ទិញសំបុត្ររថយន្តក្រុងរួច ត្រូវយកទៅកឹប ដើម្បីទទួលបានលុយមួយចំនួនមកវិញ គឺជារឿងដែលខ្ញុំមិនធ្លាប់ដឹង ។
ដោយព្រឹកមិញនេះ ខ្ញុំបានទៅទិញសំបុត្រទៅខែត្រព្រះស៊ីហនុចំនួនពីរ, សំបុត្រមួយថ្លៃ ១៨០០០៛, ខ្ញុំយល់ថាថ្លៃពេកទើបទូរស័ព្ទសួរប្រពន្ធខ្ញុំ ព្រេាះគាត់ពូកែខាងដឹងរឿងថ្លៃទាំងនេាះ ។ ប្រពន្ធខ្ញុំប្រាប់ថាថ្លៃប្រហែល ១៥០០០៛ ខ្ញុំក៏ត្រឡប់ទៅសួរអ្នកលក់សំបុត្រវិញ, អ្នកលក់នេាះនិយាយបែបខ្មេាះៗ ប្រាប់ថា “គេលក់តែថ្លៃប៉ុណ្ណឹង” រួចខ្ញុំសួរម្ដងទៀតទើបគេប្រាប់ថា “មិនទៅកឹប ហើយយកលុយវិញទៅ!” ។ ខ្ញុំស្ទើរហួសចិត្តនឹងសម្ដីរបស់អ្នកលក់សំបុត្រដែរ ប៉ុន្តែចេះតែនៅធ្វើមុខក្រាស់ទៅ ក្រែងបានលុយខ្លះមកវិញ ។ រួចខ្ញុំក៏ទៅកឹបសំបុត្រ គេហុចលុយ ២០០០៛ សម្រាប់សំបុត្រមួយមកវិញ គឺបាន ៤០០០៛ ខ្ញុំក៏ប្រាប់ថា ២០០០៛ ទៀត គេក៏ដកលុយថែមឲ្យ ។ ចុងក្រោយខ្ញុំចំណាយអស់ ១៥០០០៛ សម្រាប់សំបុត្រមួយ ។
ទេាះជាដឹងថាយ៉ាងនេះក៏ដោយ ខ្ញុំនៅតែសង្ស័យ មិនយល់អំពីដំណើរការរបស់គេ… ។
សម្រាប់ខ្មែរ 
នៅស្រុកខ្ញុំ (សហរដ្ឋ) តម្លៃ ជិះម្តង ១ ដុល្លា ៧៥ សេន ។ បើទិញសំរាប់ ១ ខែថោកទៅវិញ ។ បើចេញក្រៅក្រុងគេគិតចម្ងាយទៅវិញ ។ ស្រុកខ្ញុំមិនអាចយកលើសពីការកំណត់បានរ៉េ ។
ស្រុកខ្មែរទាល់តែដឹង ឬទាល់តែឆ្លាត បើមិនឆ្លាត គេកោរមិនសល់សក់ទេ ។
កឹបហ្នឹង សម្រាប់ជាសោហ៊ុយម៉ូតូឌុប (ថ្លៃនាំភ្ញៀវ) ។
ខ្ញុំបើជនបរទេសកោរខ្មែរមិនសូវអីរ៉េ បើខ្មែរកោរខ្មែរគ្នាឯង ស្អបមែនទៀនតាហ្មង !
តាមធម្មតាតម្លៃនេះគឺសម្រាប់ កុម្មុយស្យុង ដល់អ្នករត់ម៉ូតូឌុប
រាល់ដងខ្ញុំជិះទៅបេនឡានមិនដែលអស់លុយទេបង តែពេលទៅដល់ចំណត់អ្នករត់ម៉ូតូឌុបគេតែងតែសុំកន្ទុយសំបុត្រពិខ្ញុំ ហើយយកទៅកឹបដើម្បីទទួលបានលុយមកវិញ
ទាល់តែដឹងចឹង ជិះលើកក្រោយ ខ្ញុំអោយបងជូតទៅ ហើយក៏យកសំបុត្រទៅកឹបយកលុយខ្លួនឯងវិញ ទៅហេហហេ ឆ្លាត! 😀
មិនដែលភ្លេចទេ :D។ ញ៉ុមមិនដឹងថាអាកឹបសំបុត្រគេគិតចម្ងាយផ្លូវឬអត់ទេ តែពេលញ៉ុមទៅកោះកុង ពេលកិបសំបុត្រ គឲ្យ៣០០០មកវិញ បើទៅឧត្តរមានជ័យ គេឲ្យ៥០០០។
ដូចមិនដែលដឹងរឿងកឹបអីគេហ្នឹងទេ ចេញក្បួនខ្នាតស្អីគេទៀតហើយ។ នៅប្រទេសស៊ុយអែតតំលៃសំបុត្រមួយខែ (គេអោយជាកាតរឹងមួយ) ប្រើអាចជិះឡានក្រុង រថភ្លើង មួយខែប្រហែល ១០០ ដុល្លារ ជិះប៉ុន្មានដងជិះទៅអត់អីទេ។
មកវិញ ជិះកាពីតូល អស់តែ ១៣០០០៛ ទេ ។
កឹមនឹងអីគេបង? អត់យល់?
សួស្តីម្ចាសើផ្ទះ ទិញសំបុត្រឡានក្រុមហ៊ុនសុរិយាមែនទេ ? ខ្ញុំក៏ធ្លាប់ជួបបែបហ្នឹងដែរ ពីមុនខ្ញុំជិះតែឡានរបស់ក្រុមហ៊ុននេះទេ តែក្រោយមកក៏ប្តូរទៅក្រុមហ៊ុនផ្សេង ព្រោះបុគ្គលិកក្រុមហ៊ុនសុរិយា ប៉ះច្រើននាក់ហើយគឺសម្តីអាក្រក់ណាស់ ។ ពេលទៅទិញប្រាប់គេថា ទិញឲ្យគេ យើងឲ្យថ្លៃពេញតាមតែតម្លៃក្នុងសំបុត្រ ក្រោយមកទើបគេដកថ្លៃកុំម្យុងឲ្យយើងវិញ ។ តែបើប្រាប់គេថាទិញខ្លួនឯងគិតម្លៃមួយផ្សេងទៀត ។
Long: កឹប គឺយកសំបុត្រឲ្យគេចេាះ ។
Somada: អរគុណដែលបានជួយប្រាប់ ។