មនុស្សនៅតែសម្រុកចូលមើលរឿង នេសាទក្រពើ ខែ វិច្ឆិកា 3, 2009
Posted by ទឹម បឿន in ខ្សែភាពយន្ត, ទាក់ទងនឹងខ្ញុំ.trackback
ពួកម៉ាកបបួលទៅមើលរឿងនេសាទក្រពើ ដំបូងគិតថាមិនទៅទេ ព្រោះធ្លាប់មើលម្ដងរួចទៅហើយ ក្រោយមកក៏ប្ដូរចិត្តចង់ទៅមើលវិញ តែពួកម៉ាកគេទិញសំបុត្រពីរ សម្រាប់គេ និងសង្សារគេរួចទៅហើយ ។ ខ្ញុំគិតថា ដល់ម៉ោងចូលមើលចាំទិញសំបុត្រក៏បាន តែលុះដល់ម៉ោង សំបុត្រសម្រាប់ម៉ោង ២រសៀលលក់អស់ អត់មានសល់ទេ ។ ខ្ញុំមិនដឹងទៅណា ក៏ទៅចូលមើលរឿង ភូមិខ្មោច នៅរោងកុនលុច្ស ។ រឿងនោះ ខ្ញុំមិនដឹងថាជារឿងរបស់ប្រទេសណាទេ តែទំនងដូចហ្វីលីព្ពីន ក៏មិនដឹង ។ រឿងភូមិខ្មោចនោះ គួរឱ្យធុញណាស់ ពីដើមដល់ចប់ ចេញតែខ្មោច មិនដឹងខ្មោចមួយណាប្រាកដ ប្រហែល១០វិនាទីលេចខ្មោចម្ដង ភ្លេងឆុងឆាំងៗ សាច់រឿងដូចគ្មានអីពិសេសសោះ ។
ងាកមករឿងនេសាទក្រពើនេះវិញ រហូតមកដល់ឥឡូវ ដូចជាបីបួនឆ្នាំហើយ ប្រជាប្រិយភាពនៅតែមិនបាត់ មនុស្សនៅតែដណ្ដើមគ្នាទិញសំបុត្រចូលមើល គួរឱ្យកោតសរសើរមែន ។ បើធៀបរឿងផ្សេងៗរបស់ខ្មែរក្នុងសម័យក្រោយនេះ កម្រមានរឿងណាទទួលបានជោគជ័យដូចរឿងនេះណាស់ ។
ទៅអនាគត បើហង្សមាសនៅបន្តថតភាពយន្តខ្មែរតទៅទៀត ពិតជាអាចជួយលើកស្ទួយវិស័យភាពយន្តខ្មែរមួយកម្រិតដែរ ។ ជាពិសេស អាចជាគំរូដល់ផលិតកម្មផ្សេងៗឱ្យខិតខំផលិតភាពយន្តរបស់ខ្លួនបានកាន់តែប្រសើរពុំខានឡើយ ។
នេសាទក្រពើ លេងនៅឯណា បងបឿន?និយាយទៅលឺ ថាហង្សមាស កំពុងរៀប ចំ ថតរឿង សេ្តចកន ចំនាយលុយច្រើន ដោយ សេ្តចកងសំដែង ដោយ ព្រាបសុវត្តិ និង អ្នកមា្នង ផាឡែង សំដែងដោយសារាយ លក្ខណា។
គេបញ្ចាំងពីថ្ងៃ២៩ តុលា ដល់ថ្ងៃទី៣ ខែវិច្ឋិកា នៅមហោស្រពចេនឡា ។
ខ្ញុំមិនដែលបានមើលរឿងនេសាទក្រពើទេ មិនដែលមានពេលទំនេរសោះ។ តែតាមលឺបងសំណាងនិយាយពីរឿងស្តេចកន ខ្ញុំដូចជាចាប់អារម្មណ៍ដល់ហើយ។