ថ្មីៗនេះ ឃើញគេសរសេរសញ្ញាសម្គាល់លុយរៀលខ្មែរ នៅខាងមុខខ្ទង់លេខរបស់លុយញឹកញាប់ណាស់ ។ ឧទាហរណ៍ នៅប៉ុស្តិ៍ទូរទស្សន៍មួយ ក្នុងកម្មវិធីប្រគល់រង្វាន់របស់ក្រុមហ៊ុនមួយជូនដល់អតិថិជនរបស់គេ គេសរសេរនៅលើស្លាកប្រាប់ពីរង្វាន់ដែលទទួលបាន “៛២០០,០០០” គេសន្មតថា ពីរសែនរៀល ។
បើតាមពិតទៅ ការសរសេររបៀបនេះ មិនត្រឹមត្រូវតាមក្បួនវេយ្យាករណ៍ខ្មែរទេ គួរគប្បីសរសេរសញ្ញាសម្គាល់លុយរៀលនៅខាងក្រោយខ្ទង់លេខវិញ គឺគួរសរសេរ ២០០.០០០ ៛ និងត្រង់កន្លែងក្បៀស ត្រូវដាក់សញ្ញាចុចមួយវិញ បើដាក់ក្បៀសដូចខាងលើ គេមិនអានថា ពីរសែនទេ អានថា ពីររយ ក្បៀស សូន្យ សូន្យ សូន្យ ទើបត្រូវ ដ្បិតសញ្ញាក្បៀសខ្មែរមិនដូចសញ្ញាក្បៀសពួកអឺរ៉ុប ។ បើប្រើសញ្ញាក្បៀស មានន័យថា ក្បៀសលេខខាងក្រោយ ឬកាត់ខ្ទង់លេខនៅខាងក្រោយ ។ ឧទាហរណ័ ១,៥ = មួយកន្លះ ។ ចំពោះសញ្ញាចុចមួយវិញ គេរាប់ខ្ទង់លេខពីស្ដាំមកឆ្វេងចំននួន ៣ ខ្ទង់ (ខ្ទង់ពាន់) ដើម្បីឱ្យងាយស្រួលអាន ។ ពេលខ្លះគេសរសេរមិនមានចំណុចមួយក៏បាន ។
ដូច្នេះសូមឱ្យមានការប្រុងប្រយ័ត្នចំពោះ ការសរសេរសញ្ញាសម្គាល់ប្រាក់រៀល និងការកាត់ខ្ទង់របស់លេខខ្មែរ កុំឱ្យមានខុសតទៅ ទៀត ។
សម្រាប់ខ្មែរ 
រឿងសញ្ញា ៛ ដាក់មុខឬក្រោយ ខ្ញុំគ្មានយោបល់ទេ តែបើនិយាយពីរឿងក្បៀស និង ចុច កាលពីមុខខ្មែរយើងយកតាមបារាំង តែសម័យនេះ អាមេរិកាំងជះឥទ្ធិពលទៅលើប្រទេសខ្មែរជាងបារាំង អ្វីៗក៏ប្រែប្រួលទៅតាមហ្នឹងដែរ។ ខ្ញុំថា រឿងនេះមិនជាធំដុំអីពេកទេ … យើងដើរតាមក្រោយគេ មានតែបត់បែនតាមគេដូច្នោះឯង។
មិនទាន់មានចេញសារណាមួយកំណត់ឱ្យយកប្រើតាមអាមេរិក គួរប្រើតាមបារាំងដដែលដើម្បីកុំឱ្យច្រឡំ ។ អ្នកខ្លះសរសេរ ក្បៀស អ្នកខ្លះចុច អ្នកអានមិនដឹងថាអ្នកសរសេរហ្នឹង ចង់កាត់ខ្ទង់ឱ្យស្រួលអាន ឬចង់កាត់ខ្ទង់រាយ ។
បឿននិយាយម្យ៉ាងដែរ ។ តាមដែលខ្ញុំដឹង គេបានដាក់ស្មើទៅរាជ្យបណ្ឌិត្យសភាកម្ពុជានិងគណៈកម្មការភាសាជាតិឲ្យពិចារណារៀងនេះហើយ ព្រោះវាពិបាកពេក មិនដឹងយកតាមខាងណា អ្នកនិយមបារាំងសរសេរចុចបំបែកខ្ទង់ពាន់ អ្នកនិយមអាមេរិក អង់គ្លេស យកក្បៀសបំបែកខ្ទង់ពាន់ មានពេលខ្លះស្ទាក់ស្ទើរ គេសុខចិត្តសរសេរដោយគ្រាន់តែដកឃ្លាដូច ២ ០០០, ២០ ០០០ អីចឹងទៅ ចំពោះខ្ញុំគ្មានយោបល់ទេ ព្រោះកាលខ្ញុំនៅរៀនឯជំរំ គេប្រើដូចពួកអាមេរិកដែរ ចុចសម្រាប់ទសភាគ ក្បៀសសម្រាប់ខ្ទង់ពាន់ ។
ខ្ញុំគិតថា គេគួរតែដាក់ស្នើឲ្យខ្មែរសរសេរជាបែបអង់គ្លេសវិញ ឈប់ប្រើបែបបារាំងទៅព្រោះវាមិនសូវជាលក្ខណៈអន្តរជាតិ។ បែបអង់គ្លេសបែបអន្តរជាតិជាង។ ធ្វើដូច្នេះទើបធ្វើឲ្យខ្នែរដើរទាន់ពិភពលោក។
អ៊ីចឹងធ្លាប់ហៅថា ពីរក្បៀសប្រាំ (២,៥) ពីរកន្លះ គួរថា ពីរចុចប្រាំ (២.៥) ពីរកន្លះវិញ?
ទស្សនៈអាផ្លយ៖ តាមផ្លយគិត, ការសរសេរយ៉ាងម៉េចក៏បានដែរ អោយតាអានដាច់ តែបើអាចធ្វើទៅបាន គួរសរសេរតាមគំរូចាស់ ព្រោះអ្នកប្រើប្រាស់នូវទទួលឥទ្ធិពលពីបារាំងច្រើននៅឡើយ, គប្បីសរសេរតាមទំរង់ចាស់ ទើបងាយស្រួល ។
ខ្ញុំថាយ៉ាងណាក៏ខ្មែរអូអែសបានដាក់របៀបបារាំងចូលក្នុងកម្មវិធីកុំព្យូទ័របាត់ហើយ ។ ការជជែកគ្នាហ្នឹងនៅអត់ទាន់បានការស្អីទេគឺដូចពួកយើងជជែកគ្នាហ្នឹងឯង រកចំណុចកណ្ដាលអត់ឃើញ អ្នកចាស់ថាឲ្យគាត់តាមក្មេងម៉េចត្រូវព្រោះគាត់កើតមុនប្រើមុនគួរតែក្មេងតាមគាត់បានត្រូវ ដល់ក៏និយាយស្រដៀងគ្នាហ្នឹងដែរ ។ យកល្អសរសេរតាមទម្លាប់ចាស់ទៅ ចាំដល់គេថាម៉េចទៀតចាំដូរក៏វាមិនទាន់ហួសពេលដែរ ។ បើគេមិនពេញចិត្តសរសេរយ៉ាងម៉េចក៏សរសេរទៅតែកុំសរសេរដូចដែលបឿនដាក់ប្រកាសនោះអី ។
ព្រោះតែសញ្ញាក្បៀសនិងចុចនេះហើយ មានការប្រកែកគ្នាយ៉ាងតឹងសរសៃកជាច្រើនដងមកហើយដែរ។ ខ្ញុំធ្លាប់តែសរសេដូចបឿនបាននិយាយមកអញ្ចឹងក្បៀសសម្រាប់កាត់ខ្ទង់ទស្សភាគ ហើយចុចសម្រាប់ដាក់ខណ្ឌលេខបីខ្ទង់។ ការប្រើប្រាស់តាមបែដើមគឺល្អបំផុតហើយ។
បើតាមទស្សនៈខ្ញុំ ប្រើតាមខាងណាក៏បានដែរ តែសុំកុំតែម្នាក់ប្រើក្បៀស ម្នាក់ប្រើចុច ច្បាស់ជាវិលក្បុងមិនខាន។
ប្រើតាមបារាំង វាជាទំលាប់របស់យើងយូរមកហើយ បើតាមអាមេរិចវិញ វាជារបៀបថ្មី តែប្រូក្រាមភាគច្រើនប្រើដាតាតាមក្បួនអាមេរិច (តែយើងក៏អាចដូរបានដែរ) គឺប្រើសញ្ញា . តំនាងអោយក្បៀស។ ជាទូទៅយើងច្រើនតែខ្ជិល ពេលព្រីនតួលេខចេញពី Excel,… ច្រើនតែរក្សាទុកទម្រង់នេះនៅដដែល។
បើថាដូរមកតាមអាមេរិចមែន អោយប្រាកដជាដូរ អោយមានប្រកាសជាផ្លូវការ កុំរបៀបលំៗ។
២០០.០០០៛ គឺត្រូវជាង បើ៛២០០.០០០គឺអានថារៀលពីរសែនជាមិនខាន។
សួស្តីអ្នកទាំងអស់គ្នាខ្ញុំគឺឆ្មារកម្ជិលជាសមាជិកថ្មីនៃភូមិWorpressតែជាសមាជិកចាស់នៃផ្ទះខ្មែរ(ikhmerhome.wordpress.com)
ខ្ញុំយល់ស្របតាមឆ្មាកម្ជិលគឺត្រូវដាក់ ៛ នៅខាងក្រោយតួលេខទើបត្រូវតាមវេយ្យាករណ៍ខ្មែរ។
តាមពិតទៅបើនិយាយពីការខុសក្នុងវេយ្យាករណ៍ខ្មែរវិញ ភាគច្រើន KT42 សង្កេតឃើញភាគច្រើន គឺខុសតែតាមទូរទស្សន៍ហ្នឹងឯង ស្ថានីយ៍ទូរទស្សន៍ខ្លះ យកអ្នកអត្ថាធិប្បាយប្រុស អ្នកអត្ថាធិប្បាយស្រី មកធ្វើការ ចំណែកពូកគាត់ទាំងនោះអ្នកខ្លះវិញកំរិតវប្បធម៌ ធ្លាក់បាក់ឌុបផង (បងប្អូនគេ)។
គិតនាំតែឈឺក្បាលធ្វើអី
អ្នកនិយមសរសេរលេខខ្មែរ
សរសេរតាមរបៀបខ្មែរទៅ ២២.០១១,០០ ៛
អ្នកនិយមសរសេរលេខបរទេស
សរសេរតាមរបៀបបរទេសទៅ 22,011.00 ៛
ខ្ញុំតាំងពីតូចដល់ធំ គឺសរសេរតែលេខបរទេស មិនសូវមានឱកាសបានសរសេរលេខខ្មែរនោះទេ