ខ្ញុំគួរសរសេរ របាយការ ឬ របាយការណ៍? ខែ វិច្ឆិកា 7, 2009
Posted by ទឹម បឿន in អក្ខរាវិរុទ្ធ.trackback
យូរៗទៅ រកនឹកសរសេរពាក្យខ្មែរលែងត្រូវ មិនដឹងថាគេសរសេរពាក្យ របាយការណ៍ យ៉ាងនេះត្រូវឬខុស បើសំដៅលើរបាយនៃការងារប្រចាំថ្ងៃ ប្រចាំសប្ដាហ៍ ប្រចាំខែ ឬប្រចាំឆ្នាំ ។
តាមពិតទៅ ពាក្យនេះ នរណាក៏សរសេរ របាយការណ៍ដែរ តែបើគិតទៅដូចពុំត្រូវ ។ តាមន័យពាក្យ ការ និងពាក្យ ការណ៍ ខ្ញុំយល់ថា របាយការ ដូចជាត្រឹមត្រូវសម្រាប់ការរាយការងារដែលបានធ្វើក្នុងក្រុមហ៊ុន ។ ពាក្យ ការណ៍ គេប្រើដូចជា រាយការណ៍ ឬសរសេររបាយការណ៍ដូច្នេះដែរ តែសំដៅទៅលើហេតុការណ៍ ឬព្រឹត្តិការណ៍ដែលគេយកមករាយ ឬប្រាប់អ្នកផ្សេងទៀត ពាក្យ របាយការ ដែលសរសេរដូច្នេះ គឺសម្រាប់រៀបរាយអំពីការងារ ឬកិច្ចដែលបានបំពេញ ។
ខ្ញុំមិនដឹងថាការចែកដូច្នេះ ត្រូវឬខុសនោះទេ ព្រោះគំនិតខ្ញុំមិនទូលាយនឹងអាចចែកពាក្យនេះឱ្យច្បាស់លាស់បាន ។ ព្រោះត្រូវយកពាក្យនេះមកប្រើ តើគួរសរសេរ របាយការណ៍ ឬរបាយការយ៉ាងនេះវិញ ?
តាមពិតទៅពាក្យថា “ ការ” និងពាក្យថា “ ការណ៍” គឺមានន័យខុសគ្នា។
ពាក្យ “ ការ” មានន័យថា “ កិច្ច, អំពើ, ភារកិច្ច” ។ ឧៈ កិច្ចការ, ការងារ, ការកូន, មានការអ្វី? ជាដើម…។
ចំណែកពាក្យ “ ការណ៍” មានន័យថា “ ហេតុ, ដំណើរនៃព្រឹត្តិការណ៍ណាមួយដែល បានកើតឡើង រឺបានបំពេញ” ។ ឧៈ ហេតុការណ៍, រាយការណ៍។
ដូច្នេះពាក្យថារបាយការណ៍គឺត្រឹមត្រូវព្រោះថា ការធ្វើរបាយការណ៍អ្វីមួយគឺ តំរូវអោយយើងរៀបរាប់ពីដំណើរហេតុនៃកិច្ចអ្វីមួយដែលយើងបានបំពេញ។ ចូរចាំថា របាយការណ៍ ក្នុងន័យនេះមិនមែនជំនួសន័យអោយកិច្ចការងារ ដែលយើងបានបំពេញនោះឡើយ គឺវាជំនួសន័យអោយព្រឹត្តការណ៍, ហេតុការណ៍ នៃការងារនោះ។
យ៉ាងម៉េចដែរ លោកពូសម្លាញ់? អាចទទួលយកបានទេការបកស្រាយប៉ុណ្ណឹង? តាមពិតទៅខ្ញុំមិនអួតទេ កាលនៅរៀនខ្ញុំបានជាប់ឈ្មោះជាសិស្សពូកែ ភាសាខ្មែរទៀតផង។ តែខានអនុវត្តយូរហើយ គឺរយះពេល៣ឆ្នាំហើយ ខ្ញុំប្រើជំនាញ IT និងភាសាអង់គ្លេសរហូត។ ប៉ុន្តែ ទោះជាយ៉ាងណា ក៍ខ្ញុំយល់ថា ការបកស្រាយប៉ុណ្ណេះវាគ្រប់គ្រាន់ហើយ។
អរគុណ!
សុទ្ធតែអួតអ្នកពូកែអក្សរសាស្ត្រខ្មែរ ចុះបើខ្ញុំថាខុសទៅ មិនអន់ចិត្តស្លាប់ហើយទេ!
និយាយហ្នឹងដូចជាសមរម្យដែរ ។ មើល៍ បើយើងសរសេររបាយការណ៍ ហើយន័យហ្នឹងគឺជាការរៀបរាប់អំពីដំណើរប្រព្រឹត្តទៅនៃការងារ ដូចជាស៊ីគ្នាណាស់ គឺគេប្រាប់អំពីការងារហ្នឹងប្រព្រឹត្តិទៅយ៉ាងដូចម្ដេច ។ ប្រាប់ខ្ញុំអ៊ីចឹងមក ធ្វើឱ្យខ្ញុំនឹកឃើញដល់ពាក្យដែលគេនិយាយថា របាយការណ៍ការងារ អាចបញ្ជាក់ថា ពាក្យ ការណ៍ ដែលនៅខាងក្រោយរបាយ មិនមែនសំដៅលើការងារនោះទេ ដូច្នេះខ្ញុំជឿថា សុថារដ្ឋបកស្រាយហ្នឹងពិតជាត្រឹមត្រូវហើយ ។
អរគុណ
អូខេ! ចឹងបានត្រឹមត្រូវ ;D ។ ខ្ញុំមិនអួតទេ តែវាជាការពិត។ ហើយខ្ញុំមិនគិតថា ការបកស្រាយនេះ វាខុសទេព្រោះខ្ញុំជឿជាក់លើចំណេះដឹងខ្ញុំ។ រៀនអស់លុយ មួយគំនរ បើគ្រាន់តែសំនួរប៉ុណ្ណេះ ក្មួយឆ្លើយមិនរួចដូចជាយកលុយទៅបោះចោល ទទេរៗ!!!
បើឆ្ងល់ពាក្យអីទៀត សូមសួរចុះ ខ្ញុំរីករាយនឹងបកស្រាយ ព្រោះចំជំនាញខ្ញុំម៉ាច់តែម្តង។ 
ក្បឿនហើយ គេសរសេរតែ របាយការណ៍ ចឹងយូរណាស់ហើយ តឹមដឹង??
ដឹងថាគេសរសេរ របាយការណ៍ ដូច្នេះហើយ តែគិតទៅ ក្រែងថាគេសរសេរអ៊ីចឹងខុស
Thanks
Thank you, sir.
Hey Mai, i really like the way u comment, hrmm if u ever have time to blog could u plz add me…Stevenlim33@yahoo.com. i wanna thank ya n ask for sum more help…dats if ur willing to help…no preassure..
thanx bye
ចុះបើខ្ញុំថាពាក្យ « របាយ » មិនមែនក្លាយមកពីពាក្យ « រាយ » ។ អូ៎ ! មិនមែនខ្ញុំថាទេ គឺវចនានុក្រមខ្មែរ ។
របាយ (កិ.) (ស.) (រះប៉ាយ អ.ថ. រ៉ៈ–) គូរ, លាបថ្នាំ, ផាត់ថ្នាំ, រំលេចព័ណ៌ ៖ របាយព័ណ៌, របាយថ្នាំរំលេចព័ណ៌ ។
បើតាមគំនិតខ្ញុំ គួរតែឆ្ងល់ថាត្រូវសរសេរជា « សេចក្ដីរាយការ » ឬ « សេចក្ដីរាយការណ៍ » ។
យល់យ៉ាងម៉េចដែរ ?
ខ្ញុំដឹងហើយ,
យើងគួរសរសេរជា « រាយការណ៍ » (កិ.) (សូមមើលវចនានុក្រមខ្មែរ ត្រង់ពាក្យ « រាយ ») និង « សេចក្ដីរាយការណ៍ » (ន.)
អរគុណសម្រាប់អត្ថបទដ៏មានតម្លៃរបស់បងបឿន….
ដូច្នេះពាក្យ របាយ មកពីណា? បណ្ឌិតយល់ថាជាការសរសេរខុសឬទេ?
ខ្ញុំចង់ស្គាល់ សុថារដ្ឋ ឮល្បីខាងអក្សរសាស្ត្រខ្មែរ កំពង់តែរក ចង់សុំអោយ ជួយសរសេរសៀវភៅ មួយក្បាល បានទេ ? ចេញមកពីព្រៃយូរក្រែលដែរ ហើយ មិនដែលបានជួបអ្នកចិត្តល្អសោះ ទើបតែពេលនេះ ប្រហែលបានជួប ហើយមើលទៅ ! សុំបង្ហាញមុខផងមើល !
ចា៎! មានទៅស្អី…. តែបើស្គាល់ហើយកុំខកចិត្តណា ព្រោះខ្ញុំមិនសូវចេះគួរសមទេ។ អេ! ពូជាមិត្តភក្តិពូបឿនមែនទេ? ចឹងសួរគាត់ទៅ ព្រោះគាត់ស្គាល់ខ្ញុំខ្លះហើយ។ ហើយចង់អោយសរសេរសៀវភៅអីដែរ? ខ្ញុំរីករាយនឹងជួយគ្រប់ពេល។
និយាយចឹងចង់បកស្រាយពីពាក្យ “ របាយ” តិចសិនៈ
ពាក្យថា របាយ នេះគឺត្រឹមត្រូវដូចលោកពូបណ្ឌិតនិយាយអីចឹង! ចេះបើខ្ញុំថា “ របាយ” គឺក្លាយមកពីពាក្យ “ ល្បាយ” ត្រឹមត្រូវទេ? គឺជាល្បាយនៃធាតុផ្សំអ្វីមួយ ដូចគាត់បានថា “ របាយ” គឺបានន័យថាគូរ, លាប, ផាត់….។ល។ ចឹងបន្ទាប់ពីការផាត់ រឺគូរអ្វីមួយនោះបង្កើតបានជាល្បាយមួយ។ ហេតុនេះពាក្យថារបាយការណ៍មានន័យថាម៉េច? តើយើងគ្រប់គ្នាតែងតែធ្វើ របាយការណ៍នៃការងារ រឺរបាយការណ៍នៃអ្វីមួយនៅពេលណា? ទាល់តែបញ្ចប់ នៃកិច្ចការនោះទើបយើងអាចធ្ចើរបាយការណ៍បាន, បើមិនទាន់សំរេចការងារ នោះផង តើយើងអាចធ្វើរបាយការណ៍នៃការងារនោះបានទេ? ហេតុនេះ ពាក្យ “ របាយការណ៍” គឺចង់និយាយបីហេតុដំណើរនៃកិច្ចការដែលសំរេចរួចហើយ។ ចឹងចុះ ពាក្យ “ ធ្វើរបាយការណ៍” ? មានន័យថាម៉េច? បើអោយខ្ញុំរៀបរាប់១ថ្ងៃវាល់ល្ងាចមិនទាន់ចប់ផង ហើយខ្ជិលសរសេរណាស់។ បើអោយនិយាយ direct តែម្តងវាស្រួលជាង មិនសូវស៊ីពេលទៀត។ ខំរៀនអង់គ្លេសសឹងស្លាប់ មកសួរខ្មែរ…..ហេស ហេ….. lolz!
Thanks for your information.
ចុះគេបែងចែកខុសគ្នាយ៉ាងមេចរវាងរបាយការណ៏និងសារណា។ ទាំងខ្មែរ បារាំង អង់គ្លេស ប្រើពាក្យពីណឹងខុសគ្នាទាំងអស់។ ពាក្យសារណានេះមកពីអីទៅ?
អ្នកណាមានលីងវចនានុក្រមខ្មែរទេ ជួយផ្ញើរអោយខ្ញុំផង ដាក់នៅនេះក៏បាន ដាក់នៅមុខផ្ទះខ្ញុំក៏បាន ព្រោះខ្ញុំដូរកំព្យូទ៍រហើយ ធ្លាប់មានដែរតែបាត់ទៅហើយ។
អរគុណជាមុន
អរគុណា សុថារដ្ឋ ដែលបានបង្ហាញមុខ មានអីស្រស់ដែរតើ ទាស់តែរូបតូចពេក មើលមិនសូវច្បាស់ ។ កាលពីម្សិលមិញ គាត់បានចូលទៅប៉ុសខ្ញុំដែរ តែមិនបានតប អោយទាន់ពេលវេលា រវល់តែ ស្នេហានយោបាយត្រីកោណ តាមពិតខ្ញុមញញើតនិង ឆ្លើយ ខ្ញុំច្រឡំឈ្មោះ ស្មានថា អតីតមេបញ្ជាការកងអាវុធហត្ថ លើផ្ទៃប្រទេសនោះ ដែលមានពាក់ព័ន្ធ និងទឹកអាស៊ីដផង ចឹងបានខ្លាច តែដល់ពិនិត្យឈ្មោះទៅ ហើយនិងចេញមុខមកទៀត ដឹងថា មិនមែនទេ ។ សុំទោសផង ខ្ញុំប្រហែលជាមាន សំនួរច្រើនហើយ តែមិនមែនដេញដោល រឿងពាក្យវប្បធម៌ទេ មានសួរខ្លះហើយ នៅប៉ុសខ្ញុំ សូមឆ្លើយផង ។
ចា៎! មិនអីទេ, អរគុណ។ ខ្ញុំមិនប្រកាន់ទេ….Lolz
បងបឿន ៖ បើបងសួរខ្ញុំថាខុស ឬ ត្រូវ ខ្ញុំក៏មិនដឹងឆ្លើយថាយ៉ាងម៉េចដែរ ។ ខ្ញុំយល់ឃើញដូចសុថារដ្ឋបកស្រាយដែរ ។ ប៉ុន្តែសុំបន្ថែមបន្តិចទៀត (ចំណុចហ្នឹងខ្ញុំមិនសូវច្បាស់ទេ តែខ្ញុំថាតាមវចនានុក្រមខ្មែរទេ) ពាក្យ « របាយ » ហ្នឹងជាពាក្យរបស់សៀម ។
សុថារដ្ឋ ៖ កុំហៅខ្ញុំដល់ទៅ « ពូបណ្ឌិត », ចាស់ខ្ញុំងាប់ហើយ ! អាយុមិនទាន់គ្រប់ជានីតិជនផង….
ចុះខ្ញុំហៅពូបឿនថាពូដែរហ្នឹង ហើយបណ្ឌិតហៅពូបឿនថាបង ចឹងខ្ញុំក៏ហៅថាពូបណ្ឌិតដែរទៅ! សុំប្រាប់អាយុដល់ខ្ញុំផង ស្រួលខ្ញុំហៅ។
យី!!! ជជែកគ្នា នាំតែខុសទេ។ ចំនាស់នេះអស់ហើយ ជជែកតែពីពាក្យក្មេងៗ
រៀននៅថ្នាក់កុមារទៀត។
មើលអ្នកចាស់ទុំ សូមជួយប្រាប់តិចមើលពាក្យណាដែលថាជាពាក្យក្មេងៗរៀនថ្នាក់កុមារ? ខ្ញុំមិនសូវដឹងខុសត្រូវទេ ជួយតម្រង់ទិសផង!!!
ពាក្យរបាយការណ៍នេះ គេឲ្យរៀនតាំពីថ្នាក់ទី៤ ទី៥ ឯណោះ។
សុថារដ្ឋឯងច្រឡំន័យទេដឹង? ខ្ញុំគ្រាន់តែប្រាប់ថាពាក្យណាសរសេរត្រូវ ពាក្យណា
សរសេរខុសតែប៉ុណ្ណោះ ។មិនបាច់ថាច្រើនទេ ព្រោះចង់ភ្លេចភាសាខ្មែរអស់
ហើយ ព្រោះតែនិយាយច្រើនភាសាពេក។
បើគេមិនសួរក៏ខ្ញុំមិនឆ្លើយដែរ។ មកពីមានគេសួរវែកញែកច្រើនទើបខ្ញុំត្រូវនិយាយច្រើនដែរ។ បើមិនវែកញែកបានអីពិភាក្សាទៀត បើ Topic គេនិយាយពីពាក្យហ្នឹង!
ខ្ញុំទម្លាប់តែហៅគាត់ហ្នឹងថា បងបឿនៗ ទៅហើយ…..
សុថារដ្ឋឯង ក៏មិនត្រូវ និយាយច្រើនជាង topic ដែលគេដាក់មកដែរ ព្រោះវាអាច
ល្បីជាង ម្ចាស់ផ្ទះគេ។ អត់ខ្លាចគេច្រណែនទេឬ?
ច្រណែនអីប៉ុននឹង? ចែកគ្នាល្បីខ្លះផងមើល៍! lolz……. ពូបឿនគាត់មិនខ្លាចខ្ញុំល្បីជាងគាត់ទេ។ គាត់ចិត្តល្អណាស់…has ha
មកពីគាត់ចូលចិត្តសុថារដ្ឋឯងទេដឹង? ប្រយ័ត្នខ្លួនផង ព្រោះគាត់ជាប្រុស។
ឃើញគាត់មិនមាត់ៗ កុំស្មានគាត់ស្លូត។
អូ! ចា៎….អរគុណដែលរំលឹក។ ខ្ញុំមិនភ្លេចទេរឿងប្រយ័ត្ននោះ។
បាត់មុខបាត់មាត់យូរ ឥឡូវហ្វឹកហាត់ក្លាយជាកុមារចម្បាំងហើយឬអី ?
ហាត់នៅណាដែរ
បើក្នុងវចនានុក្រមខ្មែរ ខ្ញុមមិនទាន់ឃើញពាក្យថា របាយការណ៍ ទេ, តែធ្លាប់ឃើញពាក្យថា សេចក្ដីរាយការណ៍ ដែលមានក្នុងការពន្យល់អត្ថន័យរបស់ពាក្យ ព្រឹត្តិបត្រ ដែលគេឱ្យន័យថា ព្រឹត្តិបត្រ ៖ …..; សេចក្ដីរាយការណ៍ជាផ្លូវការអំពីរឿងរ៉ាយអ្វីមួយ;….
សុំកែត្រង់
ខ្ញុម–>ខ្ញុំ
ហាត់នៅផ្ទះ ពេលនេះទើបតែសាងសង់បន្ទប់ក្រោមដីរួច ។
អក្សរខ្មែរសរសេរខុសមកពីពួកចាស់ៗមិនព្រមកែ ឲ្យយកគំរូតាម ទើបសរសេរ
ខុសតៗគ្នាបែបនេះ។
យើងក្មេងៗចេះតែខំកែទៅ កុំឲ្យខុសច្រើនពេក ទម្រាំចាស់ៗស្លាប់បាត់អស់ អក្សរខ្មែរលែងខុសរញ៉េរញ៉ៃអ៊ីចឹងទៀតហើយ ហាហា
បើនិយាយពីរឿងខុសហ្នឹង នៅមានច្រើនណាស់ដូចជា ៖
វិប្បដិសារៈ យើងច្រឡំប្រើជា វិប្បដិសារី
វិប្បដិសារៈ ជានាមសព្ទ ដែលខ្ចីពីបាលី និងសំស្ក្រឹត ដែលសំដៅទៅលើន័យថាសេចក្ដីស្ដាយក្រោយ ឬ សេចក្ដីនឹងតូចចិត្ត ព្រោះដឹងថាខ្លួនខុស ។ ឧ. « មកពីខ្ញុំមិនប្រឹងរៀន ទើបប្រឡងធ្លាក់ ។ ខ្ញុំពិតជាមានវិប្បដិសារៈខ្លាំងណាស់ ។ »
ឯ វិប្បដិសារី ជានាមសព្ទ ដែលខ្ចីពីបាលី និងសំស្ក្រឹតដែរ ដែលសំដៅលើមនុស្សដែលមានវិប្បដិសារី ។ ភេទស្រី « វិប្បដិសារិនី » ។ ឧ. « ខ្ញុំមានវិប្បដិសារៈខ្លាំងណាស់ ។ ខ្ញុំជាវិប្បដិសារី ។ »
ប៉ុន្តែខ្ញុំធ្លាប់និយាយបែបហ្នឹងដែរ តែគេនាំគ្នាថាខ្ញុំហ្នឹងឆ្កួតតែម្នាក់ឯង ហើយថាខ្ញុំហ្នឹងអត់ចេះភាសាខ្មែរខំធ្វើឯងចេះ ឡើងខូចភាសាខ្មែរអស់ ។
ខ្ញុំយល់ថាបងបណ្ឌិតនិយាយត្រូវហើយ។ បងឯងចេះខ្ញែរច្រើនចឹងជួយបង្រៀនខ្ញុំផង ព្រោះខ្ញុំមិនសូវចេះទេ។ ពេលខ្លះប្រើពាក្យខុសអោយពាសវាលពាសកាល។