ដើម្បីលើកយកពាក្យដែលខ្ញុំ តែងតែសរសេរខុស ក៏ដូចខ្មែរជាច្រើនបានសរសេរខុស ខ្ញុំសូមបង្កើតផ្នែកមួយផ្សេងទៀត គឺ «អក្ខរាវិរុទ្ធ» ។ ការបង្កើតផ្នែកនេះឡើង គឺគ្រាន់តែដើម្បីកុំឱ្យខ្ញុំភ្លេចពាក្យទាំងនោះ ហើយប្រើច្រឡំម្ដងទៀត ព្រោះរឿងភ្លេចនេះ គឺវាញឹកញយហើយសម្រាប់ខ្ញុំ ។ ទោះបីជាផ្នែកនេះ មានប្រយោជន៍ ឬ មិនមានប្រយោជន៍សម្រាប់ប្រិយមិត្រ ក៏សូមកុំយកទោសពៃអ្វីនឹងខ្ញុំបាទឡើយ ព្រោះវាមិនជាអ្វីធំដុំទេ ។ សូមបញ្ជាក់ថា ពាក្យដែលខ្ញុំនឹងយល់ថាត្រឹមត្រូវ គឺពឹងលើវចនានុក្រមតែមួយគត់របស់ខ្មែរយើង គឺវចនានុក្រមរបស់សម្ដេចសង្ឃរាជជួន ណាត ។ ទោះជាយ៉ាងណាក៏ដោយ ក៏ខ្ញុំមិនជំទាស់សម្រាប់ការរិះគន់ទាំងឡាយមកលើផ្នែកនេះដែរ បើមានខុសក៏សូមជួយកែផង ដើម្បីកុំឱ្យវាខុសតទៅទៀត ។ ឆ្លៀតឱកាសនេះ ក៏សូមអរគុណផងដែរ សម្រាប់ការចំណាយពេលមកអានប្លក់នេះ និង សូមជូនពរ ឱ្យមានសំណាងល្អ គ្រប់ ៗ គ្នា ។ សូមអរគុណ !
តាមខ្ញុំសង្កេតឃើញ មានអ្នកប្រើមួយចំនួនធំ បានសរសេរពាក្យ «អាសយដ្ឋាន» ខុសដោយមិនដឹងខ្លួន ដែលសរសេរជា «អស័យដ្ឋាន ឬ អាស័យដ្ឋាន» ចំណែកពាក្យដែលត្រឹមត្រូវគឺ «អាសយដ្ឋាន» នេះទេ ។
អាសយដ្ឋាន ន. ( បា. ) ទីសម្រាប់នៅអាស្រ័យ, លំនៅនៃជនណាមួយ; ទីនៅអាស្រ័យដែលគេសរសេរកាខ្នងស្រោមសំបុត្រផ្ញើទៅឲ្យបុគ្គលណាមួយ : សូមសរសេរកាខ្នងស្រោមសំបុត្រ តាមអាសយដ្ឋានរបស់ខ្ញុំដូច្នេះ… ។ -សៈយ៉ាត់-ឋាន បា.
សម្រាប់ខ្មែរ 
លីអ លីអ… តែសង្ស័យយើងមិនអាចប្រើពាក្យនឹងបានទេដឹងក្បឿនអើយ អាចម៍ឥណ្ឌានឹង!!!
ទ្រាំប្រើអាចម៍ ឥណ្ឌាសិនចុះ ទម្រាំមានអ្នកដកអាចម៍ឥណ្ឌាចេញពីភាសាយើងអស់ ហាហា ។
ហាហាហា! ឌឺ ៩! កាភាក់ និង ក្បឿន!
ខ្ញុំ មានចំងល់មួយ។ តើយើង មានដែលមានគំនិតអភិវឌ្ឍ អក្សរខ្មែរយើងឲ្យ កាន់តែងាយស្រួល ក្នុងការសរសេរទេ?
ឧទាហរណ៏ដូចជា ពាក្យ “ខ្ញុំ” ជាដើម ពាក្យនេះគឺប្រើប្រាស់ សឹងតែរាល់ឃ្លា ដែលយើងសរសេរ អត្ថបទការងារ។ ពាក្យនេះ ត្រូវវាយដល់៤ Keys ដើម្បីបងើ្កតជាពាក្យនេះឡើង។តើយើងមានគិតថានឹងបង្កើតនូវ Keys បន្ថែមដើម្បីឲ្យអ្នកប្រើប្រាស់មានភាពងាយស្រួល។ ដូចជា ចុចតេមួយ Keys បានតែម្តង?
ខ្មុំដឹងថាយើងអាច កូពី និង ផាស់ ប៉ុន្តែ គំនិតខ្មុំគឺចង់ឲ្យមានការអភិវឌ្ឍ ទៅទៀតដើម្បីឲ្យមានការងាយស្រួលបន្ថែមទៀត។ ខ្មុំធ្លាប់ប្រើ Macro ដើម្បីបង្កើនល្បឿនក្នុងការសរសេរ លើពាក្យដែលត្រូវចំណាយពេលវែង នឹងវាយ។ គឺខ្មុំឲ្យលេខកូតទៅអក្សរទាំងនោះ។ តើមាននរនាមានយោបល់ក្រៅពីនេះទេ?
សូមអរគុណ បើគំនិតខ្មុំមិនទំនងទេ សូមកុំរវល់អី៕
ជោគជ័យការងារ
យាយតាមតែការពិតតើហ៍លោកវីអើយ។ ចេះឌឺអីខ្ញុំ តែបើឌឺ៩ខ្ជិលណាស់ទាល់៩កន្លះអីណោះ 😛
ធ្វើបែបហ្នឹងមិនបានទេ បូរាណ ព្រោះអក្សរនិមួយ ៗ ត្រូវបានផ្ដល់ឱ្យដោយកូដមួយ មិនដូចលីមូន ឬ អេប៊ីស៊ីទេ ដែលចង់ដាក់យ៉ាងណាក៏ស្រេចតែចិត្តយើងចង់បាន ។ ការតម្រៀប តាមលំដាប់អក្សរក៏ពឹងលើកូដនេះដើម្បីតម្រៀបដែរ ហេតុនេះ បើដាក់ពាក្យខ្ញុំទៀត តើត្រូវតម្រៀបវានៅចន្លោះណាវិញ ក្នុងចំណោម ក,ខ,… និង ក្នុងចំណោមស្រៈ ? ហេតុដូចនេះ គឺវាមិនអាចទៅរួចទេ ។ សូមអរគុណ !
គ្រាន់តែអានចំណងជើង គេយល់បានហើយ ចាំបាច់សរសេរម៉ាវែង ខ្ជិលអានណាស់
😛
sopheak and beoun are not good
so you’re good, huh?
Oh really? haha…. funny,. ok wish u good then,. : p
Sopheak and Beoun are not good, soooooo whaaaaat?
សុខដារាៈ អរគុណ 😀
ចន្ទៈ បញ្ជាក់ប្រាប់ឱ្យច្រើនបន្តិច ដើម្បីកុំឱ្យគេថា ចេះតែបង្កើតឥតប្រយោជន៍, តាមតែនឹកឃើញ 😀 លើកក្រោយ កាត់ឱ្យខ្លីហើយ កុំឱ្យចន្ទពិបាកអាន ហេហេ ។
សយោបល់បន្តិច ពាក្យ ប័ណ្ណ រឺ បណ្ណ?