ខ្សែ​ភាពយន្ត

ហាណាគិមិ


យប់ ៦ សីហា ​រឿង​​ភាគ​ឆ្កួត​​របស់​ជប៉ុន​មួយទាក់ចិត្ត​ខ្ញុំ​រហូត​អត់​ដេក​​ពេញ​មួយ​យប់។

ហាណាគិមិ (Hana Kimi) ជា​រឿង​ភាគ​ជប៉ុន​​ដែល​ខ្ញុំ​ចាប់អារម្មណ៍ ហើយ​តាមដាន​រហូត​ដល់​ចប់​ ដែល​មាន​១២​ភាគ ក្នុង​ពេល​តែ​​មួយ​យប់។

រឿង​នេះ​ជា​ស្នាដៃ​របស់ ណាកាជុ ហ៊ីសាយ៉ាក់។ វា​មិនមែន​ជារឿង​កម្សត់​​​រហូត​ធ្វើ​ឲ្យ​យើង​ស្រក់​ទឹកភ្នែក​នោះ​ទេ តែ​ជា​រឿង​បែប​កំប្លែង និង​មនោសញ្ចេតនា​​ដ៏​គួរ​ឲ្យ​រំភើប និង​អាច​ធ្វើ​ឲ្យ​យើង​ស្រក់​ទឹកភ្នែក​។ សាច់​រឿង​​នេះ​ធ្វើ​ឲ្យ​ខ្ញុំ​ស្ទើរតែ​ចេញ​ទឹកភ្នែក​ម្ដងៗ ហើយ​នៅ​ភាគចុងក្រោយ​នោះ ក៏​ទប់ទឹកភ្នែក​លែង​ជាប់​។

តួ​សម្ដែង​​ស្រី​ឈ្មោះ អាស៊ីយ៉ា ម៉ីស៊ូគិ សម្ដែង​ដោយ ហូរិគិតាក់ ម៉ាគិ និង​តួ​ប្រុស សាណុ អ៊ីស៊ូមិ សម្ដែង​ដោយ អូហ្គូរិ ស៊ុន ។

ម៉ីស៊ូគិ រស់​នៅ​សហរដ្ឋអាមេរិក។ សាណុ ជា​អ្នក​កីឡាករ​​លោត​កម្ពស់​ដ៏​ពូកែ តែ​ក្រោយ​មក​គេ​បោះបង់​ចោល។ ដោយសា ម៉ីស៊ូគិ​ជា​អ្នក​គាំទ្រ​គេ និង សាណុ​ធ្លាប់​ជួយ​គេ​ពី​ជន​ខិលខូច​ដែល​​ចាប់​នាង​​ ​និង​ត្រូវ​គេ​ឆូត​នឹង​កាំបិត​ត្រូវ​ជើង​បណ្ដាល​ឲ្យ​គេ​លោត​កីឡា​នេះ​លែង​កើត​ផង រហូត​ធ្វើ​ឲ្យ​គេ​ក្លាយ​ជា​មនុស្ស​ដែល​លែង​សូវ​និយាយ​ស្ដី លែង​ចេះ​ញញឹម ម៉ីស៊ូគិ ក៏​សម្រេច​ចិត្ត​មក​ជួយ​គេ​ឲ្យ​ត្រឡប់​ដូច​ដើម​វិញ ពេល​ដែល​នាង​ឃើញ​គេ​តាម​ទូរទស្សន៍ និង​ដឹង​ថា​គេ​នៅ​ទីណា​នៅ​ប្រទេស​ជប៉ុន។

ម៉ីស៊ូគិ ក៏​រត់​ចេញ​ពី​ផ្ទះ ហើយ​ប្ដូរ​មក​រៀន​នៅ​សាលា​ជាមួយ សាណុ ។ ដោយសារ​តែ​សាលា​នេះ​ទទួល​តែ​សិស្ស​ប្រុស ម៉ីស៊ូគិ ក៏​តែង​ខ្លួន​ជា​ប្រុស ហើយ​បាន​មក​ស្នាក់នៅ​បន្ទប់​សិស្ស​ជាមួយ​សាណុ។

ទោះ​ជា​ម៉ីស៊ូគិ និង​មិត្ត​រួម​ថ្នាក់​យកចិត្ត​ទុក​ដាក់ និង​ចង់​ឲ្យ​សាណុ​ត្រឡប់​ទៅ​លោត​កម្ពស់​ដូច​ពី​មុន​យ៉ាងណា​ក៏​ដោយ ក៏​សាណុ​ធ្វើ​ដូច​មើល​មិន​ឃើញ​នូវ​អំពើ​ទាំង​នោះ​សោះ ថែម​ទាំង​ប្រើ​សំដី​ទ្រគោះ​ធ្វើ​ឲ្យ​ម៉ីស៊ូគិ​យំ និង​អស់​សង្ឃឹម​ជា​ច្រើន​លើក តែ​ម៉ីស៊ូគិ​នៅ​តែ​មិន​បោះបង់​គំនិត​របស់​ខ្លួន​ដែល​មក​ដើម្បី​ជួយ​គេ​ឡើយ…

រឿង​នេះ ខ្ញុំ​លួច​មើល​នៅ​កុំព្យូទ័រ​របស់​បង​សន្តិភាព

Advertisements

26 thoughts on “ហាណាគិមិ”

  1. ជំរាបសួរបាទ!
    ពីប្លុកខ្ញុំ Economic
    ខ្ញុំទើបតែបង្កើតថ្មី សូមជួយផ្ដល់កំលាំងចិត្តផង ជួយកែលំអរ រាល់កំហុសឆ្គង ដែលកើតដោយអចេតនា។
    សូមទទួលនូវក្ដីរាប់អានពីខ្ញុំ។

  2. @economic: អរគុណ​ដែល​បាន​ប្រាប់

    @ពង្ស៖ ខ្ញុំ​មើល​បាន អត់​មាន​បញ្ហា​អី​ទេ

    @ដេនីត៖ ខ្ញុំ​មិន​ដែល​មើល​រឿង​ភាគ​ជប៉ុន​ទេ ប្រហែល​នេះ​ជា​លើក​ទី​មួយ​ហើយ តែ​រឿង​នេះ​ពិត​ជា​ល្អ​មែនទែន ក្នុង​សាច់​រឿង​មាន​ចំណុច​ល្អៗ​ច្រើន។

  3. មិននឹកស្មានថាបឿនមើលកុនរហូតដល់ស្រក់ទឹកភែ្នកសោះ ! មិនអីទេ ចាំយកកុន
    ជប៉ុន និងកូរ៉េរបស់ខ្ញុំវិញ ! សុទ្ធតែជារឿងកំប្លែង និងកាប់ចាក់ !!! ប៉ុន្តែ ខ្ញុំក៏មានកុន
    មនោសញេ្ចតនារបស់ចិនមួយចំនួនដែរ !!!

ឆ្លើយ​តប

Fill in your details below or click an icon to log in:

ឡូហ្កូ WordPress.com

អ្នក​កំពុង​បញ្ចេញ​មតិ​ដោយ​ប្រើ​គណនី WordPress.com របស់​អ្នក​។ Log Out / ផ្លាស់ប្ដូរ )

រូប Twitter

អ្នក​កំពុង​បញ្ចេញ​មតិ​ដោយ​ប្រើ​គណនី Twitter របស់​អ្នក​។ Log Out / ផ្លាស់ប្ដូរ )

រូបថត Facebook

អ្នក​កំពុង​បញ្ចេញ​មតិ​ដោយ​ប្រើ​គណនី Facebook របស់​អ្នក​។ Log Out / ផ្លាស់ប្ដូរ )

Google+ photo

អ្នក​កំពុង​បញ្ចេញ​មតិ​ដោយ​ប្រើ​គណនី Google+ របស់​អ្នក​។ Log Out / ផ្លាស់ប្ដូរ )

កំពុង​ភ្ជាប់​ទៅ​កាន់ %s