ប្ដូរ​ទៅ​មើល​កុន​រឿង Captain America


គម្រោង​មើល​កុន​រឿង អ៊ូសៀ នៅ​រោងភាពយន្ត The Cineplex ត្រូវ​បាន​ប្ដូរ​ទៅ​មើល Captain America វិញ ព្រោះ​ជា​កុន​ 3D ។ នេះ​ជា​លើក​ទី​មួយ​ដែល​ខ្ញុំ​ចូល​មើល​កុន 3D ។ រឿង​នេះ​ល្អ​មើល​ណាស់, ឈុត​ឆាក​ខ្លះ អង្គុយ​ប្រឹង​តាម​ឡើង​រឹង​ខ្លួន ត្រង់​កន្លែង​ Roggers គប់​ខែល​មក​ចំ​អេក្រង់ អ្នក​មើល​ស្រែក​ និង​គេច​ស្ទើរ​គ្រប់​គ្នា ។ នេះ​ជា​សាច់រឿង​សង្ខេប ។

ដំណើរ​រឿង​កើត​ឡើង​ក្នុង​កំឡុង​សង្គ្រាម​លោក​លើក​ទី​ពីរ​ចូល​ដល់​​អាមេរិក ឆ្នាំ ១៩៤២Steve Rogers មាន​​កាយសម្បទា​​ស្គម​ មិន​​សម​​ក្នុង​កិច្ចការ​ជួរ​កង​ទ័ព ក៏​ស្ម័គ្រ​​ប្រគល់​ខ្លួន​ឲ្យ​​គម្រោង​ស្រាវជ្រាវ​សម្ងាត់​ពិសេស​កែប្រែ​រូបកាយ​របស់​គាត់​ឲ្យ​មាំមួន ។ វេជ្ជបណ្ឌិត​ស្រាវជ្រាវ​នេះ ត្រូវ​បាន​​​បាញ់​សម្លាប់​ភ្លាមៗ​​ក្នុង​ពេល​នោះ​ដោយ​ភ្នាក់ងារ​របស់​មេ​ដឹកនាំ​​ដេប៉ាតឺម៉ង់​ស្រាវជ្រាវ​​សម្ងាត់ អ៊ីដ្រា (HYDRA) របស់​ណាស៊ី​អាល្លឺម៉ង់ ដែល​មាន​ក្បាល​ក្រហម ហើយ Rogers ត្រូវ​បាន​​គេ​ប្រើ​ឲ្យ​ធ្វើ​ជា​អ្នក​ឃោសនា​ក្នុង​គ្រា​ដំបូងៗ​នោះ ។ លុះ​​ពួកម៉ាក​របស់​គាត់​ត្រូវការ​ឲ្យ​គាត់​ជួយ គាត់​បាន​ធ្វើ​ដំណើរ​ផ្សង​គ្រោះថ្នាក់​​ និង​ត្រឡប់​មក​វិញ​ជាមួយ​ភាពជោគជ័យ ដែល​ធ្វើ​ឲ្យ​គាត់​ក្លាយ​ជា​មេ​បញ្ជាការ​អាមេរិក ធ្វើ​សង្គ្រាម​ប្រឆាំង​នឹង​​ Schmidt, ប្រធាន​ដេប៉ាតឺម៉ង់​ស្រាវជ្រាវ​សម្ងាត់ អ៊ីដ្រា ដែល​មាន​ក្បាល​ក្រហម​នោះ ។

​ទៅ​មើល​កុន​រឿង អ៊ូសៀ ល្ងាច​នេះ


បន្ទាប់​ពី​មាន​រោង​ភាពយន្ត​ខ្នាត​អន្តរជាតិ The Legend បាន​បើក​ដំណើរការ​​ប្រហែល​មួយ​ខែ​កន្លង​មក​,  រោង​ភាពយន្ត​ខ្នាត​អន្តរជាតិ​មួយ​ទៀត​​ឈ្មោះ The Cineplex ក៏​ចាប់ផ្ដើម​​បើក​​បញ្ចាំង​ផង​ដែរ គឺ​បើក​សម្ពោធ​នៅ​ល្ងាច​ថ្ងៃ​ទី ៤ សីហា នេះ ។ រឿង​ដែល​ដាក់​បញ្ចាំង​ដំបូង មាន​​រឿង អ៊ូសៀ (Wuxia)  និង​រឿង Captain America

ខ្ញុំ​​ពីរ​នាក់​ប្រពន្ធ​បាន​គ្រោង​ទៅ​មើល​រឿង អ៊ូសៀ នៅ​ម៉ោង ៩,៣០ នាទី ល្ងាច​នេះ ដែល​មាន​ទីតាំង​នៅ​ផ្សារ​ទំនើប​ សុរិយា ជាន់​ទី ៥ ។

សាច់រឿង​សង្ខេប

Liu Jin Xi (Donnie Yen) ឬ​យើង​ហៅ​ថា កុំកុំ ជា​ម្ចាស់​ហាង​​កំណាត់​សំពត់ រស់នៅ​ជាមួយ​ប្រពន្ធ​ (Tang Wei) រួមទាំង​កូន​ពីរនាក់ ។ ថ្ងៃមួយ មាន​ចោរ​ចូល​មក​ប្លន់​ហាង​លក់​កំណាត់​សំពត់​របស់​គាត់, ដើម្បី​ការពារ​ហាង​​ គាត់​​សម្លាប់​ចោរ​ពីរ​នាក់ ។ អ្នក​ស៊ើបអង្កេត (Takeshi Kaneshiro) ចុះ​មក​តាមដាន​រឿង​នេះ និង​មាន​ព្រឹត្តិការណ៍​ប្រយុទ្ធ​គ្នា​យ៉ាង​កក្រើក​ភូមិ​ដើម្បី​វែកមុខ​ឃាតក… ។

Facebook: facebook.com/SabayCineplex

អំពី​ភាពយន្ត ឃ្លាត​ទៅ! សែន​ឆ្ងាយ!


ក្នុង​ពេល​បញ្ចាំង​រឿង ​ឃ្លាត​ទៅ! សែន​ឆ្ងាយ! នៅ​មេតាហាវស៍ លោក ឆាយ បូរ៉ា (អ្នក​ដឹកនាំ​រឿង) បាន​ឡើង​និយាយ​អំពី​ព័ត៌មាន​ខ្លះៗ​នៃ​សាច់រឿង និង ដំណើរការ​ផលិត ។ ពេល​ដែល​ខ្ញុំ​ទៅ​ដល់ គាត់​បាន​បញ្ចប់​សន្ទរកថា​របស់​គាត់​រួច​ទៅ​ហើយ ។ រេបិកកា ដែល​ជា​អ្នក​គ្រប់គ្រង​ផ្នែក​ធនធាន​មនុស្ស ជនជាតិ​ស្វីស​នៅ​ក្រុមហ៊ុន​របស់​ខ្ញុំ​ជា​អ្នក​ប្រាប់​ខ្ញុំ​អំពី​​ព័ត៌មាន​នេះ ។

សាច់​រឿង​បាន​ផលិត​ឡើង​តាមរយៈ​ការសម្ភាសន៍​លោក​យាយ នួន សីលា ដែល​ជា​ម្ដាយ​ក្មេក​របស់​លោក ឆាយ បូរ៉ា ។ រាល់​ព័ត៌មាន​ដែល​គាត់​រៀបរាប់​ទាំងអស់ គេ​យក​មក​ថត​ជា​សាច់រឿង និង យក​​សំឡេង​របស់​គាត់​មក​បញ្ចូល​ក្នុង​សាច់រឿង​នៅ​តែម្ដង ។ តារាឯក​ដែល​សំដែង​ក្នុង​រឿង​នេះ គឺ​ជា​ប្រពន្ធ​របស់​លោក ឆាយ បូរ៉ា ។ គាត់​នេះ​ឯង​ជា​កូន​របស់​លោក​យាយ នួន សីលា គឺ​ក្មេង​ស្រី​​ក្នុង​សាច់រឿង​ដែល​រស់រាន​មាន​ជីវិត ។ លោក​យាយ​ សីលា ភ្ញាក់​ផ្អើល​ខ្លាំង ពេល​ឃើញ​ភាពយន្ត​នេះ ហើយ​អ្វី​ដែល​គេ​សម្ផាស​គាត់ គឺ​ជា​ដំណើរ​នៅ​ក្នុង​រឿង​នេះ ដោយ​ប្រើ​សំឡេង​របស់​ពេល​គាត់​ឆ្លើយ​សំណួរ ។ […]

តើ​អ្នក​យល់​ថា​រឿង​នេះ​អស្ចារ្យ​ទេ?

អត្ថបទ​ផ្សេង​ទៀត៖

ឃ្លាត​ទៅ! ​សែន​ឆ្ងាយ! (Lost Loves)

ឃ្លាត​ទៅ! ​សែន​ឆ្ងាយ! (Lost Loves)


ឃ្លាត​ទៅ!​សែន​ឆ្ងាយ! ជា​ភាពយន្ត​ថ្មី​និយាយ​អំពី​របប​ប្រល័យ​ពូជ​សាសន៍ ដឹកនាំ​រឿង​ដោយ​លោក ឆាយ បូរ៉ា អតីត​និស្សិត​ផ្នែក​ភាពយន្ត​នៅ​សាកលវិទ្យាល័យ វិចិត្រសិល្បៈ ។ នេះ​ជា​ខ្សែភាពយន្ត​ដំបូង​បង្អស់​របស់​លោក ។ សាច់រឿង​ផ្អែក​លើ​រឿង​ពិត​របស់​ម្ដាយ​ក្មេក​លោក​​ផ្ទាល់ (លោក​យាយ នួន សីលា) ។ រឿង​នេះ​​ធ្លាប់​​ដាក់​បញ្ចាំង​ក្នុង​ទិវា​ភាពយន្ត​អន្តរជាតិ​កម្ពុជា​ក្នុង​ខែ​តុលា ឆ្នាំ ២០១០ និង មាន​ដាក់​បញ្ចាំង​នៅ​មជ្ឈមណ្ឌល​វប្បធម៌ មេតាហាវស៍​ភ្នំពេញ​កាល​ពី​ថ្ងៃ​ទី ២២ ខែ​មីនា​នេះ​ផង​ដែរ ។

គាត់​ថត​បាន​ល្អ​ណាស់ ធ្វើ​ឲ្យ​អ្នក​ទស្សនា​មួយ​ចំនួន​ទប់​ទឹកភ្នែក​មិន​បាន សូម្បី​បរទេស​ក៏​រលីងរលោង​ទឹកភ្នែក​ដែរ ជាពិសេស​ប្រពន្ធ​របស់​ខ្ញុំ ។ ក្រោយ​ពេល​ចប់ ពួក​បរទេស​គ្រវីក្បាល​ដក​ដង្ហើម​ធំ ។ បើ​មាន​ឱកាស សូម​កុំ​ភ្លេច​ទស្សនា​រឿង​នេះ ។

បញ្ជី​ភាពយន្ត​ហូលីវូដ​ឆ្នាំ ២០១១


ខាង​ក្រោម​ជា​បញ្ជី​ឈ្មោះ​រឿង​ដែល​បាន​កំណត់​កាលបរិច្ឆេទ​ចាក់​ផ្សាយ​​ក្នុង​ឆ្នាំ ២០១១ រួច​ហើយ ។

មករា

  1. Country Strong
  2. Season of The Witch
  3. Green Hornet
  4. The Dilemma
  5. Death Race 2
  6. Company Men
  7. No Strings Attached
  8. The Way Back
  9. The Mechanic
  10. The Rite

កុម្ភៈ

  1. Sanctum
  2. The Other Woman Continue reading

ភាពយន្ត​រឿង កិលេស


តាម​មាត់​មួយ​ទៅ​មាត់​មួយ អ្នក​ទស្សនា​រឿង កិលេស ដែល​ជា​ស្នាដៃ​និពន្ធ​របស់​លោក ម៉ៅ អាយុទ្ធ អ្នក​និពន្ធ​រឿង នេសាទ​ក្រពើ ពួក​គេ​មាន​ការពេញចិត្ត និង នាំ​គ្នា​សរសើរ​អំពី​​ការសំដែង និង សាច់​រឿង​របស់​ភាពយន្ត​​​នេះ ។ ប្រសិន​បើ​រឿង​នេះ​ពិត​ជា​ល្អ​ដូច​គេ​និយាយ​​​មែន​នោះ ខ្ញុំ​ជឿ​ថា វិស័យ​ភាពយន្ត​នៅ​ស្រុក​ខ្មែរ​ប្រាកដ​ជា​អាច​ឈាន​ទៅ​មុខ​បន្ត​ទៀត នឹង​អាច​ទៅ​ដល់​កម្រិត​ស្ដង់ដារ​ក្នុង​ថ្ងៃ​ណា​មួយ​ជាក់​ជា​ពុំ​ខាន ។ ដោយឡែក ខ្ញុំ​បាន​សង្កេត​ឃើញ​រឿង រលក​សំឡេង ដែល​បាន​ដាក់​បញ្ចាំង​តាម​ប៉ុស្ដិ៍​ទូរទស្សន៍ ក៏​ថត និង សម្ដែង​បាន​ល្អ​ផង​ដែរ ។ ​ខ្ញុំ​នឹង​រក​​ពេល​វេលា​ណា​មួយ​ដើម្បី​ទៅ​ទស្សនា​រឿង កិលេស នេះ​ឱ្យ​ខាង​តែ​បាន ។

រូបភាព​ពី LIFT

កលល្បិច​ក្នុង​រាជវាំង


រឿង កលល្បិច​ក្នុង​រាជវាំង (宮心計) នេះ​ល្អ​មើល​គួរសម មិន​ថា​តែ​ប្រពន្ធ​ខ្ញុំ ប្អូន​ថ្លៃ​អី​ទេ ខ្ញុំ​ក៏​ជក់​មើល​ណាស់​ដែរ ។ ឥឡូវ​កំពុង​បញ្ចាំង​នៅ​ទូរទស្សន៍​ខ្សែកាប្ល៍ ប្រហែល​ជា​ប៉ុស្តិ៍​លេខ​៨ ឬ​លេខ​៩(?) ប៉ុន្តែ​ជិត​ចប់​ដែរ​ហើយ ។ បើ​លោកអ្នក​ចាប់អារម្មណ៍​ចង់​មើល សូម​​បន្ត​មើល​តាម​លិងខ៍​​ខាងក្រោម ដែល​អាច​មើល​លើ​អ៊ីនធើណិត ឬ​ដោនឡូត​យក​មក​មើល​បាន ។

អាច​មើល ឬ​ដោនឡូត​នៅ​ទីនេះ