បារម្ភ​ចំពោះ​​ការចេញ​វចនានុក្រម​ខ្មែរ​ថ្មី​ក្នុង​ពេល​ខាង​មុខ


ខ្មែរ​កំពុង​រៀបចំ​ធ្វើ​វចនានុក្រម​ថ្មី​​​ដើម្បី​ឱ្យ​មាន​ឯកភាព​​ចំពោះ​ការប្រើប្រាស់​ភាសា ។ នេះ​ជា​​ដំណឹង​ល្អ​សម្រាប់​ភាសា​ខ្មែរ ប៉ុន្តែ​ខ្ញុំ​មាន​ការបារម្ភ​យ៉ាងខ្លាំង​ ចំពោះ​លទ្ធផល​នៃ​វចនានុក្រម​នេះ មិន​ដឹង​ថា​នឹង​អាច​ផ្លាស់ប្ដូរ​ភាសា​ខ្មែរ​ទៅ​រក​ភាព​ល្អ ឬ​ទៅ​ជា​អ្វី​ផ្សេង ។

បញ្ហា​ចម្បង​ចំពោះ​ភាសា​ខ្មែរ​ក្នុង​ពេល​បច្ចុប្បន្ន​នេះ គឺ​ការសរសេរ​ព្យាង្គ​តម្រួត និង​ព្យាង្គ​រាយ ការរើសអើង​អក្សរ ណ ឡ និង​ពពួក​ស្រៈ​ពេញតួ ។ ដោយសារ​ក្បួន​របស់​លោក កេង វ៉ាន់សាក់ បាន​និយម​ប្រើ​ច្រើន​ក្នុង​​ប៉ុន្មាន​ទសវត្ស​ចុងក្រោយ​នេះ ពាក្យ​ព្យាង្គ​តម្រួត​បាន​ប្ដូរ​មក​ជា​ព្យាង្គ​រាយ​វិញ ។ ប៉ុន្តែ​ថ្មីៗ​នេះ រដ្ឋាភិបាល​បាន​ប្រកាស​ឱ្យ​យក​ការសរសេរ​តាម​វចនានុក្រម​របស់​សម្ដេច​ជួន ណាត​វិញ ធ្វើ​ឱ្យ​អ្នក​ដែល​ធ្លាប់​សរសេរ​ព្យាង្គ​រាយ មិន​ទម្លាប់​បាន​ភ្លាមៗ ប៉ុន្តែ​ក៏​មាន​ការកែប្រែ​ច្រើន​ដែរ ។

សំណួរ​ថា​​តើ​ត្រូវ​ធ្វើ​យ៉ាង​ណា ដើម្បី​ឱ្យ​ឯកភាព​នោះ ​ជា​សំណួរ​​ដែល​ពិបាក​ឆ្លើយ ប៉ុន្តែ​​ខាង​ក្រុម​ភាសា​ជាតិ​បាន​សម្រេច​យក​ការបោះឆ្នោត​ខ្នាត​ធំ គឺ​ចុះ​ទៅ​​តាម​សាលា​ចាប់ពី​ថ្នាក់​ទី​១ រហូត​ដល់​អ្នក​រៀន​មហាវិទ្យាល័យ ហើយ​យក​សំឡេង​ភាគ​ច្រើន ។ តើ​ការបោះឆ្នោត​ដូច្នេះ​អាច​នាំ​ឱ្យ​មាន​ឯកភាព​ឬ​ទេ? នេះ​ជា​ក្ដី​បារម្ភ​របស់​ខ្ញុំ ។

ខ្ញុំ​គិត​ថា មិន​គួរ​ចំណាយ​ពេល​​ចំពោះ​ការ​បោះឆ្នោត​នៅ​តាម​សាលា​ពី​ថ្នាក់​ទី​១ មក​​ទេ ជា​ការ​ខាតបង់​នូវ​ពេល​វេលា និង​ថវិកា​ច្រើន ដែល​មិន​ប្រាកដ​ថា​នឹង​ទទួល​បាន​លទ្ធផល​ល្អ ។ ដោយសារ​គ្រូ​បង្រៀន​ភាគ​ច្រើន​សរសេរ​​មិន​ត្រឹមត្រូវ​តាម​អក្ខរាវិរុទ្ធ សិស្ស​មិន​សូវ​មាន​ចំណេះដឹង​ខាង​ភាសា​ខ្មែរ​ច្បាស់លាស់ ។ គោលដៅ​ដែល​ត្រូវ​បោះឆ្នោត​នោះ  ភាគ​ច្រើន​​មិន​មែន​ជា​អ្នក​ស្រាវជ្រាវ​ស៊ីជម្រៅ ។ ​ប្រសិន​បើ​យក​លុយ​ត្រៀម​ធ្វើ​គម្រោង​នេះ មក​ចំណាយ​លើ​មនុស្ស​មួយ​ក្រុម​​ដែល​​ស្រាវជ្រាវ​​លើ​ផ្នែក​នេះ ប្រហែល​នឹង​បាន​ផល​ល្អ​ជាង ។

ខ្ញុំ​គ្រាន់តែ​សង្ឃឹម​ថា គណៈកម្មាធិការ​ភាសា​ជាតិ នឹង​អាច​រក​ផ្លូវ​ល្អ​មួយ​សម្រាប់​ជាតិ និង​ប្រជាជន​ខ្មែរ ។

18 thoughts on “បារម្ភ​ចំពោះ​​ការចេញ​វចនានុក្រម​ខ្មែរ​ថ្មី​ក្នុង​ពេល​ខាង​មុខ

  1. khmerbirder ថ្ងៃ​ព្រហស្បតិ៍ ទី 23 ខែកញ្ញា 2010 / 1:03 ល្ងាច

    ការ​បារម្ភ​របស់​បឿន​គឺ​មិន​ខុស​ពី​ខ្ញុំ​ទេ ។ សម្រាប់​ខ្ញុំ​នៅ​មូលដ្ឋាន​ថ្នាក់​ក្រោម​បាន​ឃើញ​ពី​បញ្ហា​នេះ​យ៉ាង​ច្បាស់​ជា​ពិសេស​គឺ​នៅ​ក្នុង​បឋមសិក្សា​ដែល​លោកគ្រូ​អ្នក​គ្រូ​គាត់​ហាក់​មិន​ស៊ី​ជម្រៅ​ពី​រឿង​នេះ​ទេ ។ ប៉ុន្តែ​ពួកគាត់​បាន​ទទួល​យក​ថា​សរសេរ​តាម​វចនានុក្រម​ទើប​ត្រឹមត្រូវ​ តែ​ពេល​គាត់​សរសេរ​វិញ​មិន​ថា​នៅ​ថ្នាក់​ណា​ទេ គាត់​តែងតែ​ភ្លេច​ខ្លួន​ហើយ​បង្កើត​ជា​កំហុស​ដោយ​អចេតនា​ទេ​មើល​ទៅ ។ អ្នក​ខ្លះ​ទៀត​ពេល​វាយ​កុំព្យូទ័រ គាត់​ដឹង​ថា​ការ​ដាក់​វណ្ណយុត្តិ​របស់​គាត់​ហ្នឹង​វា​ខុស តែ​គាត់​ថា​រក​អាត្រូវ​អត់​ឃើញ​ចឹង​ដាក់​អាហ្នឹង​ទៅ នេះ​ជា​កំហុស​ដែល​ដឹង ប៉ុន្តែ​មិន​ព្យាយាម​ដោះស្រាយ​វា​ ។ បើ​តាម​រោងពុម្ព ស្លាកយីហោ​ហាង​វិញ​ លែង​និយាយ​ហើយ ខុស​ស្ទើរ​តែ​៩០​ភាគរយ​ឯណោះ ។ ពួក​អ្នក​បញ្ចូល​ទិន្នន័យ​ហ្នឹង​អត់​យកចិត្ត​ទុកដាក់​ទេ ធ្វើ​ឲ្យ​តែ​ហើយ ។ ឧទាហរណ៍​ដែល​ខ្ញុំ​បាន​ឃើញ​គេ​សរសេរ K-Bit ដល់​ខ្មែរ​គេ​សរសេរ ខេ-បីត ចឹង មិន​ដឹង​ថា​អាន​យ៉ាង​ម៉េច​ឲ្យ​វា​ចេញ​ថា ប៊ីត ទេ មាន​តែ បី-ត​ ចឹង​​តូវ ។ បើ​ក្រសួង​ទេសចរណ៍​វិញ គេ​សរសេរ​ពាក្យ ទេសចរណ៍​នេះ ជាទេសចរណ៏ ដោយ​យក អស្ដា​​មក​ជំនួស​ទណ្ឌឃាត​ មគ្គុទ្ទេសក៍ ជា មគ្គុទ្ទេសក៏ ។ សុំ​ទោស​វា​រាង​ចាក​ប្រធាន​បន្តិច​ហើយ​ ។

  2. pinkpanther007 ថ្ងៃ​ព្រហស្បតិ៍ ទី 23 ខែកញ្ញា 2010 / 2:23 ល្ងាច

    ចុម! ម៉េចបានជាគេចង់ធ្វើចឹងវិញ?​????

  3. វិចិត្រ ថ្ងៃ​ព្រហស្បតិ៍ ទី 23 ខែកញ្ញា 2010 / 3:24 ល្ងាច

    តាម​ដំនឹង​ឡាគេ​ធឺ នៅ​បណ្ឌិត្យសភា ដើម្បី​សំរេច​គោលការណ៍​ណា​មួយ គេ​ឡើងបក​ស្រាយលំៗម្ដង​ម្នាក់ៗ​ រួច​លើក​ដៃ​បោះ​ឆ្នោត។
    ខ្ញុំ​បាន​ស្ដាប់​ការ​បក​ស្រាយ​របស់​ឯកឧត្តម​ចន្ទសំណព្វ ពន្យល់​ពី​រឿង​អក្សរ​ ន អក្សរ​ ណ នេះ តាម​ទូរទស្សន៍ តែ​ការ​បក​ស្រាយ​របស់​គាត់​ដូចជា​មិន​សូវ​រឹង​ម៉ាំ​សោះ។ ហេតុផល​ដែល​គេ​យក​ ណ មកប្រើ ក្នុងពាក្យកំលាយ ដូចជា សំណើ មិន​ប្រើ ន ជា សំនើ គឺ​មាន​តែ កុំ​អោយច្រលំ​ រឺ​ ពិបាក​​អាន​តែប៉ុណ្ណោះ។

  4. khmerbird ថ្ងៃ​ព្រហស្បតិ៍ ទី 23 ខែកញ្ញា 2010 / 3:42 ល្ងាច

    anyone can advice on how to display Khmer unicode correctly in Firefox? I am using windows 7, thanks

  5. ទឹម បឿន ថ្ងៃ​ព្រហស្បតិ៍ ទី 23 ខែកញ្ញា 2010 / 3:55 ល្ងាច

    Khmerbird: Hi khmerbird, nice to see you again. For Windows 7 you need to install Khmer Unicode NiDA for Vista 2.0.0 Beta. Get it from here.

  6. ទឹម បឿន ថ្ងៃ​ព្រហស្បតិ៍ ទី 23 ខែកញ្ញា 2010 / 3:59 ល្ងាច

    វិចិត្រ៖ ខ្ញុំ​មិន​ដែល​ដឹង​ទេ​រឿង​នេះ ប៉ុន្តែ​ស្ដាប់​វាគ្មិន​នៅ​វិទ្យុ ១០២ ថ្ងៃ​មុន​នោះ បកស្រាយ​ភាសា​ខ្មែរ​មិន​ត្រឹមត្រូវ​ទេ ។

  7. boran ថ្ងៃ​ព្រហស្បតិ៍ ទី 23 ខែកញ្ញា 2010 / 4:04 ល្ងាច

    ខ្ញុំយល់ថា ប៉ុន្មានឆ្នាំចុងក្រោយនេះ ខ្មែរយើង​កំពុងតែ​សម្របសម្រួល​ការសរសេរ​ទៅរក​ចំណុចឯកភាពមួយហើយ(គឺតាមវចនានុក្រម​ជួនណាត), អ៊ីចឹងខ្ញុំគិតថា​ការកែប្រែថ្មីនេះ​បើគ្រាន់តែបន្ថែមពាក្យថ្មីៗ នោះវាល្អ តែបើ​គម្រោងនេះ​គ្រាន់តែដើម្បីប្រទាញប្រទង់​ទៅ​រកលំនាំរបស់លោកកេងវ៉ាន់សាក់វិញ នោះ​ខ្ញុំជឿថានឹងមានភាពច្របូកច្របល់​កាន់តែ​ខ្លាំងជាងបច្ចុប្បន្នមិនខាន។ ហើយបើ​បែប​នេះមែន ខ្ញុំគិតថា​អ្នកដែល​រៀបចំថ្មីទាំងនោះ គឺមានចេតនាមិនទទួលយកវចនានុក្រមជួនណាត។

    ទោះជាយ៉ាងណាក៏ដោយ ខ្ញុំនៅតែ​សង្ឃឹម​ថា​ការរៀបចំថ្មីនេះ នឹងធ្វើឲ្យលែងមានភាព​ប្រទាញប្រទង់គ្នា។ បើមិនអ៊ីចឹងទេ មិនចាំបាច់​ធ្វើ​គម្រោងនេះនាំតែអស់លុយ, ទុកលុយបោះពុម្ពវចនានុក្រមចាស់​ចែក​តាម​ស្ថាប័នពាក់ព័ន្ធវិញ ប្រសើរជាង…

  8. ទឹម បឿន ថ្ងៃ​ព្រហស្បតិ៍ ទី 23 ខែកញ្ញា 2010 / 4:11 ល្ងាច

    ខ្ញុំ​គាំទ្រ​យោបល់​របស់​បុរាណ!

  9. khmerbirder ថ្ងៃ​ព្រហស្បតិ៍ ទី 23 ខែកញ្ញា 2010 / 5:52 ល្ងាច

    ទេ តាម​ខ្ញុំ​ដឹង គេ​គ្រាន់តែ​បញ្ចូល​ពាក្យ​ថ្មី​ទៅ​ក្នុង​វចនានុក្រម​ចាស់​ទេ ហើយ​ការ​សរសេរ​ដែល​ធ្លាប់​ឲ្យ​សរសេរ​ពីរ​យ៉ាង​នោះ គេ​នឹង​កំណត់​យក​តែមួយ​វិញ​តាម​ក្បួន​ផ្នត់​ឫស​មិន​មែន​តាម​វិធី​ទំនាញ​សូរ​ទេ ។

  10. ទឹម បឿន ថ្ងៃ​ព្រហស្បតិ៍ ទី 23 ខែកញ្ញា 2010 / 6:01 ល្ងាច

    បើ​អ៊‍ីចឹងល្អ​ហើយ តែ​តាម​ព័ត៌មាន​គេ​ថា​នឹង​ធ្វើ​ការបោះឆ្នោត​សម្រេច ។

  11. khmerbirder ថ្ងៃ​ព្រហស្បតិ៍ ទី 23 ខែកញ្ញា 2010 / 6:06 ល្ងាច

    បើ​ដូច​បឿន​និយាយ​មែន​ នុះ​នឹង​ជា​បញ្ហា​ធំ​មែនទែន​ហើយ ។ អត់​គាំទ្រ​ទេ

  12. និរុត្តិកោ ថ្ងៃ​ព្រហស្បតិ៍ ទី 23 ខែកញ្ញា 2010 / 11:25 ល្ងាច

    សូមព្រួយជាមួយផង។ខ្ញុំគិតថា ការបោះឆ្នោតគួរតែត្រូវធ្វើជាមួយអ្នកចេះ
    ដឹងយល់ភាសាខ្មែរបានហើយ ព្រោះថាអ្នកមិនចេះដឹងភាសាបោះឆ្នោត
    ពីរឿងភាសា អាចដូចការបោះឆ្នោតជ្រើសរើសវត្ថុអច្ឆរិយៈដែលកន្លង
    មកអញ្ចឹង។តាមខ្ញុំយល់ ព្រះសង្ឃមានការយល់ដឹងយ៉ាងច្រើនពីរឿង
    អក្សរខ្មែរ ប្រហែលជាលោកមិនយល់ស្របឡើយ បើសិនមានការកែប្រែ
    ខុសពីច្បាប់ដើមនោះ ហើយអាចនឹងមានការប្រឆាំងថែមទៀតផង។

  13. khmerbirder ថ្ងៃសុក្រ ទី 24 ខែកញ្ញា 2010 / 8:38 ព្រឹក

    មិនមែន​ព្រះសង្ឃ​ទាំងអស់​ទេ ព្រះសង្ឃ​ដែល​បាន​រៀន​ចេះដឹង​តែ​ប៉ុណ្ណោះ ព្រោះ​ព្រះសង្ឃ​ខ្លះ​ ព្រះអង្គ​ក៏​អត់​បាន​ជ្រាប​ពី​រឿង​នេះ​ដែរ ហើយ​ការ​សរសេរ​របស់​ព្រះអង្គ​ក៏​មិន​បាន​គោរព​តាម​ក្បួន​ខ្នាត​ដែរ ។ សុំ​អភ័យទោស ខ្ញុំ​និយាយ​ចំពោះ​តែ​ព្រះសង្ឃ​ដែល​មិនបាន​​សិក្សា​ស៊ី​ជម្រៅ​តែ​ប៉ុណ្ណោះ​ទេ ។

  14. សុផល ថ្ងៃសុក្រ ទី 24 ខែកញ្ញា 2010 / 10:49 ព្រឹក

    សូមចូលរួមយោបល់ផង តាមខ្ញុំដឹងតិចតួច គួរយកតាមវចនានុក្រមសម្ដេច ជូនណាតទៅល្អជាង ព្រោះវចនានុក្រមជូនណាតមានទាក់ទងជាមួយបាលី សំស្ក្រឹតច្រើនជាពិសេសទំនៀមទំលាប់ប្រពៃណីខ្មែរនិងសាសនាជាច្រើន។ បើសិនជាមានការបោះឆ្នោះចឹងមាន សូមមិនគាំទ្រទេ តែបើបញ្ចូលពាក្យថ្មីៗ ហ្នឹងសូមគាំទ្រហើយ។

  15. khmerbirder ថ្ងៃសៅរ៍ ទី 25 ខែកញ្ញា 2010 / 10:11 ព្រឹក

    សួស្ដី​បឿន តើ​​មាន​ដឹង​ពី​កន្លែង​ទាញ​យក​ IDM (internet Download Manager) ពេញ ហើយ​អត់​គិត​ថ្លៃ​ដែរ​ទេ? បើ​ដឹង​ជួយ​ប្រាប់​ផង ព្រោះ​ខ្ញុំ​អត់​មាន​អី​ប្រើ​ទេ ទាញ​យក​បទ​ចម្រៀង​ក៏​អត់​កើត ស្អី​ក៏​អត់ ធ្លាប់​អា​សាកល្បង​លើក​មុន​វា​ស្រួល​ហើយ តែ​ផុត​កំណត់​ទៅ​ក៏​ងាប់​ស្ដូក​ប៉ាដោយ ។

  16. ប៊ុង ថ្ងៃចន្ទ ទី 27 ខែកញ្ញា 2010 / 12:11 ព្រឹក

    សួស្តីប្រិយមិត្តទាងអស់!

    ខ្ញុំមានសំនួរមូយចំពោះប្រេយមេត្តដែលមានបទពិសោធន៏ក្នូងការបំលែងចំរៀង។
    ខ្ញុំមានចំរៀងខ្មែរពិរសៗជាច្រើននៅក្នុងកាសែតហើយខ្ញុំចង់បំលែងវាមកក្នុង
    Computer ជា​ PM3 តែពុំដឺងធ្វើដូចម្តេចទើមវាដំណើរការបាន។
    ខ្ញុំសង្ឃឺមថាប្រិយមិត្តប្រាកដជាជូយចែកជូននូវបទពីសោធន៏មកដល់ខ្ញុំជាពុំខាន។
    សូមជូនពររីករាយបុណ្យភ្ជុំបិណ្យខ្មែរឆ្នាំ២០១០​ និងសូមជំរាបលា
    ពីខ្ញុំ

    ប៊ុង

  17. prakieth ថ្ងៃសុក្រ ទី 1 ខែតុលា 2010 / 2:20 ល្ងាច

    ភាសាខ្មែរគឺជាភាសាមួយដែលពិបាកក្នុងការសរសេរណាស់ព្រោះក្នុងការ
    សរសេរដូចជា ណ នឡ ល គីយើងពិបាកគ្នុងការបញ្ចិញសំឡេញ
    ហើយគ្នុងគារសរសេរនៅលើកុំព្យួទ័រ ក៏មិនចេញសញ្ញា ខុសឲ្យទៀត។

  18. khmerbirder ថ្ងៃអាទិត្យ ទី 3 ខែតុលា 2010 / 2:18 ល្ងាច

    ប្រសិនជា​កុំព្យូទ័រ​អ្នក​ប្រើ​កម្មវិធី​ពិនិត្យ​អក្ខរាវិរុទ្ធ​របស់​វិទ្យាស្ថាន​បើក​ទូលាយ​ដែល​បញ្ចូល​ពាក្យ​នៅ​ក្នុង​វចនានុក្រម​របស់​សម្ដេច​សង្ឃ​ ជួនណាត នោះ​វា​នឹង​កែ​ឲ្យ​សម្រាប់​ពាក្យ​ដែល​សរសេរ​ ។ សូម​ព្យាយាម​ស្វែង​យល់​ពី​ការ​បង្កើត​ពាក្យ​ពឹង​លើ​ឫស​របស់​វា នោះ​វា​អាច​ងាយ​ក្នុង​ការ​សរសេរ​បន្តិច ។

ឆ្លើយ​តប

Fill in your details below or click an icon to log in:

ឡូហ្កូ WordPress.com

អ្នក​កំពុង​បញ្ចេញ​មតិ​ដោយ​ប្រើ​គណនី WordPress.com របស់​អ្នក​។ Log Out / ផ្លាស់ប្តូរ )

រូប Twitter

អ្នក​កំពុង​បញ្ចេញ​មតិ​ដោយ​ប្រើ​គណនី Twitter របស់​អ្នក​។ Log Out / ផ្លាស់ប្តូរ )

រូបថត Facebook

អ្នក​កំពុង​បញ្ចេញ​មតិ​ដោយ​ប្រើ​គណនី Facebook របស់​អ្នក​។ Log Out / ផ្លាស់ប្តូរ )

Google+ photo

អ្នក​កំពុង​បញ្ចេញ​មតិ​ដោយ​ប្រើ​គណនី Google+ របស់​អ្នក​។ Log Out / ផ្លាស់ប្តូរ )

កំពុង​ភ្ជាប់​ទៅ​កាន់ %s