សារព័ត៌មាន, ស្រុក​ខ្មែរ

ជីគីមី​ឡើង​ថ្លៃ​ខ្ពស់ ប៉ះពាល់​ដល់​ប្រជាកសិករ


កសិកម្ម​ប្រទេស​កម្ពុជា ជា​វិស័យ​សំខាន់​​បំផុត ដែល​សម្រេច​បាន​ទិន្នផល​ ៥០% នៃ​ទិន្នផល​ជាតិ​សរុប ក្នុង​រយៈពេល​កន្លង​មក​នេះ។ ដោយសារ​តែ​កសិកម្ម​ជា​វិស័យ​សំខាន់​បំផុត​សម្រាប់​ប្រទេស​កម្ពុជា ដែល​មាន​ប្រជាជន​ប្រមាណ ៨០ ទៅ ៨៥% ជា​កសិករ ទើប​រាជរដ្ឋាភិបាល​ខិតខំ​ធ្វើ​ប្រព័ន្ធធារាសាស្ត្រ​ដើម្បី​ផ្គត់ផ្គង់​ទឹក​ឱ្យ​គ្រប់គ្រាន់​ដល់​ដំណាំ​កសិកម្ម ដោយ​ផ្ដោត​សំខាន់​លើ​ដំណាំ​ស្រូវ ដែល​ទទួល​បាន​ទិន្នផល​​រហូត​ដល់ ៦៣% នៃ​ទិន្នផល​ផ្សេងៗ​ទៀត។ ទោះ​បី​ជា​ទិន្នផល​ដែល​ប្រមូល​បាន ប្រជាកសិករ​អាច​មាន​លទ្ធភាព​លក់​ចេញ​ឱ្យ​ប្រទេស​ជិតខាង​ក៏​ពិត​មែន តែ​បើ​យើង​សង្កេត​មើល​ជីវភាព​របស់​កសិករ​កម្ពុជា​វិញ ឃើញ​ថា​ភាគច្រើន​មាន​ជីវភាព​យ៉ាប់យឺន រីឯ​ការធ្វើស្រែ​វិញ មិន​មាន​បច្ចេកទេស​ក្នុង​ការធ្វើ​ប៉ុន្មាន​ទេ គឺ​ធ្វើ​ដោយ​ពឹងផ្អែក​ទៅ​លើ​​ទឹកភ្លៀង ប្រើ​កម្លាំង​សត្វ និង​ប្រើ​ជីគីមី​ប៉ុណ្ណោះ​ ដើម្បី​ឱ្យ​បាន​ទិន្នផល​ច្រើន។

ការធ្វើស្រែ​​​​ពឹងផ្អែក​ទៅ​លើ​ជីគីមី​ទាំង​ស្រុង ដើម្បី​ឱ្យ​ទទួល​បាន​ទិន្នផល​ច្រើន។ ដោយសារ​តែ​ទំនិញ​លើ​​ពិភពលោក​ឡើង​ថ្លៃ ស្រប​ពេល​ជាមួយ​ដែល​ទំនិញ​ផ្សេងៗ​នៅ​ប្រទេស​កម្ពុជា​​ឡើង​ថ្លៃ ជីគីមី​ក៏​ឡើង​ថ្លៃ​ផង​ដែរ ដែល​តម្លៃ​នៅ​លើ​ទីផ្សារ​នា​ពេល​បច្ចុប្បន្ន​កើន​រហូត​ដល់ ២៣០.០០០​រៀល (ប្រហែល ៦០​ដុល្លារ) ក្នុង​មួយ​បាវ បើ​ប្រៀបធៀប​ទៅ​នឹង​ឆ្នាំ ២០០៣ មាន​តម្លៃ​ត្រឹមតែ ៧០.០០០​រៀល​ (ជិត ២០​ដុល្លារ) ប៉ុណ្ណោះ។ ទាក់ទង​ទៅ​នឹង​ការ​ឡើង​ថ្លៃ​ជីគីមី​នេះ បើ​យើង​ស្រមៃ​ទៅ​ដល់​កសិករ​ទាំងឡាយ​ដែល​ប្រកប​របរ​ធ្វើ​ស្រែ​ចម្ការ និង​រក​លុយ​បាន​យ៉ាង​លំបាក ថែម​ទាំង​ហូប​ស្ទើរតែ​មិន​គ្រប់​សម្រាប់​ទិន្នផល​ដែល​ទទួល​បាន​ក្នុង​មួយ​ឆ្នាំៗ យើង​អាច​ស្មាន​បាន​ថា កសិករ​កម្ពុជា នឹង​ឈាន​ទៅ​រក​ភាព​ខ្វះខាត​មួយយ៉ាង​ធ្ងន់ធ្ងរ​នៅ​ឆ្នាំ​ក្រោយ។

តាម​ធម្មតា កសិករ​ដែល​មាន​ជីវភាព​ខ្វះខាត និង​មធ្យម មិន​មាន​លទ្ធភាព​អាច​រក​ប្រាក់​មក​ទិញ​ជីគីមី​សម្រាប់​បាច​ស្រែ​ឡើយ។ ពួកគាត់តែង​តែ​ធ្វើ​ការដោះដូរ ដាក់​ស្រូវ ឬ​ខ្ចី​បុល​ពី​អ្នក​ដែល​មាន​ និង​បង់​ការប្រាក់​ដល់​គេ​ទៅ​តាម​​ការកំណត់ រហូត​មក​ដល់​ពេល​ថ្មីៗ​នេះ ខ្ញុំ​ឃើញ​កសិករ​ចងការ​លុយ​ពី​ធនាគារ​​ដើម្បី​ទិញ​ជី​បាច​ស្រូវ ស្ទើរ​គ្រប់​គ្នា ហើយ​​រក​សង​គេ​វិញ​ជា​ក្រោយ។ អ្នក​ខ្លះ ឡើង​មក​ភ្នំពេញ​ដើម្បី​រត់ម៉ូតូឌុប​យក​លុយ​សង​គេ។ ​មួយខែៗ​គ្មាន​សល់​អ្វី​សម្រាប់​សន្សំ​ទេ ព្រោះ​សង​គេ​ស្ទើរ​តែ​ពុំ​គ្រប់​ផង។

សកម្មភាព និង​ជីវភាព​បែប​នេះ កើត​មាន​ចំពោះ​គ្រួសារ​ជាច្រើន។ នេះ​គឺ​និយាយ​សំដៅ​ដល់​ពេល​ដែល​ជី​នៅ​មិន​ទាន់​ឡើង​ថ្លៃ​នៅ​ឡើយ។ ចុះ​បច្ចុប្បន្ន ជី​ដែល​ឡើង​ថ្លៃ​ហួស​ប្រមាណ តើ​នឹង​កើត​មាន​បញ្ហា​អ្វី​ខ្លះ​ដល់​ប្រជាពលរដ្ឋ? វិស័យ​ដ៏​សំខាន់​បំផុត​របស់​កម្ពុជា តើ​អាច​ក្លាយ​ទៅ​ជា​អ្វី​​នៅ​ពេល​ខាងមុខ? បញ្ហា​នេះ ទុក​ឱ្យ​អ្នក​វិភាគ​ពិចារណា​ចុះ។

បញ្ហា​ជីគីមី​ឡើង​ថ្លៃ​នេះ ជា​បញ្ហា​ធំ​ដែល​ធ្វើ​យ៉ាង​ណា​ត្រូវ​តែ​ដោះស្រាយ។ រដ្ឋាភិបាល​យកចិត្ត​ទុកដាក់​ចំពោះ​វិស័យ​កសិកម្ម​នេះ គួរ​តែ​គិត​ដល់​បញ្ហា​ជីគីមី​ឡើង​ថ្លៃ​នេះ​ដែរ។

Advertisements

6 thoughts on “ជីគីមី​ឡើង​ថ្លៃ​ខ្ពស់ ប៉ះពាល់​ដល់​ប្រជាកសិករ”

  1. ជីថ្លៃ ៗចុះអោយតែសាំងថោក មួយលីត 5350 រៀលហើយណា៎
    មិនដឹងថាវានឹងឡើងដល់ចុម្រាយណាទេ?
    មិនហ៊ានជិះឡានទេសុខចិត្តបង្ខំចិត្តទិញកង់អាគុយជិះវិញអាឡូវនេះ
    បើភ្លើងឡើងថ្លៃវិញ ច្បាស់ជាដើរទៅធ្វើការហើយមើលទៅ!

ឆ្លើយ​តប

Fill in your details below or click an icon to log in:

ឡូហ្កូ WordPress.com

អ្នក​កំពុង​បញ្ចេញ​មតិ​ដោយ​ប្រើ​គណនី WordPress.com របស់​អ្នក​។ Log Out / ផ្លាស់ប្តូរ )

រូប Twitter

អ្នក​កំពុង​បញ្ចេញ​មតិ​ដោយ​ប្រើ​គណនី Twitter របស់​អ្នក​។ Log Out / ផ្លាស់ប្តូរ )

រូបថត Facebook

អ្នក​កំពុង​បញ្ចេញ​មតិ​ដោយ​ប្រើ​គណនី Facebook របស់​អ្នក​។ Log Out / ផ្លាស់ប្តូរ )

Google+ photo

អ្នក​កំពុង​បញ្ចេញ​មតិ​ដោយ​ប្រើ​គណនី Google+ របស់​អ្នក​។ Log Out / ផ្លាស់ប្តូរ )

កំពុង​ភ្ជាប់​ទៅ​កាន់ %s