ម៉ៃក្រូសូហ្វថ៍បានចេញ Internet Explorer 9 ដែលបានអភិវឌ្ឍរយៈពេលជិតពីរឆ្នាំកន្លងមក ។ IE 9 ជាជំហានឆ្ពោះទៅមុខធំមួយរបស់ម៉ៃក្រូសូហ្វថ៍ ដែលគាំទ្រស្ដង់ដារវែបចាំបាច់ជាច្រើន មានដំណើរការប្រសើរជាងមុន និង បង្កើនល្បឿនដល់ផ្នែករឹងកុំព្យូទ័រចំពោះកាតរូបដែលមានល្បឿនលឿននៅលើកុំព្យូទ័រ ។
ដើម្បីទាញយក IE 9 សូមចូលទៅវែបសាយ Microsoft ដែលដំណើរការតែជាមួយ Windows 7 និង Windows Vista ប៉ុណ្ណោះ ។
អ្វីដែលប្លែកច្រើននៅលើ IE 9 គឺការផ្លាស់ប្ដូរទ្រង់ទ្រាយថ្មី ។ មឺនុយ រូបតំណាងផ្សេងៗ និង ឧបករណ៍ដែលនៅរបារខាងលើរបស់ IE 8 ត្រូវបានដកចេញ ។ ដាក់កន្លែងវាយអាសយដ្ឋានវែបសាយ និង កន្លែងវាយពាក្យស្វែងរកបញ្ចូលគ្នាតែមួយ ហើយរូបតំណាងមឺនុយមួយដើម្បីចូលប្រើមឺនុយចាស់ៗពីមុន ដែលមើលទៅស្រដៀងគ្នានឹង Chrome របស់ Google ។
អ្វីដែលគេយល់ថាពិសេស គឺ IE 9 គាំទ្រស្ដង់ដារវែបថ្មីៗច្រើនជាងមុន ។ ថ្វីដ្បិតវាមិនទាន់ល្អខ្លាំង ហើយស្ថិតនៅក្រោយ Firefox និង Chrome ប៉ុន្តែវាប្រសើរជាង IE 8 ។ តាមការធ្វើតេស្ដិ៍នៅវែបសាយ HTML5test ឃើញថា IE 9 ទទួលបានពិន្ទុ ១៣០/៤០០ ដែល IE 8 បានតែ ៣២/៤០០ ខណៈ Firefox 4.0 RC1 បានពិន្ទុ ២៤០/៤០០ និង Chrome 10 បាន ២៨៨/៤០០ ។
ការចេញ IE 9 ជាដំណឹងល្អសម្រាប់អ្នកគ្មានជម្រើស ដូចជានៅលើកុំព្យូទ័រធ្វើការ ដែលគួរដំឡើងពី IE 8 មក IE 9 ប៉ុន្តែសម្រាប់អ្នកអភិវឌ្ឍវែបសាយ វាគ្រាន់តែជាជំហានមួយប៉ុណ្ណោះ ។
សម្រាប់ខ្មែរ 
ខ្ញុំនៅតែពេញចិត្តចំពោះ Mozilla ជានិច្ច! ហើយដូចជាមិនសូវចូលចិត្តប្រើ IE សោះ
Firefox ជាកម្មវិធីដែលខ្ញុំចូលចិត្តជាងគេដែរ ជាពិសេស Firefox 4.0 ។
ម្សិលមិញឃើញបឿនប្រើអា Firefox 4 ដូចជាចង់ប្រើវាដែរ
ញ៉ុមចូលចិត្ត Chrome ជាងគេ!
Safari ស្រួលអាយូស !
ស្មានតែល្អជាងFirefox or chrome! សរុបទៅនៅអន់ដដែល!
ហាស ហាស សម័យអាលូវអត់មានអ្នកប្រើ Internet Explorer រ៉េ នៅស្រុកខ្ញុំនោះ មានដែរ មានតែ អ៊ុំៗ ចាស់ៗ នៅ Nursing Home 😀
ចេះថាខ្ញុំនៅប្រើតែរហូត IE 6 រហូត ដល់ ៩
មានតែ Firefox ទេដែលល្អជាងគេ។ ខ្ញុំប្រើតែMozilla រហូតមក ព្រោះស្រួលប្រើជាងIE ឆ្ងាយណាស់។
http://samples.msdn.microsoft.com/ietestcenter/
http://ie.microsoft.com/testdrive/Benchmarks/SunSpider/Default.html
http://ie.microsoft.com/testdrive/Benchmarks/Acid3/Default.html
http://ie.microsoft.com/testdrive/Benchmarks/CSS3Info/Default.html
Benchmark របស់ IE9 ។ វាមិនចាញ់ Chrome ឫ Firfox ទេ ។
firefox 4វាអត់ទទួលកម្មវិធីបន្ថែមដូចជាIDMអីចឹងហើយបានជខ្ញុំមិនសូវចូលចិត្ត តែបើversoin 3.6ខ្ញុំចូលចិត្តព្រោះវាទទួលកម្មវិធីបានច្រើន។
តែបើនិយាយទៅIE9 វាមានលក្ខណពិសេសច្រើនណាស់
សុផា៖ វាស្ថិតក្នុង RC1 ដូច្នេះកម្មវិធីបន្ថែមមួយចំនួននៅពុំទាន់ដំណើរការនៅឡើយ ប៉ុន្តែវានឹងដើរក្នុងពេលដ៏ខ្លីខាងមុខ ។