jump to navigation

តម្រា​ចូលឆ្នាំ​ថ្មី ថ្ងៃ សៅរ៍ ទី 10 ខែ​មេសា 2010

Posted by ទឹម បឿន in កំណាព្យ, ទឹម បឿន.
trackback

ព្រហាម​ថ្ងៃ​ពុធ ទី​ដប់បួន​គត់ ក្នុង​ខែ​មេសា
ត្រូវ​បាន​កំណត់ តាម​ក្បួន​ហោរា កំណត់​ចារ​ថា
ពេល​ចូល​ឆ្នាំ​ថ្មី ។

ឆ្នាំ​ខាល​ទោស័ក ព្រលឹម​ត្រជាក់ ចូល​ដល់​សិរី
នៅ​​ម៉ោង​ប្រាំពីរ សាម​ប្រាំមួយ​នៃ ជា​ពេល​សួស្ដី
ដល់​រដ្ឋ​ប្រជា ។

មាន​ទេពធីតា រូប​ល្អ​ថ្លៃថ្លា ព្រះនាម​មណ្ឌា
គឺ​ជា​​បុត្រី កបិល​ព្រហ្មា ចូល​មក​រក្សា
គ្រប់គ្រង​​ដែន​ដី ។

គ្រង​ដោយ​អម្ពរ គឺ​អន​ដោយ​ពណ៌ បវរ​ល្អ​ក្រៃ
នៅ​ឯ​ព្រះ​កាណ៍ បុប្ផា​ពណ្ណរាយ ចម្ប៉ា​សព្វសាយ
គន្ធា​​ពិសិដ្ឋ ។

នៅ​ព្រះហស្ត​ឆ្វេង ឈើ​ច្រត់​នោះ​​ឯង សែន​ល្អ​វិចិត្រ
ខាង​ស្ដាំ​ទ្រង់​ម្ជុល ដ៏​ល្អ​ប្រណិត នៅ​ក​សម្អិត
ដោយ​កែវ​ពិទូរ្យ ។

យក​គទ្រភៈ ជា​ពាហនៈ គង់​ឆ្លង​ជម្ពូ
សោយ​ទឹកដោះ​ស្រស់ តាម​ការ​គន់គូរ មាន​មក​ជា​យូរ
តាំង​ពី​បុរាណ ។

នាំ​ទេពធីតា ដង្ហែ​សិរសា ហោះ​ឆ្ពោះ​ទៅ​កាន់
ធម្មមាលី ទី​ព្រៃ​ស្មសាន ក្នុង​ខែត្រ​ហិមពាន្ត
ភ្នំ​ព្រះ​សុមេរុ៍ ។

ហែរ​ប្រទក្សិណ បាន​មួយ​ជុំ​សិន ទើប​នាំ​ដង្ហែ
វិល​មក​ទី​ដើម តាម​ពាក្យ​ផ្ដាំផ្ដែ មហាព្រហ្មី
កាល​នៅ​ជន្មា ។

ក្បួន​ស្រេច​កាល​ណា ទើប​អស់​ទេវតា ចូល​ស្រង់​គង្គា
ក្នុង​មហាស្រះ ដ៏​ធំ​មហិមា ស្រង់​ស្រេច​កាលណា
រក្សា​សិល​ប្រាំ ។

តម្រា​បុរាណ ចារ​តាម​លំអាន នៃ​បុណ្យ​ចូលឆ្នាំ
ឲ្យ​អស់​ប្រជា គោរព​ប្រចាំ ត្រូវ​កត់​ចំណាំ
ត​ដល់​កូនចៅ ៕

ដោយ ទឹម បឿន
១០ មេសា ២០១០

អម្ពរ (ន) សំពត់
អន (គុ) ស្រគំ (ពណ៌)
កាណ៌ (ន) ត្រចៀក
ពិទូរ្យ (ន) ពេជ្រ​ភ្នែក​ឆ្មារ
គទ្រភៈ (ន) សត្វ​លា

About these ads

មតិ»

1. Dycan - ថ្ងៃ សៅរ៍ ទី 10 ខែ​មេសា 2010

យីពូកែតែងមែនល្បង!!!! 100% :D

2. ទឹម បឿន - ថ្ងៃ សៅរ៍ ទី 10 ខែ​មេសា 2010

បាទ អរគុណ!

3. nimol - ថ្ងៃ សៅរ៍ ទី 10 ខែ​មេសា 2010

សូម​សរសើរ! ពូកែ​មែន!

4. bongsal - ថ្ងៃ អាទិត្យ ទី 11 ខែ​មេសា 2010

សួស្តីឆ្នាំថ្មី សូមមានសិរីសួស្តីជ័យមង្គលវិបុលសុខគ្រប់ប្រការ

It is a nice photo. Can I have it on my blog too? :)

5. រដ្ឋ - ថ្ងៃ អាទិត្យ ទី 11 ខែ​មេសា 2010

សត្វ​លា ជា​សត្វ​មិន​សូវ​ស្វាហាប់​ដូច​សេះ​ទេ ឆ្នាំ​នេះ​រាល់​កិច្ច​ការ​ទាំង​ឡាយ​តោង​ចេះ​ប្រុង​ប្រយ័ត្ន​ឲ្យ​បាន​ម៉ត់ចត់​ផង… ដូច​ជា​ការ​សម្រេច​ការ​អ្វី​ធ្វើ​ដោយ​ប្រាជ្ញា​ចិត្ត​គំនិត ទើប​ទេព​ធីតា​ឆ្នាំ​នេះ​ទ្រង់​កាន់​ម្ជុល​និង​ឈើ​ច្រត់ វាពុំ​ស្ដែង​ពី​ការ​ប្រើ​អាវុធ​យុទ្ធភ័ណ្ឌ​ដ៏​គ្រោះ​ថ្នាក់​ឡើយ ។ ការ​សោយ​ទឹក​ដោះ​ស្រស់​កម្រ​ណាស់ ខុស​ពីការ​សោយ​ឈាមរបស់​​ទេវតា​ឆ្នាំ​ទៅ ឆ្នាំ​ផល​ក្នុង​ស្រុក​នឹង​អាច​លក់​បាន​កម្រៃ​ខ្ពល់​តាម​តម្រា…

ចម្លែក​ឆ្នាំ​នេះ​ទេពធីតាឈរលើ​ពាហនៈ!

6. peehs07 - ថ្ងៃ អាទិត្យ ទី 11 ខែ​មេសា 2010

ដូចជាមិនសូវស្រួលទេដឹង ខ្លាដេញសេះ?

ដៃកាន់ម្ជុល ប្រហែលជាស្រុកខ្មែរយើង មានជោគជ័យច្រើន ខាងវិស័យកាត់ដេរហើយមើលទៅ!

កាន់ឈើច្រត់ ប្រហែលចាស់ៗ អាត្រែតច្រើនហើយមើលទៅ ហើយទុកការងារឱ្យកូនចៅក្មេងៗធ្វើម្តង!

បឿនប្រសប់តែង កំណាព្យមែន!

សូមរិទ្ធីបារមីឆ្នាំថ្មី ចូរមានដល់យើងជាខ្មែរទាំងអស់គ្នា កុំបីខានឡើយ!

7. kooms - ថ្ងៃ ចន្ទ ទី 12 ខែ​មេសា 2010

សូស្ដី​ឆ្នាំថ្មី! ជួន​ពរ​អ្នក​រាល់​គ្នា​មាន​សុខភាព​ល្អ!

8. ជីវិតអមតៈ - ថ្ងៃ ចន្ទ ទី 12 ខែ​មេសា 2010

សួស្តីឆ្នាំថ្មី!​សូមប្រសិទ្ធិពរជ័យសិរីមង្គលគ្រប់ប្រការជូនដល់គ្រប់ៗគ្នា
សូមមើលរូបភាពហ្ន៎! ទោះបីសត្វលាមិនសូវស្វាហាប់ដូចសេះក៏ដោយ
ក៏ខំប្រឹងរត់ឲ្យស្វាហាប់ដែរព្រោះអីសត្វខ្លាដេញតាមកៀកជាប់ពីក្រោយ…

9. យ៉ា - ថ្ងៃ ចន្ទ ទី 12 ខែ​មេសា 2010

បង​ដឹង​ថា​​ចូល​ឆ្នាំ​នៅ​ថ្ងៃ​ពុធ​វេលា​ម៉ោង​ប៉ុន្មាន​ទេ?

10. តំនក់នៃក្ដីសង្ឃឹម - ថ្ងៃ ចន្ទ ទី 12 ខែ​មេសា 2010

ពិរោះគ្រាន់បើដែរតើ បងប្រុស ពិតជាមានទេព្យកោសល និង ពិតជាកូនខ្មែរពិតប្រាកដមែន ដែលមានលទ្ធភាពអាចថែរក្សា មរតកខ្មែរ ជាខ្លួន បាន ប្អូនសូមកោតសរសើរដោយស្មោះ ។។
សូមអរគុណ

11. sophat - ថ្ងៃ ចន្ទ ទី 12 ខែ​មេសា 2010

ពិទូរ្យ (ន) ពេជ្រ​ភ្នែក​ឆ្មារ សុំសួរបន្តិច ចុះត្បូងបុស្សាខាំ ជាប្រភេទអ្វី​?
សួស្តីឆ្នាំថ្មី !

12. វីរិយា - ថ្ងៃពុធ ទី 14 ខែ​មេសា 2010

សួស្តី​ឆ្នាំ​ថ្មី​បឿន! ជូន​ពរ​ឲ្យ​សម​ដូច​បំណង​ប្រាថ្នា​គ្រប់​រឿង​ដែល​ប៉ង!

13. Koy - ថ្ងៃ សៅរ៍ ទី 17 ខែ​មេសា 2010

ឆ្នាំខាលហេតុអីក៏មានទេវតាជិ់ះសេះ?​ ​ ដូចជាឆ្ងល់ណាស់ខ្ញុំ

14. Koy - ថ្ងៃ សៅរ៍ ទី 17 ខែ​មេសា 2010

ទេវតាវង្វែងគណបក្ស

15. ទឹម បឿន - ថ្ងៃ ចន្ទ ទី 19 ខែ​មេសា 2010

ទើប​តែ​ថ្ងៃ​នេះ​បាន​មក​មើល​ប្លក​វិញ អរគុណ​អ្នកទាំងអស់​គ្នា ជូនពរ​ឲ្យ​ជួបតែ​សុខ ធ្វើការងារ​បាន​ល្អ​ប្រសើរ មាន​គេ​គោរព​រាប់អាន បើ​រក​ស៊ី សូម​ឲ្យ​មាន​បាន ។

16. សុភ័ក្ត្រ - ថ្ងៃ ចន្ទ ទី 19 ខែ​មេសា 2010

បាន​រូប​មក​ពី​ណា​ពូ​បឿន ចែក​ចាយ​ប្រើ​ហង!
សុំ​អា​ធំ :D
ក្រ័ត្ន​នឹង​ដឹង​អែង​ចេះ​វិភាគ​អី​ដែរ​រ៉េ :P

17. ទឹម បឿន - ថ្ងៃ អង្គារ ទី 20 ខែ​មេសា 2010

មក​យក​ម៉ោ! មិនដឹង​ផ្ញើ​ទៅ​លោកភាក់​ឯង​តាម​ណា​ទេ​ឥឡូវ!

18. Piseth - ថ្ងៃពុធ ទី 21 ខែ​មេសា 2010

ពូកែតែងមែនណ!

19. កំណាព្យ | ពិភពសប្បាយរីករាយ - ថ្ងៃ អង្គារ ទី 12 ខែកក្កដា 2011

[...] តម្រា​ចូលឆ្នាំ​ថ្មី [...]


ឆ្លើយ​តប

Fill in your details below or click an icon to log in:

ឡូហ្កូ WordPress.com

អ្នក​កំពុង​បញ្ចេញ​មតិ​ដោយ​ប្រើ​គណនី WordPress.com របស់​អ្នក​។ Log Out / ផ្លាស់ប្តូរ )

រូបភាព​ពី Twitter

អ្នក​កំពុង​បញ្ចេញ​មតិ​ដោយ​ប្រើ​គណនី Twitter របស់​អ្នក​។ Log Out / ផ្លាស់ប្តូរ )

រូបថត Facebook

អ្នក​កំពុង​បញ្ចេញ​មតិ​ដោយ​ប្រើ​គណនី Facebook របស់​អ្នក​។ Log Out / ផ្លាស់ប្តូរ )

Google+ photo

អ្នក​កំពុង​បញ្ចេញ​មតិ​ដោយ​ប្រើ​គណនី Google+ របស់​អ្នក​។ Log Out / ផ្លាស់ប្តូរ )

កំពុង​ភ្ជាប់​ទៅ​កាន់ %s

តាមដាន

Get every new post delivered to your Inbox.

Join 227 other followers

%d bloggers like this: