ថ្មីៗនេះ ខ្ញុំឃើញមានការប្រើប្រាស់ពាក្យ “ញ៉ុម” ជំនួស “ខ្ញុំ” ច្រើននៅតាមប្លក ហ្វេសប៊ុក និងមានប្រើក្នុងរឿងភាគដែលនិយាយសំឡេងផ្ទាល់ផងដែរ ។ ឃើញថាយើងសប្បាយចិត្តប្រើពាក្យ ញ៉ុម ច្រើនជាងពាក្យ ខ្ញុំ ។ នេះជាការបារម្ភដែរ បើយើងនាំគ្នាបំភ្លេចពាក្យ ខ្ញុំចោល ហើយប្រើពាក្យ ញ៉ុមជំនួសវិញដូច្នេះ ។
ពាក្យ ញ៉ុម នេះបើតាមសម្គាល់ ច្រើនតែក្មេងៗដែលនិយាយមិនទាន់ច្បាស់ ឬអ្នកដែលនិយាយគល់អណ្ដាតប្រើ ។ វាមិនមែនជារឿងធំដុំ ធ្ងន់ធ្ងរអីទេ ប៉ុន្តែយើងគួរតែកែវាពីឥឡូវទៅ ដើម្បីកុំឱ្យខុសទៅថ្ងៃក្រោយ ។
សម្រាប់ខ្មែរ 
ពាក្យគេបង្កើតថ្មី 😀
ដូចពាក្យ ប្អូន អ៊ីចឹង ក្រោយមកបង្កើតពាក្យ អូន, អាក្អូន,.. ថែមទៀត។ គ្មានទៅឃើញមានបញ្ហាស្អីផង។
ញ៉ុម…អាស់ចាលំ 😀 ខ្ញុំក៏គិតដូចបងដែរយើងគួរតែកែបន្តិចម្តងៗទៅ !!!
បឿនមានពេលទំនេរច្រើនពេកហើយ! 😀 ទុកអោយគេសសេរស្រេចតែពួកគេចុះ ខ្ញុំថាពួកគេគ្រាន់តែលេងសើចតែប៉ុណ្ណឹងឯង ខ្ញុំមិនជឿរថាពួកគេ មិនដឹងនោះរ៉េ តែការយកចិត្តទុកដាក់នឹងភាសា ខ្លួនជាការ សំខាន់ម្យ៉ាងដែរ ! តែទោះជាយ៉ាងណាក៏ពួកគាត់សសេរជាភាសា ខ្មែរ ដែរ ចៃណា មិន សសេរ I ឬ You ឯង ។ បើ ប្រើ You ហើយ ចាំមានឯងអីទៀត ? 😀
ខ្ញុំគិតថាគ្មានបញ្ហាស្អីទេ។ ការសរសេរជាផ្លូវការក៏គេមិនសរសេរ ញ៉ុមស្អីនេះដែរទេ ភាគច្រើនគឺសរសេរបែបលេងៗនឹងឯង មានពាក្យច្រើនគគោកពេកណាស់ដែលដើរតាមគន្លងនេះ ហើយខ្ញុំក៏មិនជឿថា យូរៗទៅយកពាក្យ ញ៉ុមមកជំនួសបានទេ
ខ្ញុំ ឬ ញុមគិតដូចបងសុភ័ក្រនិងបងស្វាដែរ ព្រោះតាមឆាតនិយាយញុមវាសាមញ្ញដូចគ្រាមភាសាដែលយើងប្រើប្រចាំងៃ។ តែការប្រើប្រាស់ជាផ្លូវការដូចជា លិខិតស្នាមអីផ្សេងៗ មិនអាចសរសេរចឹងបានទេ ប្រយ័ត្នគេសើចងាប់ !
វាមានតែឆ្អីបង ខ្ញុំប្រើពាក្យខ្ញុំច្រើនជាងញ៉ុម តែវាមិនអីទេព្រោះវាមិនប៉ះពាល់ទេ!
ខ្ញុំរំឭកៗទៅ ។ ហើយបើតាមស្ដាប់ទៅ ពាក្យ ញ៉ុម ដូចមិនពីរោះអីប៉ុន្មានទេ និយាយដូចរបៀបមនុស្សខ្លាច ស្ទាក់ស្ទើរ (ជាការយល់ឃើញរបស់ខ្ញុំ) ។
ភាពស្និទ្ធស្នាលស្ថិតនៅលើការ និយាយ និង សរសេរ ខ្ញុំគិតថា បើប្រើ ពាក្យ ញ៉ុម ធ្វើអោតជិតដិតជាង ចឹងខ្ញុំសុខចិត្តប្រើហើយ តែបែបផ្លូវការ នោះប្រើតាមរបៀបត្រឹមត្រូវវិញ។
ខ្ញុំយល់ស្របគំនិតបងបឿន វាពិតជាដូចបងៗនិយាយខាងលើមែន វាមិនមែនជាបញ្ហាអីធំដំទេ តែបើយើងអាចជៀសវាងបានក៏ល្អម្យ៉ាងដែរ ព្រោះខ្លាចវាក្លាយទៅជាទម្លាប់…គឹមិនល្អទេ ហើយណាមួយខ្លាចបង ជនបរទេសណាកំពុងតែខំរៀនភាសាខ្មែរផង ក្រែងពេលឃើញទៅ គាត់បែកអំពិលអំពែក…។ នេះគ្រាន់ទេជាការយល់ឃើញរបស់ខ្ញុំទេ បើមានការខុសលើសលួសយ៉ាងណា សូមបងៗអភ័យទោសផង…
សូមជូនពរបងៗអោយមានសុខភាពល្អ…!!!
ចំពោះខ្ញុំវិញវាគ្រាន់តែការសរសេរលេងប៉ុណ្ណោះវាមិនជាបញ្ហាទៅថ្ងៃក្រោយទេ។ ព្រោះថានៅសាលាគេស្គាល់ពាក្យខ្ញុំតាំងពីថ្នាក់ទីមួយមកម្លេះ ហើយបើគេអានសៀវភៅផ្សេងៗក៏មានពាក្យខ្ញុំច្រើនដែរ សូមកុំបារម្ភអី នេះគ្រាន់តែជាក្រៀមភាសារបស់ខ្មែរយើងដែលគេយកមកសរសេរកំប្លែងលេងប៉ុណ្ណោះ។
ខ្ញុំគិតថា បើសិនជាទំលាប់សរសេរ ខ្ញុំ អោយរហូតទៅល្អម្យ៉ាងដែរ ព្រោះវា
អាចធ្វើអោយយើងធ្លាប់ដៃផង(ទម្លាប់ល្អ) ការនិយាយញ៉ុមមិនជាអីទេ ព្រោះ ជាភាសានិយាយ តែកុំទម្លាប់សរសេរញ៉ុម ព្រោះស្ដាប់ទៅ ដូចកូនក្មេង ទើប តែចេះនិយាយខ្មែរតិចៗ សុំទោសមិនមែនរិះគន់ទេ។ ខ្ញុំចូលអានប្លុកខ្មែរ យើងសរសេរតាមអិនធឺណែតរាល់ថ្ងៃ តែភាគច្រើន ឃើញសរសេរខុសច្រើន ខ្ញុំគិត ថាគួរទម្លាប់សរសេរអោយត្រូវ អាចកើត ការធ្លាប់ដៃល្អដែរ។
ខ្ញុំគាំទ្រ វាន់កូវ័រ ។
បើជៀសបាន ភាសានិយាយ មិនអាចយកមកប្រើក្នុងភាសាសរសេរបានទេ។ គង់មានអ្នកអានខ្លះ មិនដឹងខ្យល់អីយកពាក្យខុសទៅប្រើក្នុងអត្ថបទសិក្សា អត្ថបទខារ៉ាអូខេ ឬ ក៏ផ្ទាំងផ្សាយពាណិជ្ជកម្មធំៗមើលទៅគួរឱយខ្មាសបរទេសណាស់។
ឧទាហរណ៍៖ បើគេមានពាក្យថា «ម៉ូយថៃ» ហើយ យើងបង្ខំដាក់ថា «គុនខ្មែរ» វិញ វាហាក់ដូចជាគ្មានអ្វី អស្ចារ្យទេ ព្រោះយើងមានពាក្យថា «ប្រដាល់សេរី» ហើយ តែនាំគ្នាបោះបង់ចោល។ «ប្រាសាទព្រះវិហារ» មិនគ្រប់គ្រាន់ទេ ទាល់តែថែមពាក្យ «ខ្មែរ» មួយម៉ាត់ទៀត ប្រហែលកុំឱយច្រលំនឹង «ប្រាសាទព្រះវិហារថៃ» ទេដឹង។ «ប្រាសាទព្រះវិហារខ្មែរ មោទនៈភាពជាតិ» ខ្ញុំឃើញឃ្លានេះ នៅលើ បដាមួយផ្ទាំងធំតាំងពីឆ្នាំមុន ត្រង់ផ្លូវបំបែកជិតដល់ប៉ុស្តិលេខបី និងនៅលើអាវយឺតមួយចំនួន។
យើងគួរត្រួតពិនិត្យឱយបានម៉ត់ចត់ជាងមុនបន្តិច ទាំងអក្ខរាវិរុទ្ធ វេយ្យាករណ៍ និង ខ្លឹមសារ។ ម៉្យាងទៀត សូមជួយកែសំរួលគ្នាដោយសុទ្ធចិត្ត ជាជាងបន្តុះបង្អាប់ ឬ ជាន់ពន្លិច។
វិរៈនិយាយនោះអត់ខុសទេ មូលហេតុគឺថៃវាប្រាប់បរទេសស្ទើរគ្រប់គ្នាដែលមកស្រុកវាថាប្រាសាទហ្នឹងជារបស់គេ ដូច្នេះដែលខ្មែរដាក់បែបនេះ គឺដើម្បីក្រើនរំឭកដល់ជនជាតិខ្មែរខ្លះដែលគាត់មាននិន្នាការមិនច្បាស់លាស់ មិនដឹងពីប្រវត្តិពិតប្រាកដដែលខ្លួនមាន ព្រមទាំងប្រាប់បរទេសថាវាជារបស់ខ្មែរទេកុំច្រឡំទៀត ។ មានជនជាតិញូហ្ស៊ីឡែនមួយក្រុម (៣នាក់) បានប្រាប់ខ្ញុំពីរឿងនេះថាកាលគាត់នៅថៃគេប្រាប់គាត់ចឹង ដល់មកដល់ខ្មែរមានដូចគេប្រាប់ឯណា វាផ្សេង ។ គាត់បន្ថែមថា គាត់ស្មានថាអង្គរវត្តហ្នឹងនៅវៀតណាម ហើយខ្មែរ(កម្ពុជា) ជាខេត្តមួយរបស់វៀតណាមតើ ទើបពេលដល់វៀតណាមបានដឹងការពិត ។ សរុបមកមិនមានបញ្ហាដែលដាក់បែបនោះទេ គឺវាប្រសើរសម្រាប់ជាតិខ្លួនទៅវិញទេ ។ តែពាក្យដែលបឿនលើកឡើងហ្នឹងវាល្អហើយខ្ញុំគាំទ្រ ព្រោះខ្លាចអ្នកសរសេរមួយចំនួនគាត់យកភាសានិយាយទៅសរសេរដូច “វែងហ្ម៎ង” អីហ្នឹង ថ្ងៃ ថា ង៉ៃ ជាដើម ។
គ្រាន់តែពាក្យ ញ៉ុម និង ខ្ញុំមួយម៉ាត់អីក៏តាបែរវាល់ល្ងាចយ៉ាងនេះ?
ថ្ងៃនេះមានអារម្មណ៍ល្អយ៉ាងណា ក៏ធ្វើឲ្យខូចអស់ដែរ។
ចង់និយាយថាកុំឲ្យគេច្រឡំហ្នឹងមែនទេ?
ខ្ញុំ= ភាសានិយាយ និងសរសេរផ្លូវការ = មានអំនាច រឹងប៉ឹង មិនរណប
ញ៉ុម = ភាសានិយាយបែបមិនផ្លូការ = ទន់ជ្រាយ មានភាពស្និទ្ធស្នាល ស្ទាក់ស្ទើរ
ពូបឿនដូចជាប្រកាន់ជ្រុលពេកហើយ!!
តាមខ្ញុំយល់ឃើញ គឺគ្មានអ្វីត្រូវបារម្មណ៍ទេ ណាស់តែអ្នកដែលមានឥទ្ធិពលដែលគេសរសេរនោះទេ បានត្រូវបារម្មណ៍នោះ ក្មេងក្មាងកូនក្អុកដូចជាពួកខ្ញុំនេះ ដឹងច្បាស់ណាស់!! គ្រូវប្រាប់តាំងពីថ្នាក់ទីមួយមកម៉្លេះ!! 😆
ល្អម្យ៉ាងដែរតើ បើខ្មែរចេះបង្កើតពាក្យថ្មីៗយកមកប្រើណា…
ខ្មែរយើងងាយនិយាយងាយប្រើទៀតផងមែនទេបាទ?
កុំតែអាងអីយកពាក្យបាលីសំស្ក្រឹក អង់គ្លេស បារាំង ចិន យួន
សៀម កូរ៉េ ជប៉ុន… មកប្រើនោះ វាមិនងាយស្រួលនិយាយ
អីបន្តិចផងហ្នឹង…
ញ៉ុម មិនមែនពាក្យថ្មីទេ ពេលនិយាយញ៉ុមចឹងដូចអ្នកក្ងិតច្រមុះនិយាយ ហាហា ។ បើគិតថា ញ៉ុម ជាពាក្យថ្មី ចឹងកែ ស្រី ទៅច្រី ប្រុស ទៅផុស ស្រែ ទៅ ច្រែ ស្រុកទៅច្រុកអស់ទៅ ។ល។និង។ល។ ហើយនាំគ្នាថា អូខ្ញុំបង្កើតពាក្យ ថ្មីបានហើយ។ ជួយនាំគ្នាគិតឡើងវិញមុននឹងគិតថា ទាំងនោះជាពាក្យថ្មី។ មួយវិញទៀត ការខ្ចីពាក្យគេមកប្រើមិនថាប្រទេសខ្មែរទេ ប្រទេសណាក៍វាមានដែរ។
តាមពិតខ្ញុំ(ញ៉ុម) ធ្លាប់បានសរសេររួចខ្លះហើយមែនហេហ? មានអ្នកមិនតិចរ៉េ បាននិយាយរិះគន់ពីការសរសេរតាមការនិយាយ, ខ្ញុំក៏បានបរិយាយទៅគាត់ថា ការសរសេរតាមនិយាយ គឺគ្រាន់តែជាការកំសាន្ត ឬ សរសេរដើម្បីអោយមានភាពជិតស្និទ្ធតែប៉ុណ្ណោះឯង, ប្រកាសណាដែលនិយាយពីអក្សរសាស្រ្ត ប្រវត្តិសាស្រ្ត ក្រុម Clogger នឹងប្រឹងប្រែងសរសេរអោយត្រឹមត្រូវតាមអក្ខរាវិរុទ្ធបំផុត! អរគុណសម្រាប់ប្រកាស១នេះ!
មិនចំពោះតែពាក្យថា ញុំនេះឡើយ។ ជួនកាលខ្ញុំសរសេរពាក្យផ្លូវការខុសដោយសារតែខ្ញុំធ្លាប់ដៃសរសេរបែបនិយាយ។
តាមពិតវាមានលក្ខណពិសេសរៀងៗខ្លួន។
ភាសារសរសេ គឺភាសារផ្លូវការ វាមិនបានបង្ហាញពីអារម្មណ៍ពិតរបស់អ្នកសរសេរឡើយ។
ភាសារនិយាយយកមកសរសេរ គឺអ្នកសរសេរអាចបង្ហាញពីអារម្មណ៍ពិតរបស់ខ្លួនដល់មិត្តអ្នកអាន។
ភាសាខ្មែរយើងថែរក្សាជានិច្ចមិនបំភ្លេចអត្តសញ្ញាណឫអក្សរដើមទេ!!!ពាក្យ
ញ៉ុមគ្រាន់តែជំនួសពេលដែលយើងជជែកក្រៅផ្លូវការប៉ុណ្ណោះ!!
បឿន សុំសួរតិច ! ម៉េចបានមាន “Khmer Blog” ចូលទៅនៅជាមួយ ប្លក់ខ្ញុំចឹង ? ប្លក់នេះ ខ្លាចក្រែងលោកគ្រូវិចិត្រគាត់ ជាអ្នកបង្កើត ! ហេតុអីបានជាចូលមកនៅជាមួយប្លក់ខ្ញុំចឹង ? ឆ្ងល់ដល់ហើយ !?
https://dyna848.wordpress.com/2010/11/03/%E1%9E%96%E1%9E%B6%E1%9E%80%E1%9F%92%E1%9E%99-%E1%9E%89%E1%9F%89%E1%9E%BB%E1%9E%98-%E1%9E%87%E1%9F%86%E1%9E%93%E1%9E%BD%E1%9E%9F%E1%9E%96%E1%9E%B6%E1%9E%80%E1%9F%92%E1%9E%99-%E1%9E%81%E1%9F%92/