ម្សិលមិញរ៉េនណាបានមកណែនាំឱ្យខ្ញុំដាក់ទង់ជាតិខ្មែរនៅលើប្លក់ ខ្ញុំមិនដឹងធ្វើម៉េចទេ បើប្រកែកខ្លាចក្មេងខឹង ធ្វើតាមក៏មិនអាក្រក់ដែរ ទើបយករូបទង់ជាតិមកដាក់ទៅ តែបើនឹកដល់ទង់ជាតិ ក៏គួរតែដាក់ព្រះមហាក្សត្របង្ហាញដល់ជនទូទៅដែរ និង ដើម្បីឱ្យជនទូទៅ បានហៅ ឬ សរសេរព្រះនាមរបស់ទ្រង់បានត្រឹមត្រូវផង ព្រោះកន្លងមក ភាគច្រើនមិនសូវចាប់អារម្មណ៍ចំពោះរឿងនេះប៉ុន្មានទេ ដែលនេះជារឿងដែលគួរឱ្យអាម៉ាស់ ដែលបែរជាជនជាតិផ្សេងគេហៅឈ្មោះទ្រង់ត្រឹមត្រូវ និង ស្គាល់ទ្រង់ច្រើនជាងប្រជាជនរបស់ខ្លួនទៅវិញ ។ អ្នកដែលមិនសូវយកចិត្តទុកដាក់នោះ មានរួមទាំងខ្ញុំផងដែរ គិតទៅគួរឱ្យខ្មាសខ្លួនឯងដែរ ។ កាលពីប៉ុន្មានថ្ងៃមុននោះ ឃើញលោកសុភ័ក្ត្របានដាក់អត្ថបទដែលថៃវិភាគលើព្រះនាមរបស់ព្រះអង្គ ហើយគេបារម្ភថា គួរហៅព្រះនាមទ្រង់យ៉ាងដូចម្ដេចជាភាសាថៃ ទើបឱ្យបានត្រឹមត្រូវ ទើបធ្វើឱ្យខ្ញុំគិតដល់ខ្លួនខ្ញុំ និងសួរខ្លួនឯង ហេតុអីបានជាគេយកចិត្តទុកដាក់មកលើព្រះនាមរបស់ទ្រង់ ចុះខ្ញុំ? ខ្ញុំហៅព្រះនាមរបស់ទ្រង់មិនបានត្រឹមត្រូវទេ ដូច្នេះ អានអត្ថបទរបស់លោកសុភ័ក្ត្រមួយហ្នឹង ដូចជាបានដាស់សតិខ្ញុំឱ្យភ្ញាក់ពីដេកនៅក្នុងកន្លៀតមួយអីចឹង ។
រ៉េនណា ក៏សំណូមពរឱ្យខ្ញុំដាក់ប្រកាស សុំឱ្យបងប្អូនប្លក់ខ្មែរដាក់រូបទង់ជាតិនៅប្លក់របស់ខ្លួនដែរ ដោយផ្ដាំតាមរយៈខ្ញុំ ហេតុនេះ បើបងប្អូនយើងត្រូវការ អាចយករូបខាងក្រោមនេះទៅប្រើបាន ។
សូមអរគុណរ៉េនណា និង អរគុណបងប្អូនដែលចូលមក ។
URL: https://4khmer.files.wordpress.com/2008/01/king-sihamoni.jpg
URL: https://4khmer.files.wordpress.com/2008/01/flag.jpg
URL: https://4khmer.files.wordpress.com/2008/01/cambodia-flag-200.jpg
សម្រាប់ខ្មែរ 
អរគុណបងប្រុស ចំពោះប្រកាសនេះ! សង្ឃឹមថាគ្រប់គ្នានឹងយល់ច្បាស់ពីបំណងរបស់រ៉េនណា!
វាជាការល្អដែរសម្រាប់ក្នុងការយករូបទ្រង់មកដាក់
តែអ្វីដែលគួរអោយគេហៅថាសមរម្យនោះវាពិបាក ប្រយ័ត្នដូចគេហៅថាធ្វើល្អ
តែមិនបានល្អបានទទួលទោសទៅវិញអ្វីដែលខ្ញុំចង់ពោលគឺ ដូចរូបថតទាំង
ឡាយរបស់សេ្តចថៃគេមិនអោយដាក់ពេញទឹកពេញដីទេ បើតម្លើងកាសែត
ត្រូវនៅលើទំព័រខ្ពង់ជាងគេហើយមិនត្រូវយកវត្ថុអ្វីបិទបាំងបានលើយ
សូម្បីតែវេបសាយក៏អញ្ចឹង មិនម៉ែនចង់ដាក់ក៏ដាក់នោះទេទម្លាក់រូបថត
ទ្រង់ធ្លាក់ទៅដល់ណាដល់ណៃ ។ បើតាមគំនិតខ្ញុំបើចង់ដាក់ម៉ែនគួរតែ
នៅក្បាលគេហទំព័រ វាជារឿងល្អិតល្អត់ណាស់ គួរសិក្សាជាមុនសិន។
សូមមានមតិប៉ុណ្ណេះ សូមអរគុណ
យោបល់ល្អ! តែទោះជាយ៉ាងណា ខ្ញុំសង្ឃឹមថា ខ្មែរនឹងមិនយកតម្រាប់តាមថៃនោះដែរ ។ ខ្ញុំមិនសសើរ ហើយក៏មិនស្ញប់ស្ញែងនឹងទង្វើរផ្ដាច់ការ ចាប់បង្ខំឱ្យប្រជាជនគោរពព្រះមហាក្សត្រ បើមិនគោរព នឹងត្រូវមានទោស ហើយឱ្យលើកតម្កើងព្រះមហាក្សត្រឱ្យខ្ពស់លើសអ្វីៗទាំងអស់ ល្អមើលតែខាងក្រៅ តែបើមើលខាងក្នុងវិញ អាក្រក់លើសអ្វីៗទាំងអស់ ធ្វើអំពើបែបនេះ នៅអួតថាខ្លួនឯងល្អទៀត ។
ត្រឡប់មករឿងរូបព្រះមហាក្សត្រយើងវិញ បើមានការមិនពេញចិត្ត ឬ យល់ថាជាការបន្ទាបព្រះជេស្ដារទ្រង់ ខ្ញុំនឹងដករូបរបស់ទ្រង់ចេញភ្លាម ដើម្បីកុំឱ្យមានការថ្នាំងថ្នាក់ដល់អារម្មណ៍ ។ ៚
យើងស្រឡាញ់ជាតិរបស់យើង ស្រឡាញ់ក្ស័ត្ររបស់យើងមិនចាំបាច់យកគំរូតាមថៃទេ។ ថ្វីដ្បិតតែយើងឃើញថាខ្មែរយ៉ាងច្រើនមិនបានសំញែងលូនក្រាបដាក់ស្ដេចដូចពួកថៃគេធ្វើចំពោះស្ដេចគេ តែក៏មិនមែនមានន័យថាខ្មែរស្អប់ស្ដេចខ្លួនដែរ។ យើងគោរពតាមបែបដែលយើងធ្វើទៅបាន ខ្ញុំឃើញថាល្មមសមគួរហើយ។ ឯរឿងថៃគេធ្វើយ៉ាងមិចចំពោះស្ដេចគេនឹងឲ្យគេធ្វើចុះ។
មិនម៉ែនថាខ្ញុំមិនពេញចិត្តដែលបានដាក់រូបទ្រង់ក្នុងនេះលើយ
តែវាជាគំនិតខ្ញុំថា បើដាក់គួរតែតម្លើងលើក្បាលគេហទំព័រ ចំពោះលោកចង់
ដាក់ត្រង់ណាក៏បានដែរ សូមគិតថាវាជាយោបល់មួយប៉ុណ្ណោះ ហើយខ្ញុំក៏មិនដឹង
ថាយោបល់គំនិតដែលខ្ញុំគិតត្រឹមត្រូវដែរឬទេ សូមអរគុណ
លោកបឿនលឿនមែនពេលខ្ញុំសរសេរអត់មានខំមេនត៍នេះផង ដល់ផុសចេញមកបស់លោកបឿនឯងចេញមុនវិញ យីស!។
ខ្ញុំយល់ស្របមតិលោកបឿន។ បើសិក្សាពីប្រវត្តិក្ស័ត្រយើងវិញទើបដឹងថាទ្រង់គួរឲ្យស្រឡាញ់គោរពសម្បើមណាស់។ ទ្រង់ជាស្ដេចប្រជារាស្ត្រ មិនមែនជាស្ដេចអាទិទេពទេ។ ឯរឿងលោកបឿនចង់ដាក់រូប ឬមិនចង់ដាក់រូបទ្រង់នោះស្រេចតែលោកបឿនឯងគិតថាសមឬមិនសមខ្លួនឯងទៅ។ មិនចាំបាច់គិតពីរឿងគេនោះទេ។ អរគុណ!
ងាប់! ផុសក្រោយលោកសុទ្ធិពង្សទៀត!
បាវចនាជាតិយើងគឺ ជាតិ សាសានា ព្រះមហាក្សត្រ ដូច្នេះការគារព អោយតំលៃ និងលើកស្ទួយគឺជាភារកិច្ចរបស់កូនខ្មែរយើងគ្រប់រូប មិនប៉ាច់មានអ្នកណាមកបង្ខំទេ។ យើងត្រូវចង់ចាំថាគ្មាននរណាស្រលាញ់ជាតិយើងជាងយើងទាំងអស់គ្នានោះទេ។
សូមបន្ថែមមួយទៀតចុះ។ បើនិយាយឲ្យត្រូវនឹងរូបព្រះមហាក្ស័ត្រត្រូវដាក់ក្រោមទេ។ ព្រះមហាក្ស័ត្រគ្រាន់ជាមនុស្សតំណាងម្នាក់តែប៉ុណ្ណោះ។ លោកគោរពជាតិ គោរពសំពះសង្ឃដូចតែរាស្ត្រសាមញ្ញដែរនឹង។ ជាក់ស្ដែងបាវចនាជាតិខ្មែរគឺ៖ ជាតិ សាសនា ព្រះមហាក្ស័ត្រ។ យើងឃើញថាពាក្យ “ព្រះមហាក្ស័ត្រ” នៅទី៣ទេ។ មិនអញ្ចឹង?!
ងាប់មិចក៏ង៉ៃនេះផុសជាន់គ្នាចឹង?!! អនឡាញតំណាលគ្នាហ្មង!!
ងាប់មិចក៏ង៉ៃនេះផុសជាន់គ្នាចឹង? អនឡាញតំណាលគ្នាហ្មង!
មិនដឹងគួរដាក់នៅណ៎ាទេនៅ Blog ខ្ញុំ។ Widgets ទាំងអស់នៅក្រោមចឹង។ គួរដាក់ទីណាទៅណ៎ោះ?
អត់ចេះដាក់ហងជួយប្រាប់ហងទៅចឹង ថាដាក់អាម៉េច?
ដូចដែលខ្ញុំបាននិយាយហើយ ថាខ្ញុំគ្រាន់តែមានការខ្មាសខ្លួនឯង ដែលស្គាល់ព្រះនាមរបស់ព្រះអង្គមិនច្បាស់ ហើយក៏សង្ឃឹមថា អ្វីដែលខ្ញុំធ្វើ អាចពញ្ញាក់ដល់មិត្រៗ ដែលមិនសូវចាប់អារម្មណ៍នឹងរឿងនេះខ្លះប៉ុណ្ណោះ សំខាន់ គឺខ្ញុំខ្លួនឯង ។ ឯរឿងដាក់ ឬមិនដាក់ ខ្ញុំថា វាមិនសំខាន់នោះទេ តាមតែចិត្តយើង គ្មានអ្នកណាអាចបង្ខំយើងនោះទេ ។
លោកភ័ក្ត្រនិយាយខាងលើ ខ្ញុំយល់ស្រប គឺមិនត្រូវប្រកាន់គតិ ស្ដេចត្រូវតែនៅលើ ទោះជានៅទីណាក៏ដោយនោះទេ ព្រោះវាដូចជាបិទសតិរបស់ខ្លួន កុំឱ្យគិតអ្វីសោះ ក្រៅតែពីពាក្យស្ដេចត្រូវនៅខាងលើជាដរាប ។
គំនិតល្អ! ខ្ញុំគិតទៅស្ថាបនាច្នៃបន្ថែមក្នុង វីហ្វូតូ រកកន្លែងដាក់ព្រះឆាយាលក្សហ្លួង យើងឲ្យសមព្រះរាជកិត្តិយស និង ទង់ជាតិខ្មែរយើងផងដែរ!
🙂 តាមពិត ខ្ញុំដាក់រូបរបស់ទ្រង់ នៅក្បាលទំព័រ តែរករូបដែលទ្រង់លើកព្រះហស្ថប្រណមមិនមានរូបណា អាចយកជាការបាន ។
អ៊ីយ៉ា! ជុំគ្នាល្អណាស់តើ… ខ្ញុំមិនបញ្ចេញយោបល់ច្រើនទេ ការធ្វើបែបនេះជាការល្អហើយ…
ខ្ញុំចង់ដាក់ណាស់! តែខ្ញុំមិនចេះវីធីរចនាក្បាលទំព័រ ឬដាក់រូបនៅផ្នែកម្ខាងនៅក្នុងប្លក់ទេ។
ដូច្នេះបើអ្នកណាមានសន្តានចិត្តឬថ្លាប់ផ្សាយនូវវិធីរចនាទាំងនេះពីមុនមក សូមជួយប្រាប់ផង!!!
ម្នាក់ៗសុទ្ធតែមានយោបល់ល្អ ហើយសុទ្ធតែជាគំនិតដែលបង្ហាញពីទឹកចិត្តស្រឡាញ់និងមនសិការ
ជាតិទាំងអស់។
ចង់បានរូបហ្លួងប្រភេទណាសួរខ្ញុំ ខ្ញុំសន្សំរូបចាស់ៗបានច្រើនណាស់។
ខ្ញុំយល់ថា គួរតែដាក់រូបមហាក្សត្រ ក្រោមទង់ជាតិ
ព្រោះទង់ជាតិតំណាងអោយ ប្រទេសខ្មែរ ប្រជាពលរដ្ឋខ្មែរ ទឹកដីខ្មែរ ហើយព្រះមហាក្សត្រ ក៏មានដើមកំណើត នៅលើទឹកដីខ្មែរ
មិនគួរដាក់រូបមហាក្សត្រជាន់ទង់ជាតិខ្មែរ នោះទេ
លោកភាក់ៈ អាចចែកមកខ្ញុំបានខ្លះបានទេ?
លោកសង្ហារៈ សមហេតុផលណាស់ តែខ្ញុំថា មិនចាំបាច់ប្រកាន់រឿងនេះពេកទេអ្ហី? សូមអរគុណច្រើន ៕
ត្រឹមត្រូវហើយបឿន វាជាការជួយប្រូម៉ូតអោយជនបរទេសស្គាល់ព្រះមហាក្សត្ររបស់យើងផង។ ព្រោះប្រទេសខ្លះមិនទាំងដឹងថាប្រទេសខ្ែមរយើងមានព្រះមហាក្សត្រផង ឫុមិនស្គាល់ថាប្រទេសខ្មែរយើងមានឈ្មោះជាផ្លូវការថាយ៉ាងម៉េចផង។ តែសូមទោសប្លក់ខ្ញុំប្រហែលជាមិនអាចដាក់រូបទ្រង់បានទេ ព្រោះជួនកាលខ្ញុំដាក់រូបមិនល្អក្នុងប្លក់របស់ខ្ញុំ ដូចជារូបស្រីសេចស៊ីជាដើម។ បើសិនជាឃើញរូបរបស់ទ្រង់នៅទន្ទឹមនឹងរូបទាំងនេះ វាជះឥទ្ធិពលមិនល្អទៅវិញទេ តែរូបទង់ជាតិខ្ញុំអាចដាក់បាន។ នេះគ្រាន់តែជាគំនិតយោបល់ខ្ញុំទេ សូមអរគុណ។
តាមចិត្តចុះ លោកខឿត! ដាក់រូបទ្រង់ច្រើនពេក ខ្លាចតែចូលក្នុងសារព័ត៌មានគ្រប់គ្នាផងទេ 😀
បងហ្អា! ដាក់បែបណាទៅអារចនាវាអត់ព្រមប្រាប់សោះ!
តាមក្រញិចសួរឱ្យប្រាប់ទៅ ព្រោះនេះរចនាអ្នកមកផ្គើនបងឱ្យដាក់ទេ ។ បងប្រញាប់ ពេលក្រោយសឹមបងប្រាប់ ។ លាសិនហើយប្អូន!
ប្រទេសកម្ពុជាមានបាវចនា ជាតិ សាសនា ព្រះមហាក្សត្រ។ សម្រាប់ខ្មែរអ្នកតែងតែប្រមាថមើលងាយស្ថាប័នព្រះមហាក្សត្រ និងព្រះមហាក្សត្រផ្ទាល់គឺជាពួកកំពុងតែមិនស្គាល់ខ្លួនឯងថាជាខ្មែរនិងមិនមែនជាជនជាតិនាពេលអនាគតដ៏ឆាប់ៗនេះ។
ដោយក្តីបារម្ភយ៉ាងខ្លាំងពីខ្មែរម្នាក់៕
ជាការល្អណាស់បង!
ខ្្ញុំមានសេចក្តី សោមនស្សណាសចំពោះ ការទង់ជាតិនៅ
ក្នុងប្លក់ណាស់។
ព្រោះ យើងជាកូនខ្មែរត្រូវតែ ដាក់ទង់ជាំតិរបស់
ប្រទេសយើងនៅ ក្នុងប្លក់របស់យើង។
ព្រោះ យើងជាខ្មែរ!
អរគុណបងបឿននឹងបងរចនាហើយ។
ភានិយាយត្រូវហើយ។ យ៉ាងហោចណាស់ ក៏យើងបានបង្ហាញពីជាតិយើងដល់បរទេសខ្លះដែរ និងដើម្បីឱ្យគេយល់ថាយើងពិតជាមានមោទនភាពចំពោះជាតិយើងមែន។