កម្សាន្ត – សម្រាប់ខ្មែរ

ថ្ងៃនេះគឺថ្ងៃបុណ្យស្នេហា
អូនប៉ងប្រាថ្នាផ្កាពីប្ដី
តិចតួចឬច្រើនក៏មិនថ្វី
បញ្ជាក់ថាប្ដី គិតដល់អូន។

រំពឹងពីព្រឹក ដល់ថ្ងៃត្រង់
គិតថាបងចង់ surprise ស្ងួន
ច្បាស់ជាលោកប្ដីលាក់បំពួន
ដល់ពេល នឹមនួនយកជូនស្រី។

រសៀលទល់ល្ងាចមិនទាន់ឃើញ
រង់ចាំលុះដល់ពេលរាត្រី
អូនងងុយគេងហើយលោកប្ដី
ម្ដេចក៏ប្រុសថ្លៃសំងំស្ងៀម។

សង្ស័យប្រហែលមិនដូចគិត
លោកប្រុសស្នេហ៍ស្និទ្ធមិនបានត្រៀម
អូនអន្ទះសាស្ទើរស្រក់ឈាម
បងសម្ងំស្ងៀមមិនចេញស្ដី។

ហេតុអ្វីក៏បងធ្វើដូច្នេះ
ឬក៏ពេលនេះ ប្រែចិត្តថ្មី
បងប្លែកខុសមុនហើយចរណៃ
ឱ!ទឹកភ្នែកស្រី ហូរមកហើយ។

មិនចង់ឲ្យបងឃើញអូនយំ
តែទប់មិនយំលែងបានហើយ
បណ្ដោយតាមចិត្តចុះលោកអើយ
យំហើយ និយាយឲ្យអស់ម្ដង។

“ម្ដេចបងមិនគិតដល់រូបអូន
ម្ដេចស្ងួនមិនមើលគូគេផង
ម្ដេចក៏មិនដឹងពីបំណង
ម្ដេចបងមិនទិញផ្កាជូនអូន!”

“នេះឬបងថាស្រឡាញ់ស្រី
តើស្មោះនឹងស្រី ឬលាក់ពួន
មានស្រីខាងក្រៅ ចោលរូបអូន
ប្រាប់ត្រង់គង់អូនឲ្យបងទៅ!”

លោកប្ដីតបថា “អូនសម្លាញ់!
ម្ដេចក៏ខឹងប្ដីដូច្នេះពៅ
ឲ្យឈប់ស្នេហ៍អូនម្ដេចបានទៅ
បើពៅអូនល្អដូច្នេះថ្លៃ។”

“មើលចុះទឹកភ្នែកជោគភត្ត្រា
កុំខឹងបងណាពៅពីសី
ស្រឡាញ់អូនធំជាងផែនដី
ហេតុអ្វីអូនមិនដឹងចិត្តបង។”

“រាល់ថ្ងៃស្រឡាញ់អូនប៉ុណ្ណា
នឹកមើលជីវ៉ា ទឹកចិត្តបង
មិនមែនមួយឆ្នាំស្នេហាម្ដង
ស្នេហ៍បង បងស្នេហ៍រៀងរាល់ថ្ងៃ។”

“បងជូតទឹកភ្នែកណាម្ចាស់ចិត្ត
ក្នុងមួយជីវិតមានតែស្រី
មិនដែលគេចកែចិត្តរកថ្មី
យល់ឬនៅថ្លៃ ក្ដីស្នេហ៍បង?”

រៀបរាប់ប៉ុណ្ណឹងឲ្យអូនគិត
ថាគូជីវិតពិតស្នេហ៍ស្នង
មិនដែលភ្លាំងភ្លាត់ឲ្យខុសឆ្គង
អូនគិតរំលងព្រោះតែផ្កា។

ឥទ្ធិពលបុណ្យក្ដីស្រឡាញ់
មិនមែនសុទ្ធល្អសោះឯណា
អ្នកខ្លះរីករាយ ខ្លះឡាំប៉ា
ព្រោះតែប្រាថ្នាស្នេហ៍ភក្ដី។

មានផ្កាអត់ផ្កា មិនសំខាន់
សំខាន់ស្នេហ៍ស្មោះប្រពន្ធប្ដី
មិត្តភ័ក្ត្រពេបជ្រាយ មានទៅស្អី
ស្នេហាភក្ដី ជាមង្គល។

ដោយ ទឹម បឿន
១៥ កុម្ភៈ ២០១៧ ១:៤៧ យប់

កីឡា

លទ្ធផលបាល់ទាត់នៅស៊ីហ្គេម ត្រឹមថ្ងៃ ៩ វិច្ឆិកា

ថ្ងៃពុធ ទី 9 ខែវិច្ឆិកា 2011ថ្ងៃពុធ ទី 9 ខែវិច្ឆិកា 2011 ទឹម បឿន

ថ្ងៃទី ៩ វិច្ឆកា ក្នុងពូល A, ម៉ាឡេស៊ី ជួប ថៃក្នុងលទ្ធផល ២-១, កម្ពុជា ជួប សិង្ហបុរី ក្នុងលទ្ធផល ១-២ ខណៈ ពូល B, ភូមា ជួប ព្រុយណេ លទ្ធផល ៤-០, វៀតណាម ជួប ទីម័រឡេស្តេ លទ្ធផល ២-០ ។

ក្នុងការជួបគ្នារវាង កម្ពុជា និង សិង្ហបុរី កម្ពុជាបាននាំមុខ ១-០ ក្នុងតង់ទីមួយ ដោយកីឡាករ ឈិន ឈឿន ពាក់ស្លាកលេខ ៨ នៅនាទី ៣៨, ក្នុងតង់ទីពីរ សិង្ហបុរី រកបាន ២ គ្រាប់វិញដោយកីឡាករ កាម៉ាល នៅនាទី ៥៦ និងកីឡាករឈ្មោះ នេល នៅនាទី ៧៤ ដែលធ្វើឲ្យកម្ពុជានៅរក្សាពិន្ទុ ០ ដដែលក្នុងពីរប្រកួត ទន្ទឹមនឹងថៃមិនទាន់រកបានពិន្ទុនៅឡើយក្នុងមួយប្រកួតរបស់ខ្លួនថ្ងៃទី ៩ វិច្ឆិកា នេះ ។ ខាងក្រោមជាលទ្ធផលពិន្ទុគិតត្រឹមថ្ងៃទី ៩ វិច្ឆកា ។

ពូល A

ក្រុម	Pld	W	D	L	GF	GA	GD	Pts
ម៉ាឡេស៊ី	២	១	១	០	២	១	+១	៤
សិង្ហបុរី	២	១	១	០	២	១	+១	៤
ឥណ្ឌូនេស៊ី	១	១	០	០	៦	០	+៦	៣
ថៃ	១	០	០	១	១	២	−០	០
កម្ពុជា	២	០	០	២	១	៨	−៧	០

ពូល B

ក្រុម	Pld	W	D	L	GF	GA	GD	Pts
ភូមា	៣	២	១	០	៧	២	+៥	៧
វៀតណាម	៣	២	១	០	៥	១	+៤	៧
ទីម័រឡេស្តេ	៣	២	០	១	៤	៤	០	៦
លាវ	២	០	១	១	៤	៥	−១	១
ព្រុយណេ	៣	០	១	២	៣	៨	−៥	១
ហ្វីលីព្ពីន	២	០	០	២	២	៥	−៣	០

មើលវីដេអូសង្ខេបការប្រកួត

អត្ថបទផ្សេងទៀត៖

កីឡា

លទ្ធផលបាល់ទាត់នៅស៊ីហ្គេមស៍ ២០១១ មកដល់ថ្ងៃទី ៧ វិច្ឆិកា

ថ្ងៃចន្ទ ទី 7 ខែវិច្ឆិកា 2011ថ្ងៃចន្ទ ទី 7 ខែវិច្ឆិកា 2011 ទឹម បឿន

ថ្ងៃទី ៧ វិច្ឆិកា ម៉ោង ៧,០០ ល្ងាច កម្ពុជាចាប់ផ្ដើមទាត់ជាមួយ ឥណ្ឌូនេស៊ី ដែលជាម្ចាស់ផ្ទះ ។ ឥណ្ឌូនេស៊ី ឈ្នះកម្ពុជា ៦-០ ខណៈ ឡាវ និង ព្រុយណេ ២-២ ។ ការប្រកួតវេលាម៉ោង ៤ ក្នុងថ្ងៃនេះដែរ ទីម័រឡេស្តេ ឈ្នះហ្វីលីព្ពីន ២-១ និង សិង្ហបុរី ស្មើនឹងម៉ាឡេស៊ី ០-០ ។

ចំពោះការប្រកួតកាលពីថ្ងៃទី ៣ វិច្ឆិកា វៀតណាម ឈ្នះហ្វីលីព្ពីន ៣-១, ភូមា ឈ្នះឡាវ ៣-២ ។ ការប្រកួតថ្ងៃទី ៥ វិច្ឆិកា ទីម័រឡេស្តេ ឈ្នះ ព្រុយណេ ២-១, ភូមា ស្មើជាមួយវៀតណាម ក្នុងលទ្ធផល ០-០ ។

ចំណែកពិន្ទុវិញ មកដល់ថ្ងៃទី ៧, ទីម័រឡេស្តេ បានពិន្ទុខ្ពស់ជាងគេ គឺ បន្តអាន “លទ្ធផលបាល់ទាត់នៅស៊ីហ្គេមស៍ ២០១១ មកដល់ថ្ងៃទី ៧ វិច្ឆិកា” →

កីឡា, សារព័ត៌មាន

ប្រវត្តិបាល់ទាត់កម្ពុជានៅ ស៊ីហ្គេម

ថ្ងៃអង្គារ ទី 1 ខែវិច្ឆិកា 2011ថ្ងៃអង្គារ ទី 1 ខែវិច្ឆិកា 2011 ទឹម បឿន

SEA Games ឆ្នាំ ២០១១ ខាងមុខនេះ កម្ពុជាស្ថិតក្នុងក្រុម A ដែលមាន ម៉ាឡេស៊ី, ថៃ, សិង្ហបុរី និងម្ចាស់ផ្ទះ ឥណ្ឌូនេស៊ី ខណៈក្រុម B មាន វៀតណាម, ឡាវ, ព្រុយណេ, ទីម័រ និង ហ្វីលីព្ពីន ។

ក្នុងការប្រកួត BIDC Cup ថ្មីៗនេះ កម្ពុជាបានយកឈ្នះ ឡាវ ២-០, ប្រកួតរវាង ភូមា ក្នុងលទ្ធផល ២-២ និងចុងក្រោយត្រូវជួបជាមួយ ថៃ ក្រុមកម្ពុជាចាញ់ថៃក្នុងលទ្ធផល ២-១ ដែលធ្វើឲ្យកម្ពុជាស្ថិតក្នុងចំណាត់ថ្នាក់លេខ ៣ បន្ទាប់ពី ភូមា និង ថៃ ។ ចំណែកការប្រកួតមិត្តភាពជាមួយ នេប៉ាល់ កាលពីថ្ងៃទី ២៨ តុលា កម្ពុជាចាញ់នេប៉ាល់ ០-១ ។

សង្កេតលើការប្រកួតថ្មីៗនេះ បាល់ទាត់កម្ពុជាមានការរីកចម្រើនច្រើន ប៉ុន្តែក្ដីសង្ឃឹមរបស់កម្ពុជាលើ SEA Games ឆ្នាំនេះមានតិចតួចប៉ុណ្ណោះ ព្រោះជួប បន្តអាន “ប្រវត្តិបាល់ទាត់កម្ពុជានៅ ស៊ីហ្គេម” →

ខ្សែភាពយន្ត, ទាក់ទងនឹងខ្ញុំ

ប្ដូរទៅមើលកុនរឿង Captain America

ថ្ងៃសុក្រ ទី 5 ខែសីហា 2011ថ្ងៃសៅរ៍ ទី 6 ខែសីហា 2011 ទឹម បឿន

គម្រោងមើលកុនរឿង អ៊ូសៀ នៅរោងភាពយន្ត The Cineplex ត្រូវបានប្ដូរទៅមើល Captain America វិញ ព្រោះជាកុន 3D ។ នេះជាលើកទីមួយដែលខ្ញុំចូលមើលកុន 3D ។ រឿងនេះល្អមើលណាស់, ឈុតឆាកខ្លះ អង្គុយប្រឹងតាមឡើងរឹងខ្លួន ត្រង់កន្លែង Roggers គប់ខែលមកចំអេក្រង់ អ្នកមើលស្រែក និងគេចស្ទើរគ្រប់គ្នា ។ នេះជាសាច់រឿងសង្ខេប ។

ដំណើររឿងកើតឡើងក្នុងកំឡុងសង្គ្រាមលោកលើកទីពីរចូលដល់អាមេរិក ឆ្នាំ ១៩៤២ ។ Steve Rogers មានកាយសម្បទាស្គម មិនសមក្នុងកិច្ចការជួរកងទ័ព ក៏ស្ម័គ្រប្រគល់ខ្លួនឲ្យគម្រោងស្រាវជ្រាវសម្ងាត់ពិសេសកែប្រែរូបកាយរបស់គាត់ឲ្យមាំមួន ។ វេជ្ជបណ្ឌិតស្រាវជ្រាវនេះ ត្រូវបានបាញ់សម្លាប់ភ្លាមៗក្នុងពេលនោះដោយភ្នាក់ងាររបស់មេដឹកនាំដេប៉ាតឺម៉ង់ស្រាវជ្រាវសម្ងាត់ អ៊ីដ្រា (HYDRA) របស់ណាស៊ីអាល្លឺម៉ង់ ដែលមានក្បាលក្រហម ហើយ Rogers ត្រូវបានគេប្រើឲ្យធ្វើជាអ្នកឃោសនាក្នុងគ្រាដំបូងៗនោះ ។ លុះពួកម៉ាករបស់គាត់ត្រូវការឲ្យគាត់ជួយ គាត់បានធ្វើដំណើរផ្សងគ្រោះថ្នាក់ និងត្រឡប់មកវិញជាមួយភាពជោគជ័យ ដែលធ្វើឲ្យគាត់ក្លាយជាមេបញ្ជាការអាមេរិក ធ្វើសង្គ្រាមប្រឆាំងនឹង Schmidt, ប្រធានដេប៉ាតឺម៉ង់ស្រាវជ្រាវសម្ងាត់ អ៊ីដ្រា ដែលមានក្បាលក្រហមនោះ ។

ខ្សែភាពយន្ត, ទាក់ទងនឹងខ្ញុំ

ទៅមើលកុនរឿង អ៊ូសៀ ល្ងាចនេះ

ថ្ងៃព្រហស្បតិ៍ ទី 4 ខែសីហា 2011ថ្ងៃព្រហស្បតិ៍ ទី 4 ខែសីហា 2011 ទឹម បឿន

បន្ទាប់ពីមានរោងភាពយន្តខ្នាតអន្តរជាតិ The Legend បានបើកដំណើរការប្រហែលមួយខែកន្លងមក, រោងភាពយន្តខ្នាតអន្តរជាតិមួយទៀតឈ្មោះ The Cineplex ក៏ចាប់ផ្ដើមបើកបញ្ចាំងផងដែរ គឺបើកសម្ពោធនៅល្ងាចថ្ងៃទី ៤ សីហា នេះ ។ រឿងដែលដាក់បញ្ចាំងដំបូង មានរឿង អ៊ូសៀ (Wuxia) និងរឿង Captain America ។

ខ្ញុំពីរនាក់ប្រពន្ធបានគ្រោងទៅមើលរឿង អ៊ូសៀ នៅម៉ោង ៩,៣០ នាទី ល្ងាចនេះ ដែលមានទីតាំងនៅផ្សារទំនើប សុរិយា ជាន់ទី ៥ ។

សាច់រឿងសង្ខេប

Liu Jin Xi (Donnie Yen) ឬយើងហៅថា កុំកុំ ជាម្ចាស់ហាងកំណាត់សំពត់ រស់នៅជាមួយប្រពន្ធ (Tang Wei) រួមទាំងកូនពីរនាក់ ។ ថ្ងៃមួយ មានចោរចូលមកប្លន់ហាងលក់កំណាត់សំពត់របស់គាត់, ដើម្បីការពារហាង គាត់សម្លាប់ចោរពីរនាក់ ។ អ្នកស៊ើបអង្កេត (Takeshi Kaneshiro) ចុះមកតាមដានរឿងនេះ និងមានព្រឹត្តិការណ៍ប្រយុទ្ធគ្នាយ៉ាងកក្រើកភូមិដើម្បីវែកមុខឃាតក… ។

Facebook: facebook.com/SabayCineplex

កម្សាន្ត

ជួបតារាក្នុងដួងចិត្តរបស់អ្នកក្នុងកម្មវិធី The Red Night

ថ្ងៃសុក្រ ទី 20 ខែឧសភា 2011ថ្ងៃព្រហស្បតិ៍ ទី 19 ខែឧសភា 2011 ទឹម បឿន

ក្រុមហ៊ុនសប្បាយកំពុងរៀបចំកម្មវិធីដែលពុំធ្លាប់មាននៅកម្ពុជា គឺ រាត្រីពណ៌ក្រហម (The Red Night) ដែលបង្កឱ្យអ្នកមានឱកាសជួបជជែកជាមួយតារាក្នុងដួងចិត្តដោយផ្ទាល់ ។ កម្មវិធីដែលនឹងធ្វើឡើងនៅថ្ងៃទី ២៨ ខែ ឧសភា ឆ្នាំ ២០១១ នេះ នឹងចូលរួមដោយតារាល្បីបីរូប មាន ខេមរៈ សេរីមន្ត, ឆាយ វីរៈយុទ្ធ និង មាស សុខសោភា រួមទាំងការកម្សាន្តជាមួយឌីជេល្បីៗ, ក្រុម Cartoon eMo និង កម្មវិធីកម្សាន្តជាច្រើនទៀត ។ បើលោកអ្នកចាប់អារម្មណ៍ អាចចូលរួមដោយសេរី នៅមជ្ឈមណ្ឌលទីក្រុងកោះពេជ្រ វេលាម៉ោង ៥ ល្ងាច ដល់ម៉ោង ៩ យប់ ។

កីឡា

កម្ពុជាទទួលបានមេដាយ ៤១ ពីការប្រកួតតេក្វាន់ដូអាស៊ីអាគ្នេយ៍

ថ្ងៃអង្គារ ទី 12 ខែមេសា 2011ថ្ងៃអង្គារ ទី 12 ខែមេសា 2011 ទឹម បឿន

លទ្ធផលចុងក្រោយនៃការប្រកួតតេក្វាន់ដូជ្រើសរើសជើងឯកអាស៊ីអាគ្នេយ៍លើកទីដប់ដែលធ្វើឡើងនៅកីឡដ្ឋានជាតិអូឡាំពិក កម្ពុជាទទួលបានមេដាយ ចំនួន ៤១ គឺមេដាយមាស ៤ មេដាយប្រាក់ ១១ និង មេដាយសំឬទ្ធ ២៦ ខណៈវៀតណាមទទួលបានមេដាយមាស ២៥ ប្រាក់ ១៥ សំរឹទ្ធ ១៦ ។ ហ្វីលីពីន មេដាយមាស ១១ ប្រាក់ ៧ សំរិទ្ធ ១៧ ។ ម៉ាឡេស៊ី មេដាយមាស ២ ប្រាក់ ២ សំរឹទ្ធ ៤ ។ ថៃ មេដាយមាស ២ ប្រាក់ ២ សំរឹទ្ធ ១ ។ ឥណ្ឌូណេស៊ី មាស ១ ប្រាក់ ១ សំរឹទ្ធ ១ ។ សិង្ហបុរី មេដាយ ប្រាក់ ៥ សំរឹទ្ធ ៦ ។ ឡាវ មេដាយ ប្រាក់ ២ សំរឹទ្ធ ៣ ។

ទឹកប្រាក់សម្រាប់មេដាយនីមួយៗគឺ មេដាយមាសទទួលបាន ៩ លានរៀល មេដាយប្រាក់ ៨ លានរៀល និង មេដាយសំរឹទ្ធិ ៧ លានរៀល ។

ល.រ.	ឈ្មោះប្រទេស	មេដាយមាស	មេដាយប្រាក់	មេដាយសំរឹទ្ធិ
១	វៀតណាម	២៥	១៥	១៦
២	ហ្វីលីពីន	១១	៧	១៧
៣	កម្ពុជា	៤	១១	២៦
៤	ម៉ាឡេស៊ី	២	២	៤
៥	ថៃ	២	២	១
៦	ឥណ្ឌូណេស៊ី	១	១	១
៧	សិង្ហបុរី	០	៥	៦
៨	ឡាវ	០	២	៣

ក្នុងការប្រកួតពីថ្ងៃទី ៧-៩ មេសា ២០១១ នេះ ចែកចេញជាបួនវិញ្ញាសារ គឺការបង្ហាញសម្មត្ថភាពក្បាច់គុណ ការប្រកួតសម្រាប់ប្រភេទអាយុក្រោម ១៧ ឆ្នាំ ការប្រកួតសម្រាប់ប្រភេទអាយុ ១៨-៣០ ឆ្នាំ និង ការប្រកួតសម្រាប់ប្រភេទអាយុ ៣១ ឆ្នាំឡើង ដែលមានប្រទេសចំនួន ៨ បានចូលរួម គឺ កម្ពុជា កីឡាករ ៥៤ នាក់ វៀតណាម ១១២ នាក់ ហ្វីលីពីន ៤៦ នាក់ សិង្ហបុរី ២២ នាក់ ម៉ាឡេស៊ី ១៣ នាក់ ឡាវ ១២ នាក់ ថៃ ៨ នាក់ និង ឥណ្ឌូណេស៊ី ៨ នាក់ ដោយឡែកប្រទេស ភូមា និង ព្រុយណេ មិនបានចូលរួមក្នុងការប្រកួតនេះទេ ។

កំណាព្យ, ទឹម បឿន

កំណាព្យ៖ ទិវាសិទ្ធិស្រី ៨ មីនា

ថ្ងៃពុធ ទី 9 ខែមីនា 2011ថ្ងៃពុធ ទី 9 ខែមីនា 2011 ទឹម បឿន

ប្រាំបីមីនា គឺជាទិវា របស់ស្ត្រី
ទទួលបានសិទ្ធិ សមភាពសេរី តួនាទីស្រី
រួមអភិវឌ្ឍ ។

គឺជាទីវា រំឭកដល់គ្រា ប្រជាពលរដ្ឋ
កើតកលវឹកវរ ឧស្សាហស្រុត អំពើអយុទ្ធ
កើតលើស្ត្រី ។

កើតការរើសអើង មិនលើកតម្កើង បិទសិទ្ធិសេរី
ប្រុសគាបសង្កត់ ធ្វើបាបស្ត្រី មិនឲ្យសូម្បី
សិទ្ធិជ្រើសតំណាង ។

គាបសង្កត់ពេក ស្ត្រីអាមេរិក តស៊ូប្រឆាំង
បានសិទ្ធិបោះឆ្នោត ជ្រើសរើសតំណាង ទាមទារបានទាំង
ប្រាក់បៀវត្សរ៍ខ្ពស់ ។

នៅឆ្នាំប្រាំបី(១) អស់ទាំងស្ត្រី ដែលធ្លាប់រងគ្រោះ
ប្រារព្ធទិវា រំឭកខួបនោះ ថ្ងៃរួចរងគ្រោះ
ទីម្ភៃប្រាំបី ។

តែក្រោយប្រជុំ ប្រទេសច្រើនសុំ រើសយកថ្ងៃថ្មី
ឲ្យធ្វើរួមគ្នា ដប់ប្រាំបួននៃ ធ្វើក្នុងឆ្នាំថ្មី
នៃខែមីនា ។

ដល់ឆ្នាំដប់បី ទិវាស្ត្រី ផ្លាស់ប្ដូរវេលា
បានប្ដូរមកថ្ងៃ ប្រាំបីមីនា ថ្ងៃនោះជាប់ជា
រហូតសព្វថ្ងៃ ។

ក្រោយមកអង្កការ សហប្រជា(២) ព្រមស្គាល់សេរី
និងដាក់ថ្ងៃនោះ ជាទិវាស្រី គ្រប់ជាតិលកលៃ
ចាត់ថ្ងៃសម្រាក ។

នៅកម្ពុជា ស្ថាប័ននានា សស្រាំសស្រាក់
ចូលរួមអបអរ តាំងបដារស្លាក លើកសិទ្ធិស្រីដាក់
ស្មើនឹងបុរស ៕

ដោយ ទឹម បឿន
៨ មីនា ២០១១, ១១,៤៥ អាធ្រាត្រ

————-

(១) ១៩០៨
(២) អង្កការសហប្រជាជាតិ [១៩៧៥]

ខ្សែភាពយន្ត

អំពីភាពយន្ត ឃ្លាតទៅ! សែនឆ្ងាយ!

ថ្ងៃសុក្រ ទី 25 ខែកុម្ភៈ 2011ថ្ងៃសុក្រ ទី 25 ខែកុម្ភៈ 2011 ទឹម បឿន

ក្នុងពេលបញ្ចាំងរឿង ឃ្លាតទៅ! សែនឆ្ងាយ! នៅមេតាហាវស៍ លោក ឆាយ បូរ៉ា (អ្នកដឹកនាំរឿង) បានឡើងនិយាយអំពីព័ត៌មានខ្លះៗនៃសាច់រឿង និង ដំណើរការផលិត ។ ពេលដែលខ្ញុំទៅដល់ គាត់បានបញ្ចប់សន្ទរកថារបស់គាត់រួចទៅហើយ ។ រេបិកកា ដែលជាអ្នកគ្រប់គ្រងផ្នែកធនធានមនុស្ស ជនជាតិស្វីសនៅក្រុមហ៊ុនរបស់ខ្ញុំជាអ្នកប្រាប់ខ្ញុំអំពីព័ត៌មាននេះ ។

សាច់រឿងបានផលិតឡើងតាមរយៈការសម្ភាសន៍លោកយាយ នួន សីលា ដែលជាម្ដាយក្មេករបស់លោក ឆាយ បូរ៉ា ។ រាល់ព័ត៌មានដែលគាត់រៀបរាប់ទាំងអស់ គេយកមកថតជាសាច់រឿង និង យកសំឡេងរបស់គាត់មកបញ្ចូលក្នុងសាច់រឿងនៅតែម្ដង ។ តារាឯកដែលសំដែងក្នុងរឿងនេះ គឺជាប្រពន្ធរបស់លោក ឆាយ បូរ៉ា ។ គាត់នេះឯងជាកូនរបស់លោកយាយ នួន សីលា គឺក្មេងស្រីក្នុងសាច់រឿងដែលរស់រានមានជីវិត ។ លោកយាយ សីលា ភ្ញាក់ផ្អើលខ្លាំង ពេលឃើញភាពយន្តនេះ ហើយអ្វីដែលគេសម្ផាសគាត់ គឺជាដំណើរនៅក្នុងរឿងនេះ ដោយប្រើសំឡេងរបស់ពេលគាត់ឆ្លើយសំណួរ ។ […]

តើអ្នកយល់ថារឿងនេះអស្ចារ្យទេ?

អត្ថបទផ្សេងទៀត៖

ឃ្លាតទៅ! សែនឆ្ងាយ! (Lost Loves)

ខ្សែភាពយន្ត, ទាក់ទងនឹងខ្ញុំ, សារព័ត៌មាន

ឃ្លាតទៅ! សែនឆ្ងាយ! (Lost Loves)

ថ្ងៃពុធ ទី 23 ខែកុម្ភៈ 2011ថ្ងៃពុធ ទី 23 ខែកុម្ភៈ 2011 ទឹម បឿន

ឃ្លាតទៅ!សែនឆ្ងាយ! ជាភាពយន្តថ្មីនិយាយអំពីរបបប្រល័យពូជសាសន៍ ដឹកនាំរឿងដោយលោក ឆាយ បូរ៉ា អតីតនិស្សិតផ្នែកភាពយន្តនៅសាកលវិទ្យាល័យ វិចិត្រសិល្បៈ ។ នេះជាខ្សែភាពយន្តដំបូងបង្អស់របស់លោក ។ សាច់រឿងផ្អែកលើរឿងពិតរបស់ម្ដាយក្មេកលោកផ្ទាល់ (លោកយាយ នួន សីលា) ។ រឿងនេះធ្លាប់ដាក់បញ្ចាំងក្នុងទិវាភាពយន្តអន្តរជាតិកម្ពុជាក្នុងខែតុលា ឆ្នាំ ២០១០ និង មានដាក់បញ្ចាំងនៅមជ្ឈមណ្ឌលវប្បធម៌ មេតាហាវស៍ភ្នំពេញកាលពីថ្ងៃទី ២២ ខែមីនានេះផងដែរ ។

គាត់ថតបានល្អណាស់ ធ្វើឲ្យអ្នកទស្សនាមួយចំនួនទប់ទឹកភ្នែកមិនបាន សូម្បីបរទេសក៏រលីងរលោងទឹកភ្នែកដែរ ជាពិសេសប្រពន្ធរបស់ខ្ញុំ ។ ក្រោយពេលចប់ ពួកបរទេសគ្រវីក្បាលដកដង្ហើមធំ ។ បើមានឱកាស សូមកុំភ្លេចទស្សនារឿងនេះ ។

រូប និងគំនូរ

រូបថ្លុករបស់ស៊ីណា “រំលែកទុក្ខចំពោះទាហានខ្មែរដែលបានបូជាជីវិត”

ថ្ងៃអង្គារ ទី 8 ខែកុម្ភៈ 2011ថ្ងៃអង្គារ ទី 8 ខែកុម្ភៈ 2011 ទឹម បឿន

	Pich លើ ស្ដាប់ចម្រៀងនៅវេបសាយរបស់ក…
	Uth chakriya លើ អាសយដ្ឋាន មិនមែន អស័យដ្ឋាន ឬ…
	ហាត់រៀនធ្វើកំណាយ (២០… លើ ពុម្ពអក្សរអង្គុលីលេខខ្មែរ ចេ…
	តើពិធីបុណ្យភ្ជុំបិណ្… លើ បុណ្យភ្ជុំបិណ្ឌ
	davy លើ ក្បួនទាយប្រជ្រុយ
	Afe លើ ពុទ្ធចក្រ និង អាណាចក្រ
	Sopheak លើ ចំណាំអក្សរមិនតម្រួត ឬតម្រួ…
	របៀនខ្ញុំ / My Learn… លើ សេចក្ដីភាន់ច្រឡំក្នុងវេយ្យ…
	ហេង លើ សុភាសិត ខែរះឆ្លងផ្លូវ កូនក…
	ហេង លើ ខេត្តខ្មែរដែលបារាំងកាត់ឲ្…

Category: កម្សាន្ត

គ្មានផ្កាឲ្យអូន

លទ្ធផលបាល់ទាត់នៅស៊ីហ្គេម ត្រឹមថ្ងៃ ៩ វិច្ឆិកា

លទ្ធផលបាល់ទាត់នៅស៊ីហ្គេមស៍ ២០១១ មកដល់ថ្ងៃទី ៧ វិច្ឆិកា

ប្រវត្តិបាល់ទាត់កម្ពុជានៅ ស៊ីហ្គេម

ប្ដូរទៅមើលកុនរឿង Captain America

ទៅមើលកុនរឿង អ៊ូសៀ ល្ងាចនេះ

ជួបតារាក្នុងដួងចិត្តរបស់អ្នកក្នុងកម្មវិធី The Red Night

កម្ពុជាទទួលបានមេដាយ ៤១ ពីការប្រកួតតេក្វាន់ដូអាស៊ីអាគ្នេយ៍

កំណាព្យ៖ ទិវាសិទ្ធិស្រី ៨ មីនា

អំពីភាពយន្ត ឃ្លាតទៅ! សែនឆ្ងាយ!

ឃ្លាតទៅ! សែនឆ្ងាយ! (Lost Loves)

រូបថ្លុករបស់ស៊ីណា “រំលែកទុក្ខចំពោះទាហានខ្មែរដែលបានបូជាជីវិត”

ចែក​រំលែក៖

Like this:

ចែក​រំលែក៖

Like this:

ចែក​រំលែក៖

Like this:

ចែក​រំលែក៖

Like this:

ចែក​រំលែក៖

Like this:

ចែក​រំលែក៖

Like this:

ចែក​រំលែក៖

Like this:

ចែក​រំលែក៖

Like this:

ចែក​រំលែក៖

Like this:

ចែក​រំលែក៖

Like this:

ចែក​រំលែក៖

Like this:

ចែក​រំលែក៖

Like this:

ចែករំលែក៖

ចែករំលែក៖

ចែករំលែក៖

ចែករំលែក៖

ចែករំលែក៖

ចែករំលែក៖

ចែករំលែក៖

ចែករំលែក៖

ចែករំលែក៖

ចែករំលែក៖

ចែករំលែក៖

ចែករំលែក៖