ស័ក គឺការរាប់ឆ្នាំចាប់ពីស័កទី ១ ដល់ស័កទី ១០ ដែលខ្មែរយើងប្រើសម្រាប់រាប់ស័ករបស់ឆ្នាំ ដូចជា ឆ្នាំជូត សំរិទ្ធិស័ក ជាដើម ។ ស័កនេះ បើរាប់ពីស័កទី ១ ទៅ គឺរាប់ថា ឯកស័ក, ទោស័ក, ត្រីស័ក, ចត្វាស័ក, បញ្ចស័ក, ឆស័ក, សប្តស័ក, អដ្ឋស័ក, នព្វស័ក, សំរឹទ្ធិស័ក ។
ឆ្នាំ ខាលនេះ ស្ថិតក្នុងស័កទី ២ គឺ ទោស័ក បើឆ្នាំបន្ទាប់ទៀត គឺរាប់ថា ឆ្នាំថោះ ត្រីស័ក ហើយរាប់រៀងរហូតដល់ សំរឹទ្ធិស័ក គឺក្នុងឆ្នាំច ព.ស. ២៥៦២ និង គ.ស. ២០១៩-២០២០ ។ ឆ្នាំបន្ទាប់ពីនោះមក ចូលដល់ឆ្នាំកុរ គេចាប់រាប់ពីស័កទី ១ មកវិញ គឺឆ្នាំកុរ ឯកស័ក ព.ស. ២៥៦៣ ។
អត្ថបទខ្លីនេះ សង្ឃឹមថា លោកអ្នកនឹងបានស្គាល់អំពីការរាប់ស័កឆ្នាំរបស់ខ្មែរ ។ សូមមើលពាក្យនេះបន្ថែមនៅក្នុងវចនានុក្រមសម្ដេចព្រះសង្ឃរាជ ជួន ណាត ។
———-
ថ្ងៃទី ១ រោច ខែ បុស្ស ព.ស. ២៥៥៤ ឆ្នាំ ខាលទោស័ក
សម្រាប់ខ្មែរ 
អរគុណបានចែករំលែក។
អូ៎ មិញ ខ្ញុំស្មានតែឋានន្តរស័ក្ក
ហេហេ សរសេរខុសគ្នា
អរគុណ!
បាទ!
សុំសួរបន្តិចបានទេ តើអ្នកនៅស្រុកខ្មែរនៅអាចមើលឃើញគេហទំព័រ Blogspot ដែររឺអត់? ខ្ញុំលឺថារដ្ឋាភិបាលបានបិទមិនអោយមើលឃើញ Blogspot។ បើសិនជាចឹងមែន ប្លុករបស់ខ្ញុំប្រហែលជាមិនអាចមើលឃើញ ទៀតទេនៅស្រុកខ្មែរ។ បើខឹងKI-Media ម៉េចក៏ចាំបាច់បិទគ្រប់ប្លុកទាំងអស់។
ខ្ញុំស្ដាប់ព័តមាននេះតាមវិទ្យុបារាំងអន្ដរជាតិ។
មើលឃើញ
ថ្ងៃនេះ មើលឃើញវិញហើយ
បងប្អូនវឺតប្រេសភ័យអោយហើយទៅ បន្តិចទៀតKI-Media ប្ដូរទៅwordpress ម្ដង នឹងត្រូវគេបិទទៀតជាមិនខាន។ Facebook ក៏ចឹងដែរ។ ត្រីមួយកន្រ្តក ស្អុយមួយស្អុយទាំងអស់។
ចៅបឿន ! តាស៊ីក្លូសុំសួរមួរមួយម៉ោ ! ចុល្លសក័រាជហ្នឹងគេរាប់ពីអីវិញ?
ហើយស្អីទៅចុល្លសក័រាជហ្នឹង? ប្រាប់តាស៊ីក្លូបន្តិចមើល ចាំតាមឲ្យរង្វាន់
ចាយស៊ាងអ៊ី នឹងអង្គុញគីង្គក់ម៉ាដប គ្រាន់ផក់កាត់សាញ 🙂
ចុល្លសករាជ ជាការរាប់ឆ្នាំតរៀងមកចាប់ពី ព.ស. ១១៨៣ ។
នៅខ្មែរយើង ប្រើសករាជបួន មាន ពុទ្ធសករាជ, គ្រិស្តសករាជ, មហាសករាជ និង ចុល្លសករាជ ។
ពុទ្ធសករាជ រាប់ចាប់ពីថ្ងៃដែលព្រះពុទ្ធចូលបរិនិព្វានរៀងមក ។ គ្រិស្ដសករាជរាប់ពីពេលដែលព្រះយេស៊ូកើត គឺក្នុង ព.ស. ៥៤៣ ។ មហាសករាជ (យោងតាមវចនានុក្រមសម្ដេចជួនណាត) កើតឡើងអំពីជនមួយពួក គឺពួក តាត៌ នៅតំបន់ភាគពាយព្យនៃប្រទេសឥណ្ឌាកាលពី ព.ស. ៦២១ តែក្នុងពង្សាវតារខ្មែរថា ព្រះបាទព្រះអរិដ្ឋពលពាហនោ (ព្រះកេតុមាលា) បានតាំងមហាសករាជ ១ ក្នុង ព.ស. ៦២១ ។ ចំណែកចុល្លសករាជ បានតាំងរាប់ដោយព្រះបាទសុរិយវង្សក្នុង ព.ស. ១១៨៣ ។
បកស្រាយបានល្អណាស់ចៅបឿន ! តាស៊ីក្លូអរគុណច្រើនហើយដែល
បានពន្យល់ក្បោះក្បាយ ធ្វើឲ្យតាស៊ីក្លូឈប់ឆ្ងល់ទៀត។ ម៉ោយករង្វាន់ពី
តាស៊ីក្លូមក…..ចាយស៊ាងអ៊ី ម៉ាដប នឹងសាច់ក្លែមមានក្រញ៉ាំជើងថូមី
តិរិច្ឆានមួយដុំ….
ផឹកទាល់តែថ្លើមតូចអស់ ឥឡូវឈប់ផឹកហើយ ហាហា
ឈប់ផឹកមិនមែនមកពីខ្លាចថ្លើមកាន់តែតូចទេ ប្រហែលជាខ្លាចស៊ីពីរពិល
ច្រើនជាង ហាហាហាហាហាហ មែនទេចៅបឿន?
ហេហេហេ មិនហ៊ានអញ្យាយទេ 😀