ក្រុមហ៊ុនរើសបុគ្គលិកផ្នែក គណនេយ្យ និង បម្រើអតិថិជន ខែ តុលា 22, 2009
Posted by ទឹម បឿន in សារព័ត៌មាន.2 comments
ក្រុមហ៊ុនដែលខ្ញុំធ្វើការ ត្រូវការបុគ្គលិកផ្នែកគណនេយ្យ និងផ្នែកបម្រើអតិថិជន បើចាប់អារម្មណ៍ សូមផ្ញើស៊ីវីមកលោក អ៊ុន ភាច pheachun@angkorrealestate.com ។
សូមមើលព័ត៌មានការងារខាងក្រោម៖ (ច្រើនទៀត…)
មហាក្សត្រខ្មែរចេញអន្តរាគមន៍រឿងក្ដីលោក ហង្ស ចក្រា ខែ សីហា 27, 2009
Posted by ទឹម បឿន in សារព័ត៌មាន.11 comments
វិទ្យុអាស៊ីសេរី ផ្សាយម្សិលមិញ៖ ព្រះមហាក្សត្រខ្មែរ ព្រះបាទ បរមនាថ នរោត្តម សីហមុនី បានចេញលិខិតមួយច្បាប់ស្នើទៅនាយករដ្ឋមន្ត្រីក្រសួងយុត្តិធម៌ លោក អង្គ វង្សវឌ្ឍនា ពិនិត្យឡើងវិញជុំវិញករណីលោក ហង្ស ចក្រា ដែលត្រូវគេកាត់ទោសឱ្យជាប់ពន្ធនាគាររយៈពេល មួយឆ្នាំ និងពិន័យជាប្រាក់ចំនួន ៩លានរៀល ពីបទផ្សាយព័ត៌មានមិនពិតដោយសារតែកាសែតរបស់លោកបានចេញផ្សាយព័ត៌មាន មួយចំនួន ដែលចោទប្រកាន់ថា លោកនាយករដ្ឋមន្ត្រី ហ៊ុន សែន បានបំបែកមន្ត្រីអាក្រក់និងមន្ត្រីពុករលួយនៅជុំវិញលោក សុខ អាន និងអត្ថបទមានចំណងជើងថា មន្ត្រីនិយម លោក សុខ អាន ប្រឈមមុខនឹងការដកចេញពីតំណែងជាច្រើននាក់ ។
ខ្លឹមសារនៃលិខិត “ ខ្ញុំបានទទួលលិខិតចុះថ្ងៃទី២៤ ខែសីហា ឆ្នាំ២០០៩ របស់នាយកអង្គការមជ្ឈមណ្ឌលកម្ពុជាដើម្បីផ្សព្វផ្សាយព័ត៌មានឯករាជ្យ, អនុប្រធានអង្គការវេទិកាព័ត៌មាននិងបណ្ឌិតសភា, ប្រធានសហភាពអ្នកកាសែតឯករាជ្យ, ប្រធានសមាគមអ្នកសារព័ត៌មានអព្យាក្រឹត្យ ប្រជាធិបតេយ្យ, ប្រធានសមាគមអ្នកសារព័ត៌មានខ្មែរប្រជាធិបតេយ្យ, ប្រធានសមាគមអ្នកសារព័ត៌មានឃ្លាំមើលកម្ពុជា និងប្រធានសមាគមអ្នកសារព័ត៌មានកម្ពុជាដើម្បីសេរីភាព បានទូលស្នើសុំព្រះរាជអន្តរាគមន៍ពីខ្ញុំទៅឧត្ដមក្រុមប្រឹក្សានៃ អង្គចៅក្រមជួយបកស្រាយអំពីសុក្រឹតភាពតាមច្បាប់នៃនីតិវិធីរបស់តុលាការសាលាដំបូងរាជធានីភ្នំពេញ ដែលបានអនុវត្តលើលោក ហង្ស ចក្រា ចាងហ្វាងកាសែតខ្មែរម្ចាស់ស្រុកនោះ” ។
នេះជាលើកទីមួយដែលព្រះមហាក្សត្រចេញធ្វើអន្តរាគមន៍ បន្ទាប់ពីមានសំណើរបស់អង្គការមួយចំនួនដូចបានរៀបរាប់ក្នុងលិខិតរបស់ព្រះអង្គ ប៉ុន្តែលទ្ធផលនៃការពិនិត្យក្ដីនេះឡើងវិញ នៅមិនទាន់ដឹងយ៉ាងណានៅឡើយ ។
ទំនើបកម្មនៃវចនានុក្រមខ្មែរ សម្រាប់កុំព្យូទ័រ ខែ សីហា 25, 2009
Posted by ទឹម បឿន in សារព័ត៌មាន, អក្សរសាស្ត្រ.31 comments
វចនានុក្រមខ្មែរសម្រាប់ប្រើលើកុំព្យូទ័រ បានធ្វើទំនើបកម្មគ្រាទី២ តើមានអ្វីប្រសើរជាងវចនានុក្រមដែលចេញលើកទី១ ?
ទំនើបកម្មវចនានុក្រមគ្រាទី២នេះ ខ្ញុំឃើញមានកែរចនាសម្ព័ន្ធនៅផ្នែកមុខ និងបន្ថែមវេយ្យាករណ៍ខ្មែរ ដែលរៀបរៀងដោយលោក មៀច ប៉ុណ្ណ វេយ្យាករណ៍នោះលោកគ្រាន់តែរៀបចំជាជាគោលៗ មិនទាន់ក្បោះក្បាយនៅឡើយ ។ ប៉ុន្តែខ្ញុំដូចជាប្លែកក្នុងចិត្តដែរ ដែលក្នុងវេយ្យាករណ៍នោះថា ខេត្ត, វិសេស, សេពគប់, បេតី, ចេតិយ, ប្រពៃណី ។ល។ ជាអញ្ញត្រសព្ទ គឺសំដៅលើពាក្យទាំងឡាយណាដែលសំណូរ ខុសពីសំណេរ តែតាមខ្ញុំយល់ ពាក្យទាំងនោះប្រហែលមិនមែនជាអញ្ញត្រសព្ទទេដឹង គឺជាពាក្យដែលខ្ចីពីបាលី-សំស្ក្រឹត ដែលស្រះ អេ អានទៅជាស្រះ អែ, ស្រះអិ អានជាស្រះ អី, ត អានជា ដ ។ល។ ? ពាក្យដែលជាអញ្ញត្រសព្ទ ប្រហែលមានតែ ឱ្យ, អ្នក, អញ… ។ ខ្ញុំមិនហ៊ានថាខុសទេ ទុកឱ្យលោកអ្នកពិចារណាទៅចុះ ។
ទំនើបកម្មលើកទី២នេះ ឃើញថាល្អជាងមុន ដោយមានបន្ថែមវេយ្យាករណ៍ បន្ថែមកំណត់ចំណាំ ដែលយើងអាចសរសេរចំណាំគ្រាន់មើលខ្លួនឯងនៅពេលក្រោយ (អ្វីផ្សេងទៀតខ្ញុំមិនដឹង) ប៉ុន្តែគួរឱ្យសោកស្ដាយ ព្រោះគេបានបិទសិទ្ធិចម្លងអត្ថបទពន្យល់ពាក្យនីមួយៗ គឺមិនអាចចម្លងមកប្រើពីទីនោះបានទេ បើយើងចង់យកអត្ថបទពន្យល់នោះមកប្រើ យើងត្រូវសរសេរតាមវិញ ត្រង់នេះហើយដែលធ្វើឱ្យខ្ញុំនៅតែប្រើកម្មវិធីមុន បើទោះជាដំឡើងកំណែទី២នេះនៅលើកុំព្យូទ័រហើយក្ដី ។ ចំពោះរូបរាងមិនជាបញ្ហាចោទសម្រាប់ខ្ញុំទេ ។
វចនានុក្រមខ្មែរ កំណែទី១
បារខេមព៍ភ្នំពេញ២០០៩ ខែ សីហា 15, 2009
Posted by ទឹម បឿន in សារព័ត៌មាន.10 comments
បារខេមព៍ តាមខ្ញុំយល់ គឺជាកម្មវីធី ឬការជួបជុំជជែកនិងផ្ដល់បទពិសោធន៍ទៅវិញទៅមករវាងអ្នកចូលរួម ។ ចុះបារខេមព៍ភ្នំពេញ? តាមខ្ញុំដឹង ប្រហែលគេនិយាយស្អីៗទាក់ទងជាមួយកុំព្យូទ័រ ដូចជា ទាក់ទងជាមួយវិបសាយ មាន ការរចនាវិបសាយ, ប្លក់, Twitter, ហ្គេមអ៊ីនធឺណិត, Social Network… ឬទាក់ទងនឹងកម្មវិធីផ្សេងៗដែលប្រើជាមួយកុំព្យូទ័រ, កម្មវិធីបើកទូលាយ, ដោយមានបង្ហាញទាំងបច្ចេកវិជ្ជាថ្មីៗសព្វបែបយ៉ាង ។ អ្នកចូលរួមអាចរកប្រធានបទមួយផ្ទាល់ខ្លួនសម្រាប់បង្ហាញគេ តែបើគ្មាន គ្រាន់តែអង្គុយចាំស្ដាប់គេក៏បានដូចខ្ញុំក៏បាន 
។
កម្មវិធីហ្នឹង គេធ្វើនៅថ្ងៃទី ៣-៤ ខែតុលា ឆ្នាំ២០០៩ នៅសាកលវិទ្យាល័យ បញ្ញាសាស្ត្រ ។ បើចាប់អារម្មណ៍ សូមចូលទៅចុះឈ្មោះនៅវិបសាយ barcampphnompenh.org ឱ្យបានឆាប់ ប្រយ័ត្នអស់អាវ lolz ។ ផ្ដាំទៅម្ចាស់កម្មវិធីឱ្យហើយ រឿងអាវហ្នឹង តែខ្ញុំអត់បានរឿងហ្មង ព្រោះខ្ញុំចុះឈ្មោះមុន ហាហា ។
លុយមួយលានដុល្លាររលាយ រោងការក៏លុបចោលដោយសារចាញ់បោកតាមអ៊ីនធឺណិត ខែ សីហា 5, 2009
Posted by ទឹម បឿន in សារព័ត៌មាន.18 comments
ភ្នំពេញ៖ ចន្នា សង្ឃឹមថាបុរសមហាសេដ្ឋីអង់គ្លេសម្នាក់នឹងមករៀបការជាមួយនាង ដោយនាំយកមកនូវបណ្ណាការរហូតដល់ទឹកប្រាក់ក្នុងរង្វង់មួយលាន ដុល្លារ។ ដូច្នេះចន្នាមិនអល់អែកឡើយក្នុងការអញ្ជើញភ្ញៀវសម្រាប់មង្គលការ ហើយកក់កន្លែងសម្រាប់អាពាហ៍ពិពាហ៍របស់នាង។ ប៉ុន្តែនៅពេលដែលនាងទៅរង់ចាំនៅព្រលានយន្តហោះ បុរសនោះមិនបានបង្ហាញខ្លួនតាមកាលកំណត់ឡើយ។ ចន្នា បានក្លាយទៅជាស្ត្រីម្នាក់ដែលចាញ់បោកមនុស្សនៅក្រៅប្រទេស តាមរយៈការទំនាក់ទំនងតាមអ៊ីនធឺណិតរហូតដល់អស់លុយជាច្រើនពាន់ ដុល្លារ។ (ច្រើនទៀត…)
