កំណាព្យ, ទាក់ទង​នឹង​ខ្ញុំ, ទឹម បឿន

កំណាព្យ​​របស់​ខ្ញុំ​មាន​មុខ​នៅ​លើ​កាសែត​ជា​លើក​ទី​មួយ


កំណាព្យ​របស់​ខ្ញុំ​ ត្រូវ​បាន​កាសែត​ ខេមរា នៅ​សហរដ្ឋ​អាមេរិក យក​ទៅ​ចុះ​ផ្សាយ​ក្នុង​លេខ​១២៣ ឆ្នាំ​ទី​៣ ថ្ងៃ​ទី​៣ ខែ​វិច្ឆិកា ឆ្នាំ​២០០៧ ទំព័រ A21 ។ នេះ​ជា​លើក​ទី​មួយ​ហើយ ដែល​កំណាព្យ​របស់​ខ្ញុំ​ត្រូវ​បាន​ចាប់​អារម្មណ៍ និង​​​ជា​ការ​លើក​ទឹក​ចិត្ត​មួយ​ដ៏​ខ្លាំង​បំផុត ដែល​ជួយ​ជំរុញ​ទឹក​ចិត្ត​​របស់​ខ្ញុំ​ឲ្យ​កាន់​តែ​ចាប់​អារម្មណ៍​ទៅ​លើ​សិល្បៈ​សរសេរ​កំណាព្យ​នេះ​មួយ​កំរិត​ទៀត ។ កំណាព្យ​នេះ ខ្ញុំ​សរសេរ​កាល​ពី​ថ្ងៃ​ទី​២៤ ខែ​តុលា ឆ្នាំ​២០០៧ ហើយ​ត្រូវ​បាន​ចុះ​ផ្សាយ​នៅ​ទីនេះ ។ កំណាព្យ គឺ​ជា​សិល្បៈ​ដ៏​ធំ​មួយ​ក្នុង​ចំណោម​សិល្បៈ​បុរាណ​ខ្មែរ ដែល​យើង​សង្កេត​ឃើញ​តាម​រយៈ​អក្សរសិល្ប៍ សិលា​ចរិត ក្បួន​ខ្នាត​​សម្រាប់​អប់រំ​ផ្សេង ៗ របស់​ដូនតា​យើង ភាគ​ច្រើន​គាត់​ប្រើ​កំណាព្យ​សម្រាប់​សរសេរ ឬ សម្រាប់​អប់រំ​កូន​ចៅ ព្រោះ​ជា​សិល្បៈ​មួយ​ងាយ​ស្រួល​ក្នុង​ការ​ទាក់​ទាញ​ទឹក​ចិត្ត​របស់​អ្នក​អាន​ ឲ្យ​ឆាប់​ចាប់​អារម្មណ៍ ។ កំណាព្យ​នេះ​ដែរ ក៏​ជា​មូលដ្ឋាន​គ្រឹះ​ក្នុង​ការ​តាក់​តែង​បទ​ចម្រៀង​​ផង​ដែរ ។ មាន​មិត្រ​ភក្តិ​មួយ​ចំនួន​ដែល​មិន​ចូល​ចិត្ត​កំណាព្យ ហើយ​យល់​ថា​ ជា​ភាព​ចាស់​គំរិល ដែល​យើង​មក​អង្គុយ​តែង​កំណាព្យ​នៅ​ក្នុង​សម័យ​នេះ ព្រោះ​គ្មាន​នរណា​គេ​ចង់​អាន ចង់​ស្ដាប់​ទៀត​ទេ ប៉ុន្តែ​បើ​តាម​ខ្ញុំ​សង្កេត​មើល​តាម​វិបសៃត៍ និង ប្លក់​មួយ​ចំនួន​ធំ ឃើញ​ថា​មិន​សូវ​បោះបង់​កំណាព្យ​ប៉ុន្មាន​ទេ គឺ​គេ​តែង​តែ​យក​កំណាព្យ​មក​ដាក់​ជា​ផ្នែក​មួយ​នៃ​វិបសៃត៍​របស់​គេ ។ តួ​យ៉ាង ខ្ញុំ​ក៏​ឃើញ​មាន​មិត្រ ៗ ភាគ​ច្រើន​ចេះ​តាក់តែង​បទ​កំណាព្យ​ ហើយ​តែង​បាន​ល្អ ៗ ទៀត​​ផង ជា​ពិសេស​មិត្រ​រួម​ប្លក់ និង មិត្រ​នៅ​តាម​ទំព័រ​វេទិការ ជា​ដើម នេះ​បញ្ជាក់​ថា កំណាព្យ​នៅ​តែ​ពេញ​និយម​សម្រាប់​មនុស្ស​ជំនាន់​ក្រោយ ។ ខ្ញុំ​សង្ឃឹម​ថា កំណាព្យ ដែល​ជា​កេរ្តិ៍​ពី​ដូនតា​របស់​យើង នឹង​នៅ​តែ​មាន​តម្លៃ ហើយ​មាន​ភាព​រស់​រវើក ក្នុង​សម័យ​កាល​នេះ និង ត​ទៅ​អនាគត ។ សម្រាប់​ខ្ញុំ ក៏​នឹង​ខិត​ខំ​ត​ទៅ​ទៀត សង្ឃឹម​ថា ខ្ញុំ​នឹង​​អាច​ជា​​​មនុស្ស​ម្នាក់​ដែល​អាច​ជួយ​​​ស្ទួយ​លើ​ផ្នែក​នេះ​ផង​ដែរ ។

សូម​អរគុណ​ដល់​កាសែត​ខេមរា

p21.jpg
​នៅ​លើ​កាសែត​ខេមរា

http://khemaratimes.com

Advertisements

37 thoughts on “កំណាព្យ​​របស់​ខ្ញុំ​មាន​មុខ​នៅ​លើ​កាសែត​ជា​លើក​ទី​មួយ”

  1. តែង​មិន​បាច់​វែង​ពេក​ទេ!!! វា​សំខាន់​ពេល​គេ​បក​ស្រាយ​នោះ!!! ពេល​រ៉េនណា​រៀន កំណាព្យ​របស់​លោក​តា​ង៉ុយ បក​ស្រាយ​ម្ដង​ៗ អស់​បួន​ដប់​ទំព័រ! អា​មួយ​នឹង រ៉េនណា​គិត​យូរ​ហើយ​ថា​បែប​ជាប់!!! បង​បឿន​តែង​ពីរ​បី​ទៀត​មក ចាំ​រ៉េនណា​ផ្ញើ​ឱ្យ​បង​តារាឬទ្ធិ ឱ្យ! អូខេ?

  2. រឿង​ម៉ា​គគោក កោត​តែ​បង​មើល​អត់​ឃើញ!!! ជិត​បោះ​ឆ្នោត​ចឹង សម្បូរ​រឿង​សរសេរ​ណាស់! ហើយ​បើ​បង​បើក​វិទ្យុ អាស៊ី​សេរី ព្រឹក​ៗ វិញ, មាន​មនុស្ស​យំ​ពេញ​តែ​វិទ្យុ​នឹង!

  3. ចេះ​នឹក​ឃើញ​រ៉េនណា មិន​អី​ទេ ចាំ​បង​សាក​ស្ដាប់​មើល 😀 ព្រោះ​ចង់​ល្បី​ដែរ​ហ្នឹង ។ ហើយ​ចុះ​ប្អូន​ឯង មិន​គិត​តែង​ទេ​អ្ហី ? ដូច​ជា​ស្ងាត់​ម្ល៉េះ​ឥឡូវ ?

  4. អីយ៉ា… ខានបើកប្លក់តែបួន ប្រាំង៉ៃសោះ ឡើងល្បីចូលកាសែតទៀត សូមជួយអបអរផង ។ និយាយចឹងមានបងប្អូនណាមានរូបទេសភាពនៅក្រុងកែបអត់? ចង់យកដាក់វេបសាយតិច..

  5. ហាស ហា… ខ្ញុំទើបមកពីក្រុងកែបដែរតែថតរូបអត់កើតសោះ មេឃស្រអាប់ពេក ណាមួយកាមេរ៉ាអន់ផង ។ ចង់អាប់ដេតរូបភាពនៅវេបសាយ http://www.kepcity.com និង http://www.krongkep.com តិច ខានអាប់ដេតជិតកន្លះឆ្នាំហើយ ។

  6. អូហ៍ ចឹង​ទេ​អ្ហី ? បើ​អីចឹង ខ្ញុំ​មិន​ហ៊ាន​ទៅ​ថត​ទេ ខ្លាច​ថត​មក​អត់​ទិញ​អ្ហី ខាត​ទទេ ៗ ហើយ ហេហេ ។ និយាយ​អីចឹង វេបសាយ​ហ្នឹង ធ្វើ​បាន​ស្អាត​ ៗ ដល់​ហើយ ។ ពិត​ជា​ពូកែ​ខាង​ហ្លាស្ហ​មែន ។

  7. មិនពូកែអីទេ ចេះតែធ្វើៗទៅដើម្បីជួយ Promote វិស័យទេសចរណ៏នៅទីនោះព្រោះខ្ញុំស្រលាញ់ទឹកដីនៅទីនោះណាស់ ។ បើសិនងៃណាបឿនមានរូបភាពនៅណឹងជួយអីមែលអោយផង.

  8. គន់មើលកំណាព្យចាបអារម្មណ៍​​​​​​
    ហឫទ័យគ្រៀមក្រំចិត្តនឹកអាណិត
    នេះឬវាសនាទេវតាកម្រិត
    ធ្លាកលើជីវិតឈ្មោះអ្នកសុំទាន៕
    សូមអរគុណច្រើន!!!!!!!!!!!!

ឆ្លើយ​តប

Fill in your details below or click an icon to log in:

ឡូហ្កូ WordPress.com

អ្នក​កំពុង​បញ្ចេញ​មតិ​ដោយ​ប្រើ​គណនី WordPress.com របស់​អ្នក​។ Log Out / ផ្លាស់ប្ដូរ )

រូប Twitter

អ្នក​កំពុង​បញ្ចេញ​មតិ​ដោយ​ប្រើ​គណនី Twitter របស់​អ្នក​។ Log Out / ផ្លាស់ប្ដូរ )

រូបថត Facebook

អ្នក​កំពុង​បញ្ចេញ​មតិ​ដោយ​ប្រើ​គណនី Facebook របស់​អ្នក​។ Log Out / ផ្លាស់ប្ដូរ )

Google+ photo

អ្នក​កំពុង​បញ្ចេញ​មតិ​ដោយ​ប្រើ​គណនី Google+ របស់​អ្នក​។ Log Out / ផ្លាស់ប្ដូរ )

កំពុង​ភ្ជាប់​ទៅ​កាន់ %s