កាលពីថ្ងៃទី ១៩ ខែ សីហា ឆ្នាំ ២០០៩ គណៈកម្មាធិការជាតិភាសាខ្មែរបានអនុម័តមេពាក្យមួយដែលខ្ញុំសូមលើកយកមកបង្ហាញគឺ៖
ជាតិនិយម (បារ. Nationalisme; អង់. Nationalism) ការលើកតម្កើងជាតិសាសន៍ខ្លួនឯងដាច់គេ ឲ្យតម្លៃជាតិសាសន៍ដទៃដែលជារដ្ឋឯករាជ្យដូចគ្នា ទាបជាងខ្លួន ។ លើសពីនេះទៀត ជាតិនិយម គឺជាការធ្វើឲ្យមានមនោសញ្ចេតនាចំពោះជាតិយ៉ាងពុះកញ្ជ្រោល ការស្រឡាញ់ជាតិខ្លួននៅក្នុងមហិច្ឆតា ហើយនៅពេលខ្លះរហូតដល់ស្អប់ និងរើសអើងជាតិសាសន៍ដទៃថែមទៀត ។
សូមអស់លោកមេត្តាជួយពិចារណាផងថា តើពាក្យនេះគួរត្រូវបានគេពន្យល់ទៅរកន័យអវិជ្ជមានដូចនេះរឺយ៉ាង ណា? បើពិនិត្យមើលវចនានុក្រមភាសាអង់គ្លេស Encarta 2009 ពាក្យថា ជាតិនិយម (Nationalism) គឺមិនមានន័យអវិជ្ជមានទេ ។ មានពាក្យពីរទៀតដែលគួរត្រូវបានលើកយកមកពិចារណាផងដែរគឺ ជាតិនិយមជ្រុល (Extrem Nationalim?) និង ពូជសាសន៍និយម (Racism) ។
សូមមេត្តាផ្ញើយោបល់ និងការយល់ឃើញរបស់លោកអ្នកទៅកាន់អសយដ្ឋានអ៊ីម៉ែល sorsokny@yahoo.com
អរគុណ
សម្រាប់ខ្មែរ 
បើពន្យល់ដូចនេះ ជាតិនិយម មិនសមមូល នឹង Nationalism ទេដឹង!?
វចនានុក្រមបារាំង Petit Larousse 1991:
Nationalisme: 1. Doctrine qui affirme la prééminence de l’intérêt de la nation par rapports des groupes, des classes, des individus qui la constituent. 2. Mouvement politique d’individu qui veulent imposer la prédominance de la nation à la quelle ils appartiennent dans tous les domaines.
ឃើញថា និយមន័យនៃពាក្យ ជាតិនិយម ជាភាសាខ្មែរ ហាក់ដូចជាមានភាពផ្ទុយស្រឡះពីការពន្យល់ទី១របស់ភាសាបារាំង។ ឯការពន្យល់ទី២ សំដៅលើចលនានយោបាយ។ ហើយការពន្យល់និយមនៃពាក្យនេះជាភាសាបារាំងក៏មិនមានន័យជាអវិជ្ជមានដូចការពន្យល់របស់ភាសាខ្មែរដែរ។ ប្រហែលជាអ្នកដែលបានអនុម័តនិយមន័យនៃពាក្យ ជាតិនយម នោះជាពួកយួនទេដឹង?!!
I agreed with you, Sopheak and Khun Khmer Barang. In fact, there is definition of “nationalism” should not be so negative like that. The negative side of “nationalism” is “racism” and “extreme or ultra nationalism” that you mentioned. There is another alternative of the “nationalism” is “patriotism”. “Nationalism” is also an interesting topic in Philosophy, you can review a good article at http://plato.stanford.edu/entries/nationalism/.
By the way, do you have the complete list and announcement of the National Language Committees? It is an ashame for such what called the national committee if they are so careless even with the word “nationalism”. Or what is their intention of defining this word in that sense?
By the way Boeun, is the owner of this email a member of the National Language Committees?
ម្សិលមិញ បន្ទាប់ពីដាក់អត្ថបទនេះរួច អ៊ីនធឺណិតដាច់ ។ ពាក្យជាតិនិយមនេះ ខ្ញុំក៏យល់ថាមិនសមប្រែទៅជាអវិជ្ជមានដូច្នេះដែរ ប៉ុន្តែ បើយល់ឃើញថាគួរប្រែយ៉ាងណាទៀត សូមជួយផ្ញើយោបល់របស់អ្នកទៅលោក ស សុខនី តាមអ៊ីម៉ែលខាងលើ ឬដាក់យោបល់របស់លោកអ្នកនៅទីនេះក៏បាន ព្រោះលោកជានាយកវិទ្យាស្ថានពុទ្ធសាសនបណ្ឌិត្យ ។
កូនខ្មែរ-បារាំង៖ យោបល់លោកត្រូវ តែសូមកុំទាន់វាយតម្លៃដល់ថ្នាក់នោះអី ព្រោះពាក្យនេះគេកំពុងដាក់ពិភាក្សា មិនទាន់សម្រេចដូច្នោះនៅឡើយ ។
ច័ន្ទរឿន៖ អ៊ីម៉ែលខាងលើ ជាអ៊ីម៉ែលរបស់នាយកពុទ្ធសាសនបណ្ឌិត្យ ។
ជាតិនិយម បើភាសារបរទេស មានពីគឺ Patriotism និង Nationalism នេះបើតាមឯកសារមួយដែល Tharm ផ្តល់លីង្គអោយខ្ញុំ។ ហើយការពន្យល់ពាក្យ Nationalism របៀប negative នេះខ្ញុំយល់ស្រប។ មើលប្លករបស់ខ្ញុំ៖
http://www.borin.ws/?p=600
ហើយក្នុងនោះមាន comment របស់ ថារុំ ដែលមានឯកសារពន្យលក្បោះក្បាយពីជាតិនិយម
ដោយមិនផ្អែកលើអក្សរសាស្ត្របរទេស (ព្រោះ “ជាតិនិយម” ជាពាក្យខ្មែរ ដូច្នេះការទាញសំយោគន័យឲ្យសមមូលតាមន័យភាសាបរទេស ដូចពុំសូវសមហេតុផលប៉ុន្មានទេ ព្រោះ ជាតិនិយម ពុំមែនកម្ចីមកពីណាឡើយ) តាមយោបល់ខ្ញុំ ការពន្យល់ន័យខាងលើ គឺសមន័យដែលថាជាតិនិយមហើយ ដោយសារជាតិនិយមគេតែងសំដៅតែលើគំនិតអវិជ្ជមានច្នេះឯង តាមការដឹងឮកន្លងមក ។ ពាក្យជាតិនិយម ពុំត្រូវបានប្រើសម្រាប់អ្នកមានគំនិតវិជ្ជមានចំពោះជាតិទេ តែការតាំងខ្លួនជាអ្នកជាតិនិយមក៏ ពុំមែនមានន័យថា មិនស្មោះសរចំពោះជាតិនោះដែរ គ្រាន់តែថាអ្នកនោះនឹងនាំជាតិឲ្យរុងរឿង ឬហិនហោចប៉ុននោះ ។ ឧ. អ្នកឯងកុំមានគំនិតជាតិនិយមពេក!! ខ្ញុំយល់ថា បើអ្នកណាមានគំនិតជាជាតិនិយមគឺប្រាកដជាដូចនិយមន័យដែលស្ដែងខាងលើនោះហើយ លើកលែងតែអ្នកមិនមានគំនិតជាតិនិយមទេ ។
ណារដ្ឋ៖ ន័យនេះមិនសមទៅអវិជ្ជមានទេ បើខ្ញុំថា ខ្ញុំមានគំនិតជាតិនិយម បានន័យថាខ្ញុំស្រឡាញ់ ខ្ញុំស្នេហាជាតិ ស្រឡាញ់អ្វីដែលជារបស់ជាតិខ្លួន តែបើខ្ញុំថាទៅនរណាម្នាក់ ឯងគ្មានគំនិតជាតិនិយមសោះ ខ្ញុំចង់ថាម្នាក់នោះ មិនសូវជាស្រឡាញ់ជាតិខ្លួន ឬលើកតម្កើងជាតិដទៃជាងជាតិខ្លួន ។ កាលណាគេថាខ្ញុំជាអ្នកជាតិនិយម ខ្ញុំមានមោទនភាពចំពោះខ្លួនខ្ញុំ តែបើថាជាតិនិយមជ្រុល ប្រហែលជាទៅអវិជ្ជមានដែរ ព្រោះវាជ្រុលទៅហើយ ។
បើអញ្ចឹងត្រូវសួរអ្នកកំនត់និយមន័យពាក្យនេះថាគាត់ជាតិនិយមរឺអត់សិន។
ជាតិ +និយម ៖ មានន័យថានិយម ជាតិ ស្រលាញ់ជាតិ។
ប៉ុន្តែការប្រើប្រាស់អាចមានន័យហួសពីនេះទៅទៀត។
ដូចជាអាត្មានិយម មានន័យថាស្រលាញ់អាត្មា ។ ន័យត្រង់ៗនោះមិនជាអាក្រក់អីទេ តែពាក្យអាត្មានិយមនេះជាពាក្យអាក្រក់។
បន្ទាប់មកទៀតយើងមានគ្រួសារនិយម។ គ្រួសារនិយមនេះក៏ដូចជាអាក្រក់ដែរ។ បន្ទាប់ពីគ្រួសារមកយើងមានជាតិនិយម បន្ទាប់មកទៀតមានសកលនិយម។…
ដូច្នេះ អាត្មានិយម គ្រួសារនិយម ជាតិនិយម សកលនិយម ត្រឹមណាវិជ្ជមាន ត្រឹមណាអវិជ្ជមាន? គល់សូន្យនៅត្រង់ណា? 😀
បើយកពាក្យ អាត្មានិយម គ្រួសារនិយម ជាតិនិយម និងសកលនិយម មកធៀបគ្នាវាមិនត្រូវគ្នាទេ ព្រោះន័យរបស់វាផ្សេងៗពីគ្នា ។
ខ្ញុំមិនមែនមានន័យថាប្រៀបធៀបពាក្យអស់នេះទេ តែមានន័យថាប្រៀបធៀបការ”អោយ” ន័យពាក្យអស់នេះ។ ឧទាហរណ៍ដូចជា អាត្មា+និយម ចេញ (-); គ្រួសារ+និយម ចេញ(-) ដែរ។ ជាតិ+និយម មិនទាន់ដឹង។ សកលនិយម ខ្ញុំជឿថាចេញ(+) ។
ដូច្នេះវាប្រែប្រួលទៅតាមសម័យកាលទេ ន័យរបស់ពួកវានោះ។
មិនមែនប្រែប្រួលតាមសម័យកាលទេ ពាក្យហ្នឹងទៅជាវិជ្ជមាន ឬអវិជ្ជមាន អាស្រ័យលើការឱ្យប្រយោជន៍ ។ អាត្មានិយម ឱ្យប្រយោជន៍ចំពោះខ្លួនឯងម្នាក់ ជួនកាលធ្វើឱ្យខូចប្រយោជន៍អ្នកដទៃ ដោយសារការនិយមតែខ្លួនឯងក៏មាន ហ្នឹងគេហៅថាមិនល្អ ឬន័យអវិជ្ជមាន ។ គ្រួសារនិយម ល្អជាងអាត្មានិយមបន្តិច ព្រោះវាឱ្យប្រយោជន៍ក្នុងគ្រួសាររបស់ខ្លួន តែនៅតែអវិជ្ជមានដែរ ព្រោះការនិយមតែគ្រួសារខ្លួន ធ្វើឱ្យខូចដល់ប្រយោជន៍គ្រួសារដទៃ ឬអ្នកដទៃក៏មាន ។ ចុះជាតិនិយម ? ផ្ដល់ប្រយោជន៍ឱ្យជាតិទាំងមូលទេ ? បើខ្ញុំជាអ្នកជាតិនិយម ខ្ញុំប្រើរបស់ជាតិខ្លួនជាជាងជាតិដទៃ ។ ជាតិខ្ញុំផលិតសម្លៀកបំពាក់ ខ្ញុំទិញរបស់ជាតិខ្ញុំ មិនទិញរបស់នាំចូលពីជាតិដទៃទេ ។ ហ្នឹងគឺជួយជាតិខ្លួនឯង ផ្ដល់ប្រយោជន៍ឱ្យជាតិឯង ខ្ញុំយល់ថាល្អ ។ ចុះអាត្រង់ខាតប្រយោជន៍ជាតិដទៃនោះ ? ត្រង់ហ្នឹងជាចំណុចអវិជ្ជមានទេ ? លោកគ្រូជួយពិចារណាត្រង់ហ្នឹងបន្តិច ព្រោះខ្ញុំនៅស្ទាក់ស្ទើរ ពិបាកចែកឱ្យដាច់ ។
ខ្ញុំគិតថា បើ ពាក្យ ជាតិនិយម ជាមេពាក្យ ចឹងវាគួរតែមានអត្ថន័យ ណឺត! ឬ អោយអត្ថន័យតាមពាក្យ ជាតិ+និយម តែកាលយើងថែមពាក្យខាងចុង ឬ ខាងដើម ទើបពាក្យនោះនឹងយកន័យវិជ្ជមានឬ អវិជ្ជមានតាមពាក្យដែលបន្ថែម! តែត្រឹមពាក្យ ជាតិនិយម មិនទាន់មានន័យអវិជ្ជមានទេ ហើយពាក្យនេះ គេអាចយល់តាមរយៈពន្យល់ន័យតាមទីសេចក្តី(ថ្នាក់ទី៨) ចឹងបើយកពាក្យនេះ មកដាក់ក្នុងវចនានុក្រម ហ្មង វាហាក់ដូចជាចង់អោយគេគិតតែមួយផ្លូវអំពីន័យ ដែលរបស់ពាក្យនេះ តាមអ្វីដែលគេចែងមក!
បើនិយាយអោយត្រង់ទៅខ្ញុំយល់ថាជាតិនិយមគឺឆ្កួតៗ។ ម៉េចបានចាំបាច់មានជាតិនេះជាតិនោះ? បើទាំងអស់គ្នាសុធតែជាមនុស្ស។ កន្លែងណាដែលមានអារម្មណ៏ជាតិនិយមជ្រុលតែងតែឈ្លោះគ្នា។ គ្មានអ្វីគួរអោយមោទនៈភាពទេអារឿងជាតិនិយមនេះ។
I hope that this comment not offend anyone!
ពាក្យ “ជាតិនិយម”
ខ្ញុំយល់ថា ដើម្បីការយល់ដឹង ចំណេះដឹង និងការប្រើប្រាសគ្រប់យ៉ាង
យើងគួរតែបកស្រាយនូវអត្ថន័យរបស់ពាក្យ ជាតិនិយម នេះអោយ
បានក្បោះក្បាយ ហើយដាក់ពាក្យទាំងអស់ដែលមានន័យប្រហាក់
ប្រហែលគ្នា និងពាក្យដែលផ្ទុយផងដែរ ដោយមិនត្រូវគិតបារម្ភអំពីន័យ ជាវិជ្ជមានឬអវិជ្ជមាននោះទេ ធ្វើយ៉ាងម៉េចដើម្បីអោយយើងបានយល់ នូវន័យរបស់ពាក្យអោយបានច្បាស់លាស់ ដើម្បីងាយស្រួលក្នុងការ
ប្រើប្រាស។ ប៉ុន្តែជៀសវាងកុំអោយនិយាយធ្វើអោយប៉ះពាល់ដល់
ឈ្មោះប្រទេសនានានោះវាល្អណាស់ទៅហើយ។
រឿងវិជ្ជមានឬអវិជ្ជមាន គឺស្រេចតែយើងយកទៅប្រើប្រាសទេតើ ចង់ប្រើ
អោយអាក្រក់អោយល្អស្រេចតែអ្នកប្រើ ជាកំហុសអ្នកប្រើ អ្នកប្រើត្រូវ
ទទួលខុសត្រូវ។ រឿងការបកស្រាយពាក្យ បើយើងបកស្រាយអំពីអវិជ្ជ-
មាន យើងត្រូវបកស្រាយពន្យល់អំពីវិជ្ជមានផងដែរ នោះវាគ្រប់គ្រាន់ទៅ
ហើយ។ រីឯអ្នកមិនយល់ស្រប ប្រហែលជាគាត់មិនទាន់យល់ គាត់ត្រូវ
ការរៀនសូត្របន្ថែមទៀត មនុស្សយើងមានការយល់ដឹងមិនដូចគ្នាទេ
បើចង់បានមានភាពរលូនជាមួយគ្នា ខ្ញុំយល់ថាយើងគួរតែខំប្រឹងប្រែង
រៀនសូត្រអោយបានច្រើនអោយបានប្រសើរឡើងគ្រប់ៗគ្នា។ល។
ពាក្យគួរពុំគួរសូមអភ័យទោសផង!
សូមអរគូណដែលបានអនុញ្ញាតឱ្យពួកខ្ញុំមានមតិយោបល់!
ខ្ញុំយល់ស្របជាមួយវិចិត្រ! សំខាន់ការឲ្យនិយមន័យជាផ្លូវការរបស់រាជការ។ ប្រសិនបើគាត់ឲ្យនិយមន័យពាក្យនេះ អវិជ្ជមាន ចុះន័យជាវិជ្ជមាន ដូចដែលការឲ្យនិយមន័យរបស់បឿន យើងគួរប្រើពាក្យអ្វីវិញ? ឬមួយយើងគួរបង្កើតពាក្យមួយទៀត!
បើតាមយោបល់របស់ខ្ញុំ ការផ្តល់និយមន័យអវិជ្ជមានឲ្យដល់ពាក្យ “ជាតិនិយម” គឺប្រការដ៏ត្រឹមត្រូវ ជាពិសេសក្នុងន័យមនោគមវិជ្ជា (ideology) ។ ដោយហេតុថា បើតាមការសង្កេតកន្លងមក គំនិតជាតិនិយមតែងតែវិវឌ្ឍទៅរកគំនិតជាតិជ្រុល (extreme nationalism) មានដូចជាគំនិតជាតិនិយមរបស់ពួក Nazi ហ៊ីត្លែជាដើម (National sozialismus, ជាតិនិយម-សង្គមនិយម) ។ ហើយជាទូទៅ គណបក្សជាតិនិយមមួយចំនួនធំនៅក្នុងពិភពលោកតែងតែបានក្លាយទៅជាពួកជ្រុលនិយម ដែលបានធ្វើឲ្យមានការសម្លាប់យ៉ាងរង្គាល។ ដូចនេះ ការផ្តល់និយមអវិជ្ជមានគឺជាវិធីបង្ការទុកមុន កុំលេចចេញនូវគំនិតជ្រុលនិយមទាំងឡាយនោះ។
មួយវិញទៀត ទស្សនជាតិនិយមហាក់ដូចជាដើរផ្ទុយនឹងគំនិតសកលភាវូបនីយកម្មនៅពេលបច្ចប្បន្ន។ ពីព្រោះសព្វថ្ងៃនេះ គេនិយាយអំពីពិភពលោកមួយគ្មានព្រុំដែន អំពីទីផ្សារអន្តរជាតិ និងអំពី Internet…
ក៏ប៉ុន្តែ មិនមែនមានន័យថា យើងនាំគ្នាបំភ្លេចចោលនិយមន័យវិជ្ជមានរបស់ពាក្យ “ជាតិនិយម” នេះទេ តែយើងអាចប្រើពាក្យផ្សេងទៀតជំនួសឲ្យពាក្យនេះបាន ដូចជាពាក្យថា “អភិវឌ្ឍ” ជាដើម ព្រោះមានពាក្យខ្លះមិននាំមកនូវសង្រ្គាមរវាងជាតិមួយនឹងជាតិមួយទៀត ដូចជាពាក្យថា “ជាតិនិយម” នេះទេ។
អរគុណចំពោះវិចារទាំងអស់
សម្រាប់ខ្ញុំបើយើងឲ្យនិយមន័យពាក្យនេះមានទំនោរទៅរកលក្ខណៈអវិជ្ជមានយ៉ាងនេះ ក្រែងមានផលវិបាកក្នុងការប្រើទៅថ្ងៃក្រោយ ។ យើងព្យាយាមទាញមេពាក្យនេះ ឲ្យត្រូវនឹងពាក្យថា Nationalism, Nationalisme ក្នុងពេលដែលពាក្យក្នុងភាសាគេនេះ មិនមានន័យដូចដែលមានក្នុងភាសាខ្មែរ គឺវាផ្ទុយគ្នាច្រើនពេក ។ ខ្ញុំបារម្ភថា នៅពេលដែលយើងប្រើពាក្យនេះដែលមានន័យអវិជ្ជមានក្នុងការបកប្រែ ក្នុងសារព័ត៌មាន ក្នុងនិក្ខេបទ…នាំឲ្យមានការយល់ច្រឡំទស្សនៈ ។អរគុណ
ខ្ញុំសូមបន្ថែមនូវអត្ថន័យនៃពាក្យ ជាតិនិយម ដូចខាងក្រោមជាភាសារអង្គ្លេស៖
NATIONALISM devotion and allegiance to the nation and the shared charateristics of its people; used to motivate people to patriotic acts, sometimes leading a group to seek dominance over another group.
NATIONAL INTEREST the interest of the state, most basically the protection of territory and sovereignty; in realist thinking, the interest is a unitary one defined in terms of the pursuit of power; in liberal thinking, there are many national interests; in radicalist thinking, it is the interest of a ruling elite.
ន័យខាងលើខ្ញុំបានដកស្រង់ចេញពីសៀវ ទំនាក់ទំនងអន្តរជាតិ INTERNATIONAL RELATIONS ដែលខ្ញុំធ្លាប់បានរៀន។
អ៉ៃយ៉ូ…គិតទៅពាក្យដែលយើងប្រើប្រាស់ទាំងឡាយ…គឺសុទ្ធតែមានអត្ថន័យពិបាកនឹងពន្យល់ណាស់ បើយើងប្រើប្រាស់ធម្មតាប្រហែលជាមិនអីតែបើពន្យល់រកន័យពិតប្រាកដវិញគឺវាពិបាកអញ្ចឹងហើយ..សុំទោសខ្ញុំអត់មានយោបល់ទេ ព្រោះអត់សូវចេះខាងអក្សរស្មែរ..
តបនឹងយោបល់របស់បឿន ថ្ងៃ សីហា 22, 2009៖
លក្ខណៈជាតិនិយម ថាវិជ្ជមានរឺអវិជ្ជមាន គេមិនគួរកត់ចូលក្នុងនិយមន័យនៃពាក្យក្នុងវចនានុក្រមនេះមែន គេគួរតែពន្យល់តែលក្ខណៈដូចម្តេចដែលហៅថាជាតិនិយម ប៉ុណ្ណេះបានហើយ។
តែត្រង់ខ្ញុំថា ជាតិនិយមមានន័យអាចវិជ្ជមាន រឺអវិជ្ជមាន គឺអាស្រ័យតាមកាលៈទេសៈ តាមសម័យកាល។ ខ្ញុំឧទាហរណ៍ ដូចជាពាក្យ គ្រួសារនិយមនេះមួយ។ បើយើងពិនិត្យ ពីក្នុងសមាជិកគ្រូសារមួយ បុគ្គលនេះជាឪពុក បានគិតគូគ្រួសារជាខ្លាំង គាត់ស្រលាញ់គ្រួសារគាត់ខ្លាំងណាស់ ដូច្នេះសំរាប់សមាជិកគ្រួសារគាត់ គាត់ល្អណាស់។ តែគាត់មិនបានជួយអ្នកដទៃទេ គាត់គិតតែពីប្រយោជន៍គ្រួសាររបស់គាត់។ ដូច្នេះអ្នកដទៃ ថាគាត់មិនល្អ។ អញ្ចឹងបើយើងនៅក្រៅរង្វង់គ្រួសារនេះ យើងនឹងរិះគន់ថាគាត់មិនល្អ។
ដូចគ្នាដែរ អំពីពាក្យថាជាតិនិយម។ បើយើងជាជាតិខ្មែរ ខ្មែរនិយមល្អសំរាប់យើងជាខ្មែរ តែមិនប្រាកដថាល្អសំរាប់គេផ្សេងទេ។ តែក៏គង់តែពាក្យជាតិនិយមនេះល្អសំរាប់ប្រទេសនិមួយៗ តែរៀងខ្លួន។ អាមេរិច យួន សៀម ពួកគេសុទ្ធតែជាតិនិយម បានជាមកទំលាក់គ្រាប់បែក ឈ្លានពាន ខ្មែរ។ សំរាប់ជនជាតិអាមេរិច យួន សៀម គេថាល្អ តែខ្មែរ យើងថា យូន សៀមធ្វើហ្នឹងល្អរឺអត់?។
ដូច្នេះមានន័យថា ពាក្យនេះមានន័យល្អរឺមិនល្អ វាអាស្រ័យនឹងយើងឈរនៅត្រង់ណាតែប៉ុណ្ណោះ។ ពិតមែនហើយពាក្យជាតិនិយមនេះ មិនមានន័យឯណាទៅដល់ឈ្លានពានគេនោះទេ តែ….។
ឧទាហរណ៍មួយទៀត បើសិនជាបឿនមិនដែលដឹង។ ដូចជា ពាក្យជាតិនិយមជ្រុល។ ឧទាហរណ៍នៅស្រុកបារាំងនិងប៊ែលស៊ីក សព្វថ្ងៃមានចលនាមួយ គឺពួក Extrem droite។ ពួកនេះសន្យាថា បើជាប់ឆ្នោត នឹងបណ្តេញពួកជនបរទេសចេញពីស្រុកគេទាំងអស់ ព្រោះពួកបរទេសទោះចូលសញ្ជាតិគេហើយក៏ដោយ ក៏សុទ្ធតែមិនគួរអោយចូល (ប្រៀបដូចយួនកាន់សញ្ជាតិខ្មែរនៅស្រុកខ្មែរដែរ)។ ធ្វើបែបនេះ បើពីមុនប្រហែលគេសរសើរថាល្អ តែឥលូវនេះគេថាជាទង្វើមិនបានការ បង្កតែបញ្ហា។ តែប្រហែលជាខ្មែរយើងនៅតែគិតថាល្អដដែលផង។
….
លោកចិត្រនិយាយហ្នឹងដូចត្រូវ ចុះឥឡូវយើងមូលន័យមកវិញថាយ៉ាងម៉េច ? គួរពន្យល់យ៉ាងណាដើម្បីឱ្យស្ដាប់បាន សមទៅនឹងន័យរបស់វា ? សូមសរសេរដើម្បីបានជាគំនិតបន្ថែម ។
អរគុណ
@បឿន ខ្ញុំសុំបន្ថែមបន្តិចថា លោក ស សុខនី មិនមែនជានាយកវិទ្យាស្ថានពុទ្ធសាសនបណ្ឌិតទេ ។ គាត់ធ្វើការខាងផ្នែក IT នៅទីនោះ ។
អូហ៍ តាមពិតខ្ញុំច្រឡំ គឺលោក ងួន វ៉ាន់ចន្ធី ឯណោះទេដែលជានាយក ត្រូវទេ ?
សុំទោស !
បាទ ត្រឹមត្រូវហើយ…
នៅមាន” បក្សពួកនិយម ” ទៀត តើពាក្យនេះយល់យ៉ាងដែរ?
បង kooms បន្ទាប់ពី អាត្មានិយម គឺ បក្សពួកនិយម ហ្នឹងហ្មង យ៉ាប់ជាងគេ! 😆
@evanak ៖ សូមកែពាក្យ ពុទ្ធសាសនបណ្ឌិត ជា ពុទ្ធសាសនបណ្ឌិត្យ វិញទើបត្រូវតាមច្បាប់ ។ អរគុណ
បក្សពួកនិយម គឺនិយមបក្សពួក…
សាសន៏ជាតិណាក៏មានអ្នកជាតិនិយមដែរ..ទោះថា
ជាតិនិយមមានន័យជាវិជ្ជមានឫអវិជ្ជមាននោះ។យើងមិនចាំបាច់់
គិតវែងឆ្ងាយទេ…មើលតែពេលអ្នករៀបការហើយ..អ្នកខំប្រឹងថ្វើការ កសាងគ្រួសារ
អ្នកឯង ដើម្បីនរណា? ឫក៏អ្នកឯងប្រឹង ស្វែងរកទ្រព្យមក រុកលុយមក
ទិញផ្ទះ ឡាន ហើយចេះថែរក្សាកាពារនោះ ក៏ដើម្បីខ្លួនឯង និងកូនចៅរបស់់ខ្លួនឯង!មិនមែនដើម្បីអ្នកឯណាផ្សេងឡើយ..នេះជាជំហាន
មួយដែលអ្នកគិតចេញពីគំនិតមុនដំបូងបង្អស់់..រួចហើយអ្នកគិតក្រុមគ្រួសារ
សាច់់ញាតិបងប្អូន មិត្តភក្តិ រួចជនរួមជាតិ របស់់ខ្លួន.. រួច គិតដល់់សន្តិភាព
និងភាពសប្បាយរុងរឿងរបស់់ពិភពលោកទាំងមូលតែម្ដង!…តែវាវែងឆ្ងាយដែរ
ទំរាំគិតដល់់ដំណាក់់ចុងក្រោយនេះ..។ជាតិនិយមមិនមែនមានន័យផ្នែកនយោបាយ
នោះទេ…វាជាលក្ខណៈទូទៅនៃមនុស្សលោកទៅហើយ..អញ្ចឹងបានជា
លោក Aristoteបាននិយាយថា មនុស្សុគឺជាសត្វនរយោបាយ(Animal politique)គឺថា មិនមែនរស់់នៅស្វែងរកផលប្រយោជន៏ ឫទ្រព្យសម្បត្តិអោយ
អ្នកដទៃឯណា..គឺស្វែងបានមកដើម្បីខ្លួន និងជនរួមជាតិរបស់់ខ្លួនសិន …
ជាតិខ្លួនឯង? ព្រោះជាតិរបស់់ខ្លួន ដូចជាក្រុមគ្រួសាររបស់់ខ្លួនដែរ..មិនដែលមាន
ឱពុកម្ដាយឯណាស្វែងរកបានទ្រព្យសម្បត្តិមបានមក មិនទុកចែកចាយកូនៗរបស់់ខ្លួនឯងនោះទេ!!!យើងត្រូវគិតឃើញអញ្ចឹង…
មនុស្សគ្រប់់គ្នាគឺជាអ្នកជាតិនិយម..ដូចជាឱពុកម្ដាយនៃគ្រួសារមួយអញ្ចឹង!!!
ឯកូនៗក៏ជាអ្នកជាតិនិយមដែរ ព្រោះក៏ដឹងគុណឱពុកម្ដាយ ហើយស្រឡាញ់់
បងប្អូន និងសាច់់សាលោហិត ព្រមទាំងមិត្តភក្ដិរបស់់ខ្លួន!!
Howdy! I know thus iss kinda ooff topic howeever I’d figured I’d ask.
Would youu be interested inn exchanging linkls or mayge guest writing a blg poost or vice-versa?
My wdbsite goes oover a lot oof thee same topics as yours and I fesel we ould
grearly benefit rom each other. If you’re inbterested fwel frtee too senbd mee an e-mail.
I look forwared too hearing from you! Wondsrful blog
bby the way!