សម្រាប់ខ្មែរ

លេខទូរស័ព្ទថ្មី

ទឹម បឿន — Wed, 24 Jun 2009 13:11:03 +0000

ទើបដូរលេខទូរស័ព្ទថ្មី តែមិនបានប្រាប់មិត្រភក្ដិ ឥឡូវប្រកាសប្រាប់នៅហ្នឹងហ្មងទៅស្រួល ហេងស៊យ មានអ្នកចាប់អារម្មណ៍

លេខថ្មី អូវ័នស៊ិច ស៊ិចវ័នធូ ធូវ័នស៊ិច (០១៦ ៦១២ ២១៦) ខលមកពេលណាក៏បានដែរ ឲ្យតែចំពេលខ្ញុំទំនេរ។

អរគុណ!

ទាត់ខ្យល់

ទឹម បឿន — Mon, 22 Jun 2009 02:41:56 +0000

ស្រុកខ្មែរយើងឥឡូវវាក្ដៅពេក ខ្ញុំសុខចិត្តដើរទាត់ខ្យល់ឲ្យបានល្ហើយសិន ។ ការងារថ្មីដែលទើបនឹងចូលក្ដៅៗ និងទើបដាក់អួតនៅប្លក់ប្រហែលពីរបីអាទិត្យមុននេះ ស្រាប់តែក្រុមហ៊ុនតៃស្មិង មេរត់ចោលកូនចៅ លុយក៏អត់បើកឲ្យ។ នៅសាលា គ្រូម្នាក់តែងតែណែនាំពីរឿងការងារនេះ គាត់ថា បើមានកន្លែងធ្វើការហើយ ត្រូវតោងឲ្យជាប់សិនទៅ កុំទាន់ហក់លោតខ្លាំងពេក ព្រោះសេដ្ឋកិច្ចឥឡូវមិនសូវល្អ មានក្រុមហ៊ុនបិទជាច្រើនមកហើយ តែខ្ញុំចង់ហក់លោត ព្រោះតែចង់បានជំនាញ និងបទពិសោធន៍ថ្មី ឥឡូវមានអី បានទាត់ខ្យល់លេងទៅ។

ឥឡូវធ្វើយ៉ាងម៉េចឆាប់បានការងារធ្វើវិញហ្ន៎? ហ៊ានតែអត់ការងារយូរបន្តិច ដាច់ពោះស្លាប់ហើយខ្ញុំ។

ពិធីសម្ពោធទស្សនាវដ្ដីកេរដំណែលខ្មែរ

ទឹម បឿន — Wed, 03 Jun 2009 04:41:14 +0000

http://kerdomnel-khmer.org

កម្មវិធីមាន៖

ម៉ោង ១៧” ០០ ចុះឈ្មោះអ្នកចូលរួម
ម៉ោង ១៧” ៣០ បើកកម្មវិធី
ម៉ោង ១៧” ៣៥ បទស្វាគមន៍ដោយលោក ចិន្ត ច័ន្ទរតនា នាយកទស្សនាវដ្ដី កេរដំណែលខ្មែរ
ម៉ោង ១៧” ៤៥ ចំណាប់អារម្មណ៍ ឯកឧត្ដម បុង សុវត្ថិ សាកលវិទ្យាធិការនៃសាកលវិទ្យាល័យ ភូមិន្ទ និងវិចិត្រសិល្បៈ
ម៉ោង ១៧” ៥៥ ចំណាប់អារម្មណ៍ ឯកឧត្ដម ជុច ភឿន រដ្ឋលេខាធិការក្រសួងវប្បធម៌ និងវិចិត្រសិល្បៈ
ម៉ោង ១៨” ០៥ ពិសាអាហារសម្រន់ និងបិទកម្មវិធី។

លោកអ្នកអាចអញ្ជើញចូលរួមដោយសេរី។ ក្នុងនោះក៏មានជូនទស្សនាវដ្ដីដល់ភ្ញៀវដែលអញ្ជើញទៅចូលរួមដោយឥតគិតថ្លៃ ក្នុងចំនួន២០០ក្បាលផងដែរ។

ការងារថ្មី

ទឹម បឿន — Mon, 01 Jun 2009 07:23:04 +0000

ខានចូលមកប្លក់យូរហើយ ដោយសារតែទើបបានការងារថ្មី និងមានការងារធ្វើច្រើន។ ពីមុន ខ្ញុំធ្វើការខាង International Toilet (IT) នៅសណ្ឋាគារ ឡាផារ៉ាន់ដា ឥឡូវប្ដូរមកធ្វើការខាងផ្នែកវិបសាយវិញម្ដង។ ការងារខាងវិបសាយហ្នឹង ខ្ញុំប៉ងយូរដែរហើយ តែសម្ភាសធ្លាក់ពីរដងនៅ វិទ្យុវីអូឌី (VOD) និងនៅទស្សនាវដ្ដីកុំព្យូទ័រ (CM) លើកទីបីនេះបានជាប់។

ចូលធ្វើការនៅកន្លែងថ្មី ស្រួលចិត្តជាងការងារនៅកន្លែងចាស់ឆ្ងាយ ព្រោះធ្វើការតែមួយមុខ និងបានសម្រាកថ្ងៃសៅរ៍ថ្ងៃអាទិត្យផង។ មើលទៅប្រហែលមិនសូវមានពេលទំនេរច្រើនទេ ព្រោះធ្វើវិបសាយឲ្យគេថ្មី ហើយវិបសាយក៏ធំណាស់ដែរ។

ចូលធ្វើការមួយអាទិត្យ ឲ្យម៉ែកោសខ្យល់ម្ដងបាត់ហើយ ។

យប់ ១២កើត

ទឹម បឿន — Thu, 21 May 2009 08:20:55 +0000

បទនេះខ្ញុំចូលចិត្តមែនទែន ស្ដាប់ទៅលន្លង់លន្លោចដល់កហើយ មានមួយគ្រាន់ចាក់បទហ្នឹងរាំពីរនាក់ មិនដឹងទៅជាយ៉ាងណាទេ…

បទខាងលើច្រៀងដោយ ព្រាប សុវត្ថិ។ បទដើមជាបទរបស់ ស៊ិន ស៊ីសាមុត តែខ្ញុំចូលចិត្តបទរបស់ព្រាប សុវត្ថិជាង។ បើបទ ស៊ិន ស៊ីសាមុត ខាងក្រោមនេះ គេម៉ិចភ្លេង ម៉ិចអីធ្វើខារ៉ាអូខេ ស្ដាប់លែងចង់កើតហើយ។

ក្បាច់នៅបន្ទាយស្រីដែលគេយកមកច្នៃ

ទឹម បឿន — Wed, 20 May 2009 09:46:44 +0000

ខ្ញុំភ្លេចថាខ្ញុំយករូបនេះពីណាហើយ តែជនជាតិបរទេសគេបានច្នៃរូបនេះ ដោយប្រើក្បាច់នៅស៊ុមរូបថត(ក្បាច់ខាងក្រោម) និងក្បាច់ចម្លាក់នៅប្រាសាទបន្ទាយស្រី។

ទស្សនាវដ្ដី កេរដំណែលខ្មែរ

ទឹម បឿន — Sun, 17 May 2009 14:50:40 +0000

ទស្សនាវដ្ដី “ កេរដំណែលខ្មែរ” ជាទស្សនាវដ្ដីផ្នែកសិល្បៈ និងបុរាណវិទ្យាដំបូងបង្អស់នៅក្នុងព្រះរាជាណាចក្រកម្ពុជា។ ទស្សនាវដ្ដីនេះ គឺជាលទ្ធផលមួយ ដែលស្ដែងចេញពីការខិតខំប្រឹងប្រែង របស់ក្រុមការងារស្រាវជ្រាវនៃនិស្សិត និងសាស្ត្រាចារ្យដែលមានជំនាញស្ទើរគ្រប់ផ្នែកដូចជា បុរាណវិទ្យា ស្ថាបត្យកម្ម សិល្បៈ វប្បធម៌ អារ្យធម៌ សិលាចារឹក ប្រវត្តិសាស្ត្រ ទេសចរណ៍ បរិស្ថាន ព័ត៌មានវិទ្យា សេដ្ឋកិច្ច និងអ្នកជំនាញលើផ្នែកស្រាវជ្រាវផ្សេងៗទៀតដែលរួមមានទាំងជនជាតិ ខ្មែរ និងបរទេសជាច្រើនរូបទៀត។ ក្រុមការងារទាំងអស់ បានរួមមតិគ្នាជាធ្លុងមួយក្នុងការបង្កើតឲ្យចេញនូវអ្វីដែលហៅថា “ ផ្លែផ្កានៃកូនចៅខ្មែរជំនាន់ក្រោយ” និង នៅក្នុងទឹកចិត្តដែលស្រឡាញ់ជាពន់ពេកនូវកេរដំណែល និងសម្បត្តិវប្បធម៌ខ្មែរដែលមានអាយុកាលដ៏យូរលង់។ យើងខ្ញុំទាំងអស់គ្នា មានឆន្ទៈតែមួយ គឺខិតខំធ្វើយ៉ាងណាដើម្បីជួយថែរក្សាការពារ និងផ្សព្វផ្សាយវប្បធម៌ អារ្យធម៌ខ្មែរ ទៅតាមលទ្ធភាពដែលអាចធ្វើទៅបាន ជូនទៅដល់មតិជាតិ និងអន្តរជាតិ ហើយជាពិសេសគឺប្រជារាស្ត្រដែលជាកូនខ្មែរគ្រប់រូប ដើម្បីឲ្យយល់អំពីតម្លៃនៃសម្បត្តិវប្បធម៌ជាតិ និងជួយរួមគ្នាថែរក្សាសម្បត្តិ និងកេរដំណែលទាំងនោះ កុំឲ្យបាត់បង់បន្តទៅមុខទៀត ហើយដើម្បីឲ្យស្របទៅនឹងពាក្យស្លោកថា “ វប្បធម៌រលត់ ជាតិរលាយ” “ បំផ្លាញវប្បធម៌ គឺបំផ្លាញអត្តសញ្ញាណជាតិ” “ ថែរក្សាវប្បធម៌ គឺថែរក្សាបាននូវព្រលឹងជាតិ” ។

** ចេញនៅថ្ងៃទី ២៧ ខែឧសភា ឆ្នាំ២០០៩នេះ!

និទាឃៈរដូវនៅមណ្ឌលគីរី

ទឹម បឿន — Wed, 13 May 2009 12:47:08 +0000

បទក្នុងអាល់ប៊ុម «និទាឃៈរដូវនៅមណ្ឌលគីរី» សុទ្ធជាបទស្ទីលខ្មែរ និងពីរោះៗ។ ខ្ញុំជួយឡង់សេឲ្យស្ដាប់ពីរបទ បើចូលចិត្ត រកទិញសេដេស្ដាប់ខ្លួនឯងចុះ។

បទ និទាឃៈរដូវនៅមណ្ឌលគីរី

បទ អានុស្សាវរីយ៍កោះញែក

កុំព្យូទ័រដែលខ្ញុំស្រឡាញ់បំផុត

ទឹម បឿន — Thu, 07 May 2009 07:47:11 +0000

និយាយឲ្យខ្មាសគេម្ដងទៅ រាល់ថ្ងៃហ្នឹងចង់បានកុំព្យូទ័រឡើងចង់ឆ្កួតម្ដងៗហើយ ។ ប៉ងចង់បានកុំព្យូទ័រតាំងពីសូនីនៅម៉ូដែល អិនអែស ស៊ីអែស រហូតដល់អែហ្វដឹបបលយូ ឥឡូវចង់ឡើងដល់ អេដឹបបលយូទៀតហើយ តែដូចគ្មានវាសនាទេ។ ឥឡូវនៅស្រឡាញ់ អែហ្វដឹបបលយូមែនទែន ឲ្យតែទៅហាងកុំព្យូទ័រម្ដងៗ មើលតែវា គិតថាវានឹងក្លាយជារបស់ខ្ញុំ តែរាប់ខែ រាប់ឆ្នាំហើយ បានតែស្រមៃ។ មានពេលមួយ ដេកយល់សប្ដិថាបានកុំព្យូទ័រហ្នឹងមកប្រើ អរចង់ងាប់ហើយ… មិនដឹងពេលណាបានវាសនាមានទេ

អែហ្វដឹបបលយូ ជាកុំព្យូទ័រដែលខ្ញុំស្រឡាញ់បំផុតក្នុងពេលបច្ចុប្បន្ន

អេដឹបបលយូ ប្រហែលជាកុំព្យូទ័រដែលខ្ញុំចង់បានក្នុងពេលអនាគត

ស៊ីម Beeline

ទឹម បឿន — Wed, 06 May 2009 04:38:29 +0000

ទៅធ្វើកុំព្យូទ័រគេនៅផ្ទះពួកម៉ាកយប់មិញ ពួកម៉ាកឲ្យស៊ីម ប៊ីឡាញ ០៩០ មួយ ខ្ញុំទើបបានសាកតេចេញមួយដង(មួយនាទី ៥សេន) មិនទាន់សាកអ៊ីនធឺណិតទេ។ គេថាអ៊ីនធឺណិត ៥០គីឡូបៃ មួយសេន ដូចថ្លៃគួរសមដែរ តែមិនដឹងថាលឿនឬអត់ទេ ចាំពេលក្រោយនឹងសាកមើល។

http://www.beeline.com.kh

សម្រាប់​ខ្មែរ

លេខ​ទូរស័ព្ទ​ថ្មី

ទាត់​ខ្យល់

ពិធី​​សម្ពោធ​ទស្សនាវដ្ដី​កេរដំណែល​ខ្មែរ

ការងារ​ថ្មី

យប់ ១២​កើត

ក្បាច់​នៅ​បន្ទាយ​ស្រី​ដែល​គេ​យក​មក​ច្នៃ

ទស្សនាវដ្ដី កេរដំណែល​ខ្មែរ

និទាឃៈ​រដូវ​នៅ​មណ្ឌល​គីរី

កុំព្យូទ័រ​ដែល​ខ្ញុំ​ស្រឡាញ់​បំផុត