែក​ចេញ និង​ផ្ញើ​តៗ​គ្នា​តាម​ទូរសព្ទ​ដៃ រហូត​ដល់​មាន​ការ​ពេញនិយម​​ចំពោះ​យុវវ័យ​ទាំងឡាយ​ដែល​ធ្លាប់​គាំទ្រ​លោក ។ បទ​ដើម ច្រៀង​ដោយ​លោក ស៊ិន ស៊ីសាមុត ។

យក​បទ​នេះ

ឱ​!បាត់ដំបង​គេងផ្សង​យូរ​ហើយ
បាណន់​កុំ​ឡើយ​បំភ្លេច​សំដី
ភ្នំ​សំពៅ​ អើយ អ្នក​ជា​សាក្សី
ជ្រៃ មោង ឫស្សី ធ្វើ​ជា​មេបា ។

ឱ!​បាត់ដំបង​ ខ្ញុំ​សូម​ច្រៀង​ផ្ដាំ
អូន​ភ្លេច​បង​ចាំ ពាក្យពេជន៍​ស្នេហា
អូន​អើយ អូន​ស្រី ល្មម​យល់​ចិន្តា
សូមតែ​មេត្តា​ស្នេហា​បង​ផង ។

កំរៀង ​ភ្នំព្រឹក នឹក​ឡើង​អួល​ងំ
សំលូត ឯកភ្នំ ទួញ​យំ​អាណិត
ស្ទឹង​សង្កែ​ អើយ ជួយ​លួង​ដួងចិត្ត
ថ្មគោល​អ្នក​ពិត​អាណិត​ខ្ញុំ​ទេ ។

ឱ!​ បាត់ដំបង​បណ្ដូល​ចិត្ត​អើយ
មេត្តា​អ្នក​ឆ្លើយ​ឱ្យ​បង​យល់​ន័យ
ស្មោះ​ ប៉ុណ្ណឹង​ហើយ ម្ដេច​ឡើយ​រូបស្រី
បំភ្លេច​ភក្ដី ដី​បាត់ដំបង ។

កម្សាន្ត, ចម្រៀង​ខ្មែរ

It Won’t Be Long, Na Na Na – ព្រាប សុវត្ថិ


ខ្ញុំ​ចូលចិត្ត​បទ​នេះ​ណាស់ និង​បទ Want Cha ហង្សមាស​វ៉ុល ៣៩៧ (It Won’t Be Long, Na Na Na)។ ពេល​ក្រោយ​ខ្ញុំ​នឹង​ដាក់​អត្ថបទ​ចម្រៀង​បទ Want Cha មួយ​ទៀត ។

នឹក​មិន​ហ៊ាន​ជួប (ជួប​)
ហើយ​ព្យាយាម​គេច​មុខ​ពី​ស្រី
I’m trying to be strong (strong)
But the strength I have is washing away

ឃ្លាត​អូន​យូរ​ពេក (ពេក)
ចង់​ពឹង​មិត្តភ័ក្ដិ​ហៅ​អូន​ជួប​គ្នា
And just hold you, tease you, squeeze you, tell
អូន​កុំ​ឃ្លាត​ទៅ​ណា បន្ត​អាន “It Won’t Be Long, Na Na Na – ព្រាប សុវត្ថិ”

កម្សាន្ត, ចម្រៀង​ខ្មែរ

យប់ ១២​កើត


បទ​នេះ​ខ្ញុំ​ចូលចិត្ត​មែនទែន ស្ដាប់​ទៅលន្លង់លន្លោច​ដល់ក​ហើយ មាន​មួយ​គ្រាន់​ចាក់​បទ​ហ្នឹង​រាំ​ពីរ​នាក់ មិន​ដឹង​ទៅ​ជា​យ៉ាងណា​ទេ… 😀

បទ​ខាង​លើ​ច្រៀង​ដោយ ព្រាប សុវត្ថិ។ បទ​ដើម​ជា​បទ​របស់ ស៊ិន ស៊ីសាមុត តែ​ខ្ញុំ​ចូលចិត្ត​បទ​របស់​ព្រាប សុវត្ថិ​ជាង។ បើ​បទ ស៊ិន ស៊ីសាមុត ខាងក្រោម​នេះ គេ​ម៉ិចភ្លេង ម៉ិច​អី​ធ្វើ​ខារ៉ាអូខេ ស្ដាប់​លែងចង់​កើត​ហើយ។

កម្សាន្ត, ចម្រៀង​ខ្មែរ

និទាឃៈ​រដូវ​នៅ​មណ្ឌល​គីរី


បទ​ក្នុង​អាល់ប៊ុម «និទាឃៈ​រដូវ​នៅ​មណ្ឌលគីរី» សុទ្ធ​ជា​បទ​ស្ទីល​ខ្មែរ និង​ពីរោះៗ។ ខ្ញុំ​ជួយ​ឡង់សេ​ឲ្យ​ស្ដាប់​ពីរបទ បើ​ចូលចិត្ត រក​ទិញ​សេដេ​ស្ដាប់​ខ្លួនឯង​​ចុះ។

rhm383

rhm383-back

បទ និទាឃៈ​រដូវ​នៅ​មណ្ឌលគីរី

បទ អានុស្សាវរីយ៍​កោះ​ញែក

កម្សាន្ត, ចម្រៀង​ខ្មែរ

កុំ​ឲ្យ​គេ​ឈឺចាប់​ដោយសារ​បង


ឆាយ វីរ៉ាយុត ជា​អ្នក​ចម្រៀង​ល្បី​យូរ​ដែរ​មក​ហើយ ខ្ញុំ​ចូល​ចិត្ត​បទ​ចម្រៀង​គាត់​ច្រើន​ដែរ។ ឃើញ​បទ​ក្រោយ នៅ​ ផលិតកម្ម អឹម វ៉ុល​៧​នេះ ក៏​ពីរោះ​ដែរ។ សូម​ស្ដាប់​លេង​មើល៍ អត្ថន័យ​ក៏​ឡូយ​ដែរ។


សល់​តែ​មួយ​ជំហាន​តើ​ហេតុអ្វី មិន​អាច​ឈាន​ទៅ​មុខ​បាន
ឬ​ក៏​​ត្រូវ​ឈប់​ត្រឹមហ្នឹង
បើ​​ពិបាក​នឹង​ស្រឡាញ់​គ្នា​យ៉ាង​ហ្នឹង
តើ​នឹង​អាច​ទៅ​មុខ​រួច​ទៀតទេ។

ឆ្ងល់​​ថា​​​ម្ដេច​ពេល​ខ្លះ​ធ្វើ​ដូច​បារម្ភ​នឹង​រូប​បង​ខ្លាំង
ពេល​ខ្លះ​ហាក់​ដូច​​មិន​អើពើ
ឬ​ក៏​បេះដូង​ស្ងួន​អូន​នៅ​ស្ទាក់ស្ទើរ​ទៀត
នឹង​ប្រុស​ម្នាក់​នោះ​អូន​ប្រាប់​មក។

បង​មិន​ចង់​ឃើញ​អូន​ចោល​គេ​ព្រោះ​បង
ក៏​មិន​ចង់​ក្លាយ​ខ្លួន​ដណ្ដើម​សង្សារ​គេ
មិន​ញញើត​​នឹង​ទឹក​ភ្នែក​​ទេ​មាសមេ
សុខ​ចិត្ត​ឈឺចាប់។

ស៊ូ​បែរ​ខ្នង​​ឈរ​សម្រក់​ទឹកភ្នែក
ចិត្ត​សង្វេគ​​ប្រាប់​ឲ្យ​អូន​ថែ​​គេ
បង​មិន​ស័ក្ដិសម​​ឲ្យ​ស្ងួន​ក្បត់​នឹង​រូប​គេ​ទេ
មាសស្នេហ៍​ត្រឡប់​ក្រោយ​ចុះ។

គេ​ឈឺ​ប៉ុណ្ណា​ក៏​ដឹង​ច្បាស់
បង​ឈឺ​ណាស់​ដែល​បាត់បង់​អូន​ដូច​គ្នា
តែ​បេះដូង​មួយ​នេះ​មិន​អាច​ឲ្យ​ស្រស់​ពុំងា
មាន​ឈ្មោះ​ស្រី​ក្បត់​ព្រោះ​បង
បង​សុំទោស។

គេ​មក​មុន បង​មក​ក្រោយ
ដឹង​ខ្លួន​ហើយ​ថា​បង​អ្នក​ជ្រែក
គ្មាន​នរណា​អាច​ញញឹម
មាន​តែ​ម្នាក់​សម្រក់​​ទឹកភ្នែក។

កម្សាន្ត, ចម្រៀង​ខ្មែរ, តារា​ចម្រៀង​

កោះ​ឧកញ៉ា​តី​មុន​ថ្ងៃ​រៀប​លិច


ក្រោយ​ពី​បាត់​មុខ​អស់​រយៈពេល​ជិត​ពីរ​ឆ្នាំ​ពី​រស្មី​ហង្ស​មាស លោក ណូយ វ៉ាន់ណេត បាន​​ត្រឡប់​មក​ជា​ថ្មី​ជាមួយ​​នឹង​បទ​​ចម្រៀង​ដ៏​ពីរោះ នៅ​វ៉ុល ៣៧១ “កោះ​ឧកញ៉ាតី​មុន​ថ្ងៃ​រៀប​លិច” ។

លោក ណូយ វ៉ាន់ណេត ជា​អ្នក​ចម្រៀង​ជើង​ចាស់ ដែល​ធ្លាប់​មាន​ការគាំទ្រ​ពី​អ្នក​ស្ដាប់​ជា​ច្រើន​កាល​ពី​ឆ្នាំ ៩៦ ៩៧ ។ បទ​ល្បី​ដំបូង​របស់​គាត់​គឺ​បទ “​ដប់​ម៉ឺន” និង​បន្ទាប់​មក​មាន​បទ ឱ​ស្នេហ៍​មាស​បង, ខ្សាច់​ពណ៌​ភ្លើង និង​បទ​ជា​ច្រើន​ទៀត ប៉ុន្តែ​ក្រោយៗ​មក គាត់​បាត់​ប្រជាប្រិយភាព​អស់​មួយ​រយៈ​ធំ តែ​ក៏​បាន​ទទួល​ការគាំទ្រ​ជា​ថ្មី​ជាមួយ​នឹង​បទ “សម្រស់​បុប្ផា​កំពុង​ធំ” បន្ទាប់​មក​ក៏​ឮ​ថា​មាន​​រឿង​អាស្រូវ​មួយ​ចំនួន និង​លែង​ឮ​បទ​ចម្រៀង​របស់​កាត់​ជិត​ពីរ​ឆ្នាំ គឺ​ចាប់​ពី​វ៉ុល ២៥៨ “ស្វាមី​ប្រែ​ចិត្ត” ដែល​មាន​ចម្រៀង​អ្នក​ស្រី ហ៊ឹម ស៊ីវន ផង ។

កោះ​ឧកញ៉ាតីមុន​ថ្ងៃ​រៀប​លិច ​មិន​មាន​ការគាំទ្រ​ប៉ុន្មាន​ទេ ប៉ុន្តែ​ជា​បទ​ដែល​ពីរោះ និង​លន្លង់លន្លោច ។ ស្ដាប់​បទ​នេះ​ប្រាកដ​ជា​ធ្វើ​ឲ្យ​នឹក​ដល់​កោះ​ឧកញ៉ាតី និង សម្រស់​នារី​ម្នាក់​ដែល​គាត់​រៀបរាប់​ក្នុង​បទ​ចម្រៀង ។ ​នេះ​ជា​ស្នាដៃ​និពន្ធ​របស់​ឧកញ៉ា ហ៊ុន ហេង ។ សូម​សណ្ដាប់​ចម្រៀង​នេះ ៖


កោះ​ឧកញ៉ាតី​មុន​ថ្ងៃ​ហៀប​លិច
រលក​ព្រិចៗ​ រំលេច​ទេសភាព
ចន្ទ​ចង់​ប្ដូរ​វេន ថ្ងៃ​សែន​ទន់ទាប
ចុង​កោះ​ស្រស់​ប្រៀប​ដូច​ស្ងួន​បុប្ផា ។

កោះ​សែន​មនោរម្យ​ដែល​ខ្ញុំ​អាល័យ
កោះ​ឧកញ៉ាតី និស្ស័យ​ស្នេហា
កោះ​អើយ អើយ​កោះ​​អ្នក​ស្រស់​ម្ល៉េះ​ណា
តើ​ម្ចាស់​ចម្ការ ស្រស់​យ៉ាង​ណា​ទៅ ។

បង​អ្នក​ទេសចរ ជិះ​ទូកដ​ឆ្លង
មិន​នឹក​ស្មាន​ផង ថា​បង​ជួប​ពៅ
កោះ​ឧកញ៉ាតី មុន​ថ្ងៃ​លិច​ទៅ
បន្សល់​ទុក​នៅ អនុស្សាវរីយ៍ ។

មក​ដល់​ភ្នំពេញ​ទន្ទេញ​នឹក​កោះ
បង​នឹក​សម្ផស្ស សម្រស់​ឆវី
ជួប​គ្នា​ដំបូង បេះដូង​ទាំង​ពីរ
មិន​បាន​ដល់​ទីបំផុត​នៃ​ស្នេហ៍​៕

កម្សាន្ត, ចម្រៀង​ខ្មែរ, ចម្រៀង​បរទេស

បទ​ចម្រៀង “ទី​ដំរី​យំ”


Sam, a refugee from the Khmer Rouge genocide, leaves America and returns to his homeland, Cambodia. Committed to finding his roots in his native culture, he unexpectedly falls in love with Bopha, a Cambodian pop-star. The music fuses traditional Cambodian music with Western rock and rap. The opera will be sung in English and Khmer, with surtitles in both languages.


Where Elephants Weep  East Meets West in a New Contemporary Cambodian OperaNEWS FLASH

Cambodian Premiere
November 28 – December 7, 2008
Chenla Theater, Phnom Penh
Cambodia

Produced in association with John Burt Productions
and Amrita Performing Arts.

បទ Where Elephants Weep

បទ ថ្លែង​ពី​ប្រវត្តិ(?)