កម្សាន្ត, ខ្សែ​ភាពយន្ត

១០.០០០ ប៊ីស៊ី


មួយរយៈ​នេះ ខ្ញុំ​ព្យាយាម​សម្រាក​ច្រើន ព្រោះ​អស់កម្លាំង​ញឹកញាប់ ហើយ​ក៏​បាន​ចំណាយ​ពេល​មើល​ភាពយន្ត​អាមេរិកាំង​​ច្រើន​ដែរ។ ​10,000 BC ជា​រឿង​ដែល​ខ្ញុំ​ចាប់អារម្មណ៍​ជាងគេ បើ​ធៀប​នឹង​រឿង​ថ្មីៗ​ដែល​ខ្ញុំ​ទើប​នឹង​​បាន​មើល ដូច​ជា​រឿង Iron Man, Indiana Jones 4 ជា​ដើម។

ឌីឡេ សំដែង​ដោយ ស្ទេវិន ស្ត្រេត ជា​តារា​ដែល​ដក់​ក្នុង​ចិត្ត​របស់​ខ្ញុំ។ គាត់​ជា​មនុស្ស​ដែល​ឯកោ​តាំង​ពី​តូច ព្រោះ​ឪពុក​បាន​រត់ចោល​កុលសម្ព័ន្ធ​ យ៉ាហ្គាល ដែល​គ្រប់គ្នា​ថា​​ឪពុក​របស់​គាត់​ជា​មនុស្ស​កំសាក ហើយ​ចាប់ផ្ដើម​រើសអើង​គាត់។

កុលសម្ព័ន្ធ យ៉ាហ្គាល ជា​អ្នក​ប្រមាញ់​ដ៏​ខ្លាំង​ពូកែ។ ពួក​គេ​ប្រមាញ់​សត្វ​គ្រប់ប្រភេទ… ដំរី។ ក្រោយៗ​មក​ដំរី​កាន់​តែ​ក៏​ហោច​ទៅៗ ពួកគេ​ប្រមាញ់​លែង​សូវ​បាន។ យ៉ាហ្គាល​មាន​លោកយាយ​ម្នាក់​ដែល​មាន​វ័យ​ចំណាស់​ជាងគេ អាច​និយាយ​ទៅ​កាន់​ព្រលឹង​ទាំងឡាយ​ ដែល​យើង​ហៅថា យាយ​ម្ចាស់ស្រុក។ គាត់​មិន​អាច​ធ្វើ​អ្វី​បាន ក្រៅ​ពី​នេះ​ឡើយ។ គាត់​តែង​តែ​បួងសួង​សុំ​ឱ្យ​គុណបុណ្យ​លោក​ឪពុក​ជួយ​ថែរក្សា​កុលសម្ព័ន្ធ​របស់​គាត់។ គាត់​បួងសួង​រាល់​ថ្ងៃ រហូត​ដល់​ថ្ងៃ​មួយ មាន​សញ្ញា​មួយ​បង្ហាញ​ប្រាប់​គាត់។ ពួកគេ​បាន​ជួប​​ស្ត្រី​ចំណាស់​​ម្នាក់​នៅ​តាម​ភ្នំ ដែល​គាត់​ជិត​នឹង​ផុត​ជីវិត​ទៅ​ហើយ ហើយ​ពួកគេ​បាន​នាំ​មក​កុលសម្ព័ន្ធ​របស់​ពួកគេ។ ព្រះជាម្ចាស់​បញ្ជូន​គាត់​ឱ្យ​មក​ប្រាប់​ពួកគេ ថា​នឹង​មាន​បិសាច​ដែល​នឹង​មក​បញ្ចប់​ពួកគេ​ពី​ពិភពលោក​នេះ។ ដែល​វា​នឹង​កើតឡើង​នៅ​ពេល​ដែល​ពួកគេ​ចេញ​ទៅ​ប្រមាញ់​លើក​ចុងក្រោយ។ ប៉ុន្តែ​គាត់​​ប្រាប់​ថា ពេល​នោះ​នឹង​មាន​មនុស្ស​ម្នាក់​ដែល​ខ្លាំង​ពូកែ​បង្ហាញ​ខ្លួន ម្នាក់​នោះ​នឹង​នាំ​ យ៉ាហ្គាល ទៅកាន់​ជីវិត​ថ្មី​មួយ ដែល​យ៉ាហ្គាល​នឹង​លែង​ជា​អ្នក​ប្រមាញ់​ទៀត​ហើយ។ គាត់​បាន​ចង្អុល​ទៅ​ក្មេង​ស្រី​ម្នាក់​ក្នុង​ចំណោម​កុលសម្ព័ន្ធ​នោះ​គឺ អេវ៉ូឡេត៍ (​ដែល​នឹង​សំដែង​ដោយ កាមីឡា បែល) ហើយ​និយាយ​ថា “ម្នាក់​នេះ​ជា​ប្រពន្ធ​របស់​គេ” គាត់​មិន​ឃើញ​ម្នាក់​នោះ​នៅ​ទី​នោះ​ឡើយ តែ​គាត់​ប្រាប់​ថា គេ​មាន​ភ្នែក​ពណ៌ខៀវ។ ដែល​គេ​កត់សម្គាល់​ថា គឺ ឌីឡេ។

ឪពុក​របស់ ឌីឡេ ​មិន​ជឿ​លើ​ស្ត្រី​ចំណាស់​នោះ​ទេ តែ​ក៏​មិន​អាច​នៅ​រង់ចាំ​ពេល​នោះ​មក​ដល់​​ដែរ។ គាត់​ក៏​បាន​ចាកចេញ​ពី​កុលសម្ព័ន្ធ ដោយ​ផ្ញើ​ឌីឡេ​ជាមួយ ទីក ទីក (សំដែង​ដោយ ឃ្លីប គឺទីស) ហើយ​គាត់​ចេញ​ទៅ ដោយ​​មិន​ឱ្យ ទីក ទីក ប្រាប់​នរណា​ឡើយ ទើប​ធ្វើ​ឱ្យ​គេ​យល់ច្រឡំ​ថា ឪពុក​របស់ ឌីឡេ កំសាក។

ឪពុក​របស់ ឌីឡេ ជា​មនុស្ស​ដែល​អស្ចារ្យ​ និង គួរ​ឱ្យ​កោត​សរសើរ​បំផុត ព្រោះ​គាត់​លះបង់​អ្វីៗ​ទាំងអស់​ដើម្បី​កុលសម្ព័ន្ធ​ ដើម្បី​កូន​របស់​គាត់ និង​​សុខចិត្ត​ឱ្យ​គេ​យល់​ច្រឡំ​មក​លើ​គាត់។

នេះ​គ្រាន់តែ​ជា​ដំណើរ​រឿង​ខ្លះៗ។ បន្ទាប់​ពី​នេះ ជា​ពេល​ដែល​គេ​ទស្សន៍ទាយ​​ទុក​នោះ​មក​ដល់។ លោកអ្នក​អាច​រក​រឿង​នេះ​មក​មើល​បន្ត​ទៀត​ចុះ។

បើ​មិន​មាន​វីដេអូ​នេះ​មើល​ទេ សូម​សាក​មើល​នៅ​ទីនេះ

Advertisements

19 thoughts on “១០.០០០ ប៊ីស៊ី”

  1. តួ​ស្រី អេវ៉ូ​ឡេ ស្អាត​មែន​ទែន!! ង៉ៃ​មុន​ទិញ​អារឿង​ហ្នឹង​ឯង តែ​ចៃ​ដន្យ​ភ្នែក​ឌីវីឌី វា​អត់​អាន​ឌីស​ហ្នឹង expire len te doeg … ទាល់​ខ្ចី​ស៊ូស៊ូទ័រ​គេ​ចាក់ បាន​បាន​មើល!! យ៉ាប់​តាម៉ង 😦

  2. អេវ៉ូឡេត៍ ហ្នឹង​ស្អាត​មែន​ហ្នឹង។

    វីយ៉ា បើ​មិន​ទាន់​រក​មើល​បាន​ទេ មក​យក​ពី​ខ្ញុំ​ក៏​បាន។

    មិន​ដឹង​ប្រាប់​ថា​ទៅ​ទិញ​ឯណា​ទេ បើ​ខ្ញុំ​មិន​ដែល​ទៅ​ទិញ​ដែរ។ 😉

  3. សុភីន,​ខ្ញុំចាំអ្នកច្បាស់ណាស់ កាលនោះអ្នករៀនគណិតវិទ្យា មែនទេ?
    ប្រហែល ៤ឆ្នាំមុនយើងរៀនជាមួយគ្នា តែអីឡូវលឺថាអ្នករៀននៅជប៉ុន មែនទេ?
    ការសិក្សាយ៉ាងម៉េចហើយនៅទីនោះ? តើមានបានជួមមិត្តយើងខ្លះទេនៅទីនោះ?
    មិត្តយើងទាំងឡាយចេញធ្វើការអស់ហើយ
    ខ្លះធ្វើការជាមន្ត្រីរាជការតាមក្រសួង,​ អង្កការ….
    ខ្ញុំអីឡូវមានការងារល្អណាស់កំពុងធ្វើរាល់ថ្ងៃ……

  4. កាលពីប៉ុន្មានអាទិត្យមុនខ្ញុំបានជួប អាបូរ៉ា, អាធី,​អារម្យ យើងផឹកស៊ីនៅ ហាងនិយាយ ពីប្រវត្តិអាឌីតកាលរបសើយើង….
    ពិតមែនតែយើងនៅស្រុកខ្មែមែនតែ ម្នាក់ៗមានសុទ្ធតែរវល់រៀងៗខ្លួន
    ខ្ញុំរវល់ទាល់តែមែនទែន….
    ពេលខ្លះគ្មានទាំងពេលញ៉ាំបាយផង ព្រោះត្រូវមើលកាលខុសត្រូវនៅរោងចក្រ
    អរភ្លេចប្រាប់ឯងអោយឈឹង ខ្្ញុំកាលពី ឆ្នាំ2006-ខែ មិថុនា-ថ្ងៃ09
    បានប្រលងជាប់ លេខ១​ The First Korean Speaking Contest in Cambodia 1회 한국말 말하기 대회 សំរាប់អ្នកនិយាយភាសាកូរ៉េទូទាំងប្រទេស
    ពេលនោះការសែតកូរ៉េឈ្មោះថា 주간 캄푸치아 សប្តាហ៍ខែ្មរបានចុះផ្សាយពេញប្រទេសកម្ពុជា និង​កូរ៉េ ពេលនោះមានអ្នកវិនិយោគកូរ៉េជាច្រើនគេចង់ជួបយើងដើម្បីអោយយើងបំរើកាងារ
    អោយគេ….
    អីឡូវគ្នាធ្វើការនៅរោងចក្រ ជា ជំនួយការអគ្គនាយក
    រវល់ចុយម្រាយហើយ…..ម៉ាងៃៗៗៗ រវល់សឹងគ្មានពេលដកដង្ហើម….

    ចុះចំនែកឯងវិញ រៀនចប់នៅ? មានការងារធ្វើនៅ?
    អីលូវម៉ោង 20​និង 30នាទីហើយ
    ទៅញ៉ាំបាយសិនហើយចាំនិយាយប្រវត្តិតស៊ូបន្តទៀតណា៎….

  5. ចង់​ស្ដាប់​ចម្រៀង​ហ៎? 😉 ទៅ​សុំ​លោកតា​ស៊ិន ស៊ីសាមុត​ទៅ​អ្ហី? មិន​ហ៊ាន​ច្រៀង​ញឹក​ពេក​ទេ ខ្លាច​ក្រុមហ៊ុន​គេ​ចាប់​ដាក់​គុគ។ ហាហា

ឆ្លើយ​តប

Fill in your details below or click an icon to log in:

ឡូហ្កូ WordPress.com

អ្នក​កំពុង​បញ្ចេញ​មតិ​ដោយ​ប្រើ​គណនី WordPress.com របស់​អ្នក​។ Log Out / ផ្លាស់ប្តូរ )

រូប Twitter

អ្នក​កំពុង​បញ្ចេញ​មតិ​ដោយ​ប្រើ​គណនី Twitter របស់​អ្នក​។ Log Out / ផ្លាស់ប្តូរ )

រូបថត Facebook

អ្នក​កំពុង​បញ្ចេញ​មតិ​ដោយ​ប្រើ​គណនី Facebook របស់​អ្នក​។ Log Out / ផ្លាស់ប្តូរ )

Google+ photo

អ្នក​កំពុង​បញ្ចេញ​មតិ​ដោយ​ប្រើ​គណនី Google+ របស់​អ្នក​។ Log Out / ផ្លាស់ប្តូរ )

កំពុង​ភ្ជាប់​ទៅ​កាន់ %s